जोमसोम

जोमसोम
सदरमुकाम
जोमसोम
गण्डकी प्रदेशको नक्सामा जोमसोम जोमसोम (नेपाल)
निर्देशाङ्क: २८°४७′०″उ॰ ८३°४३′५०″पू॰
देश	नेपाल
प्रदेश	गण्डकी प्रदेश
जिल्ला	मुस्ताङ
गाउँ परिषद्	घरपझोङ
वडा नम्बर	४
उन्नतांश	२,७४३ मिटर (८९९९ फिट)
जनसङ्ख्या  (वि.सं २०६८)
• जम्मा	१,३७०
समय क्षेत्र	युटिसी+०५:४५ (नेपाली समय)
हुलाक कोड	३३१००
क्षेत्रीय सङ्केत	०६९

जोमसोम नेपालको गण्डकी प्रदेश अन्तर्गतको मुस्ताङ जिल्लामा अवस्थित एक साविकको गाउँ विकास समिति तथा घरपझोङ गाउँपालिकाको वडा नम्बर ४ हो। जोमसोम मुस्ताङ जिल्लाको सदरमुकाम हो। यो २,८०० मिटरको उचाईमा काली गण्डकीको किनारमा अवस्थित छ। यो ठाउँबाट यसको दक्षिणी भेकमा पर्ने धौलागिरी तथा निलगिरी हिमालको राम्रो दृश्य देखिन्छ। यो ठाउँ प्रख्यात तीर्थस्थल मुक्तिनाथ तथा लोमान्थाङ जाने प्रवेशद्वारको रूपमा रहेकाे छ। जोमसोम अन्नपूर्ण संरक्षण क्षेत्र भित्र पर्दछ।

जनसङ्ख्या

नेपालको राष्ट्रिय जनगणना २०६८ को तथ्याङ्क अनुसार जोमसोमको कुल जनसङ्ख्या १,३७० मध्ये ७०२ पुरुष र ६६८ महिलाहरू ४३० व्यक्तिगत घरधुरीमा बसोबास गर्दछन्।

नामाकरण

तिब्बती भाषामा जोङ्साम भन्नाले नयाँ किल्ला भन्ने जनाउँछ। त्यही शब्द अपभ्रंश भएर जोमसोम शब्द बन्न गएको हो। स्थानीय नेपाली भाषामा यसलाई झुम्सा पनि भनिन्छ।

भौगोलिक स्थिति

जोमसोम अन्नपूर्ण हिमशृङ्खलाको उत्तर पट्टी रहेको हुनाले यहाँ अत्यन्त कम मात्रामा पानी पर्दछ। उच्च हिमाली भेग भएको हुनाले दिउँसाेको समयमा उच्च बेगले हावा बहने गर्दछ।

सञ्चार तथा यातायात

जोमसोममा जोमसोम विमानस्थल रहेको छ जहाँबाट पोखरा सम्म सिधा हवाई सम्पर्क हुने गर्दछ। त्यसका साथै यहाँबाट कालीगण्डकी नदीको तीरै तीर हुँदै गोरेटो बाटोले दक्षिणमा बेनी तथा बाग्लुङ बजार सम्म यसलाई जोड्ने गर्दछ। हाल बेनीबाट जोमसोमलाई जोड्न एक सडक पनि निर्माण हुँदै छ।

चित्र दीर्घा

• 
  जोमोसोम थिनी
• 
  जोमोसोम थिनी
• 
  जोमोसोम थिनी
• 
  जोमसोम रात्री समय
• 
  रोमाञ्चको यात्रा जोमसोम
• 
  मुस्ताङ जिल्लाको जोमसोम
• 
  मनोरम दृश्य

यो पनि हेर्नुहोस्

• उपल्लो मुस्ताङ

सन्दर्भ सामग्रीहरू

बाह्य कडीहरू

जोमसोम विकियात्रामा यात्रा सहयोगी

• जिल्ला विकास समिति, मुस्ताङ