हेमन्त शर्मा

स्वतन्त्र विश्वकोश, नेपाली विकिपिडियाबाट
Jump to navigation Jump to search

नेपाली सांगीतिक क्षेत्रका चर्चित गायक हुन् हेमन्त शर्मा । नवलपरासीको त्रिवेणीमा मध्यम परिवारमा जन्मिएका हेमन्त मिठो बोली र सुन्दर ब्यक्तित्वका धनी छन् । बुवा सरकारी जागिरे भएकोले उनको बाल्यकाल देशका बिभिन्न शहरहरुमा बित्यो । हेमन्त शर्मा बाल्यकालमा छिमेकीको  घरमा बजेको रेडियोबाट दिनभरी गीत सुनेर बस्थे । उनको आमा पनि गीतहरु गुनगुनाउछिन् । तराईमा जन्मेको र तराईमानै हुर्केको हुनाले उनी धेरैजसो हिन्दी गीतहरु पनि सुन्ने गर्थे । कक्षा ११ मा पढ्दा कलेजको एक युनियनले आयोजना गरेको कार्यक्रममा पहिलोपटक उनले सार्वजनिक रुपमा गीत गाएका थिए । त्यहाँ उनले ब्यबसायिक रुपमा नभएर रहरले गाएका थिए ।

उनले कलेजमा गीत गाएपछि त्यहाँ हेमन्तको चर्चा कलेज र आसपासको गाउँभरीनै भयो । उनको चर्चा यतिसम्म भयो कि उनी सहित केहि सांगितीक मानिषहरुको समुहले त्यहाँ एक सांगितीक समुह बनाए, जसको नाम राखे ‘अंकुरण संगीत समुह’ । १५ जना सदस्यहरु रहेको समुहले संगीतको लागि आवश्क बाजागाजाहरु किन्यो र स्थानिय तहका कार्यक्रम कार्यक्तमहरुमा सहभागी हुन थाल्यो । त्यो समुह स्थानिय स्तरमा मात्र सिमित नभएर आसपासका जिल्ला–जिल्लामा पनि सक्रिय भएर लाग्न थाल्यो ।

एक समय त हरेक ठाउँका स्टेज कार्यक्रमहरुमा ‘अंकुरण संगीत समुह’को प्रस्तुतीनै नछुट्ने समय पनि आयो । यस्तैमा हेमन्तले पहिलो गीत ‘अंकुरण संगीत समुह’मार्फत नै रेकर्ड गर्ने मौका पाए तर उक्त गीतले सोचेजति चर्चा भने कमाउन सकेको थिएन । यस्तैमा हेमन्तको लालच बढ्दै गयो । उनलाई केहि जिल्लाका दर्शकहरुले मात्र चिनेर पुगेन । उनी चाहन्थे उनलाई संसारभरमा बस्ने नेपालीहरुले चिनुन् । उनको त्यो ईच्छाशक्तिले उनलाई काठमाण्डौँसम्म डोर्यायो ।

पढाई एउटा बहानमात्र बनाएर उनी गीतसंगीतमा नाम कमाउने मनसायले काठमाण्डौ पसे । उनी काठमाण्डौँ छिरेपटि कलेज भर्ना भएनन् । गाउँको मायालु संसारबाट काठमाण्डौ छिरेका हेमन्तलाई काठमाण्डौँले धेरै हन्डरठक्कर खुवायो । उनी आफ्नो आवाज सुनाउन देशका चर्चित कम्पनी तथा संगीतकर्मीहरुकोमा गए तर त्यहाँबाट उनलाई नकारात्मक प्रतिक्रियाहरु आउथेँ । उनी आफुले एकदम राम्रो सुनाए झैँ लाग्थ्यो तर कम्पनीका मानिष र संगीतकर्मीहरुले उनको आवाज सुन्न चाहेनन् वा मन पराएनन् त्यो उक्त संगीतकर्मीहरुलाई नै थाहा होला । काठमाण्डौँको बसाई र वाताबरणले मन चसक्क हुदाँहुदैँ पनि उनले आफ्नो अठोटलाई भने कहिल्यै छोडेनन् । 

