नवीन विभास

नवीन विभास
जन्म	वि.स. २०३६ मंसिर २९ राङ्कोट, रोल्पा
राष्ट्रियता	नेपाली
शिक्षा	स्नातकोत्तर (अङ्ग्रेजी)
पेशा	पत्रकारिता, लेखन
चिनारीको कारण	कथा,कविता,निबन्ध
उल्लेखनीय कार्य	रोल्पा सुइना
मातापिता	दलबहादुर पुन मगर दिलसरी पुन मगर

नवीन विभास नेपाली साहित्यका एक कवि, कथाकार तथा निबन्धकार हुन् ।

प्रारम्भिक जीवन

नवीन विभासको जन्म वि.सं. २०३६ साल मङ्सिर २९ गते राङ्कोट गाविस वडा नं.– ७, जैपा, रोल्पामा आमा दिलसरी पुन र बुवा दलबहादुर पुनको कोखबाट भएको हो । उनको खास नाम किरण पुन हो ।

लेखनशैली

विशेष गरी विपन्न र समाजको नेपथ्यमा छेकिएका मानिसहरूका कथालाई कविता, निबन्ध तथा कथाका माध्यमबाट प्रस्तुत गर्न माहिर नवीन विभास युद्ध साहित्य लेखनमा क्रियाशील छन् । राजनीतिक द्धन्द्धको परिवेश, भोगाइ र असरहरूलाई कथ्यमा उतार्ने प्रयासमा नवीन विभासले मानवजीवनका दैनन्दिनी समातेर सम्वेदनशील र चिन्तनीय कथाहरू लेख्न सिपालु छन् ।

कार्य जीवन

नवीन विभास साहित्य र पत्रकारितामा समानान्तर कलम चलाउँछन् ।एक दशक भन्दा लामो समय नेपाली र अंग्रेजी दैनिक पत्रिकामार्फत् नेपालको राजनीति र द्धन्द्धलाई पछ्याएका नवीन विभासले नेपालको बहुसंस्कृतिलाई पनि नजिकबाट नियालेका छन् । संयुक्त राष्ट्र संघको राजनीतिक मामिला विभागमा समेत काम गरेका स्वतन्त्र अनुसन्धाता विभास राष्ट्रिय/अन्तर्राष्ट्रिय सञ्चारमाध्यममा समाचार र बैचारिक लेख लेख्छन् ।

प्रकाशित कृतिहरू

• आधाबाटो हिँडेपछि (कथासङ्ग्रह, २०५७),
• मौसमका हरफहरु (सङ्युक्त कवितासङ्ग्रह, २०५८),
• उनका गजल (सङ्युक्त गजलसङ्ग्रह, २०५९)
• रात पनि ऐठन परेको रातमा (निबन्धसङ्ग्रह, २०६०)
• रोल्पा सुइना (कथासङ्ग्रह, २०७३)

पुरस्कार तथा सम्मान

• राप्ति साहित्य पुरस्कार,२०४९
• प्रतिभा पुरस्कार २००८, बेलायत
• इच्छुक पुरस्कार, २०७२, जनसांस्कृतिक महासङ्घ, दाङ
• इच्छुक स्मृति  पुरस्कार २०७४, इच्छुक प्रतिष्ठान, काठमाण्डौं
• दलसुर कथा पुरस्कार, रोल्पा

अन्य लेख रचनाहरू

• हटारु (कथा),नवीन विभास, जनउभार डटकम वेब्याक मेसिन अभिलेखिकरण २०१८-०६-१७ मिति
• काँडा (कथा), नवीन विभास, ई-कान्तिपुर डटकम वेब्याक मेसिन अभिलेखिकरण २०१८-०६-२३ मिति
• काँडा (कथा), नवीन विभास, साहित्य सङ्ग्रहालय डटकम
• छोराको खोजीमा(कथा), नवीन विभास, नयाँ युगबोध डटकम
• बेपत्ता ! कहिले फर्केलान् घर ती मान्छे !(संस्मरण), नवीन विभास, खबर डवली डटकम