उमा कान्त चौधरी

स्वतन्त्र विश्वकोश, नेपाली विकिपिडियाबाट
Jump to navigation Jump to search


उमाकान्त चौधरी

नेपाली काङ्ग्रेस, केन्द्रीय कार्यसमितिका सदस्य उमाकान्त चौधरी बारा क्षेत्र नं. ५ बाट निर्वाचित सभासद हुनुहुन्छ। ४१ वर्षीय चौधरी २०५६ सालको संसदीय निर्वाचनमा बारा क्षेत्र नं १ बाट चुनिनुभएको थियो। त्रिभुवन विश्वविद्यालयबाट बोटानीमा स्नातकोत्तर चौधरीको रुचि अध्ययनमा छ र उहाँका थुप्रै लेख-रचना विभिन्न पत्रत्रिकामा प्रकाशित हुँदै आएका छन्। उहाँ तीन छोरी र एक छोराका पिता हुनुहुन्छ। उमाकान्त चौधरीको राजनीतिक जीवन २०३६ सालमा विद्यार्थी आन्दोलनबाट शुरु भएको हो। पञ्चायत विरोधी आन्दोलन र लोकतन्त्र स्थापनाको आन्दोलनमा लाग्दा उहाँले पटक-पटक गरी १५ महिना जेल-जीवन बिताउनुभएको छ। ने.वि.संघको केन्द्रीय सदस्य, तरुण दलको केन्द्रीय सदस्य र त्रिविवि स्ववियुको उपाध्यक्ष रहिसकेका चौधरीले कृषि तथा सहकारी सहायक मन्त्रीको जिम्मेदारी समेत वहन गरिसक्नुभएको छ। उहाँ जनतासँगको निकट सम्बन्ध र मधेश आन्दोलनका वेला मधेशी जनतालाई अधिकार दिलाउन खेलेको भूमिकाको कारण आफू संविधानसभामा चुनिएको ठान्नुहुन्छ। सङ्घीय गणतान्त्रिक लोकतन्त्र र समावेशी लोकतन्त्रको मुद्दालाई संविधानसभामा प्रमुखता साथ उठाउने उहाँको अठोट छ।

[१]

सन्दर्भ[सम्पादन गर्ने]