२७ दिन शास्त्रिय संगीत सिकेका उनी आफुलाई स्वयंसाक्षरित संगीतको बिद्यार्थी भन्न रुचाउँछन् । काठमाण्डौँ आएपछि उनले २०५४ देखी २०५७ सालसम्म ८ वटा गीतहरु रेकर्ड गरे । त्यो समयमा निकालेको ‘ओ प्रिय...’ बोलको गीतले उनलाई सञ्चार क्षेत्र र सिमित दर्शकश्रोताहरुमाझ चिनाउन मद्धत गर्यो । त्यसपछि उनले २०५९ सालमा ‘बिशेष’ नामक गीतीसंग्रह निकाले । सोहि गीतीसंग्रहमा समावेश ‘माया साह्रै महंगो...’ बोलको गीतले उनलाई दर्शकमाझ निकै लोकप्रिय बनाउन पुग्यो ।

त्यो गीतीसंग्रहको कारणले उनको कमाई पनि भयो भने उनलाई स्टेज कार्यक्रमहरुमा पनि निम्तो आउन थाल्यो । यतिमात्र नभई यो गीतकै कारणले उनी कम्पनी र संगीतकर्मीहरुको नजरमा पनि परे । ‘माया साह्रै महंगो’ बोलको गीतलाई आफ्नो जीवनको टर्निग पोईन्ट मानेका उनले त्यसको दुईबर्षपछि ‘लोकप्रिय’ नामक गीतीसंग्रह पनि बजारमा ल्याए । सो गीतीसंग्रहमा समावेश ‘माया त यस्तो होस्...’, ‘थाप न थाप हातैमा...’, ‘जाले रुमाल...’ लगायतका गीतहरुले उनको चर्चालाई झनै उकास्यो । 

२÷२ बर्षमा गीतीसंग्रह बजारमा ल्याईरहेका उनले ‘लोकप्रिय’ गीतीसंग्रह सार्वजनिक गरेको ठ्याक्कै २ बर्षमा अर्को एक गीतीसंग्रह निकाले जसको नाम हो ‘आत्मिय’ । ‘मुल हौ भने रसाईदेउ...’, ‘आउँदै गर मालती...’, ‘बदनामै हुन्छु तिम्रो नाउँमा...’ लगायतका गीतहरु समावेश गीतीसंग्रहलाई पनि दर्शकहरुले अत्याधिक मन पराए । जीवनको त्यो समयमा आएर मात्र उनलाई बल्ल दर्शकश्रोताहरुले आफुलाई चिनेको भान हुन थाल्यो ।

गायकभन्दा गीत मनपर्ने, संगीतकारभन्दा संगीत मनपर्ने उनलाई ठ्याक्कै यहि गायकजस्तो बन्छु भन्ने कहिल्यै लागेन । एकछाक खानाको लागि महाराजगञ्जको मोनालिसा गजल रेस्टुरेन्ट एण्ड बारमा सित्तैमा काम गरेका उनी सोही रेस्टुरेन्टकै पियानोबाधक दाईको डेरामा समेत केहिदिन सँगै बसेका थिए । उनी काठमाण्डौँ आउँदा बस्ने ठाउँको पक्क ब्यवस्था नगरी आएका थिए ।

सांगीतीक कार्यक्रहरुको सिलसिलामा हेमन्त अहिलेसम्म १५ वटा देशहरु घुमिसकेका छन् । विदेशको यात्रा गर्दा रमाईलो हुने भएपनि उनी धेरै समय घरपरिवारभन्दा टाढा रहन सक्दैनन् । उनले विदेशयात्राको क्रममा अहिलेसम्म सबैभन्दा लामो एक महिनाको युरोप भ्रमण गरेका छन् । विदेशमा शनिवार र आईतवार सबैको छुट्टी हुने भएकोले ती दुईदिन निकै रमाईलो हुने उनको अनुभव छ । दर्शकहरुको मायाले गर्दा बैदेशिक कार्यक्रमहरुमा जाने मौका पाईरहेकोमा उनी दर्शकहरुप्रति निकै खुसि ब्यक्त गर्छन् ।

दुई बच्चाका पिता हेमन्तको पारिवारिक जीवन एकदमै आनन्ददायी छ । बुवाआमा भैरहवामा बस्ने उनको दाजुभाउजु भने काठमाण्डौँमानै बस्छन् । बाचुञ्जेल सांगीतिक क्षेत्रमानै लागिरहने सोच भएका हेमन्तको ठुलो योजनाहरु भने केहिपनि छैन ।