राष्ट्रिय प्रजातन्त्र पार्टी
राष्ट्रिय प्रजातन्त्र पार्टी नेपालको एक प्रजातान्त्रिक पार्टी हो। यसकाे स्थापना २०४७ साल जेठ १५ गते भएकाे हाे, जेठ १५ एकैदिन पुर्वप्रधानमन्त्री सूर्यबहादुर थापा नेतृत्वमा राप्रपा(गाई) र पुर्वप्रधानमन्त्री लाेकेन्द्रबहादुर चन्द नेतृत्वमा राप्रपा(हलाे)काे निर्वाचन आयोग (नेपाल)मा दर्ता भएकाे हो, पछि दुबै राप्रपालाई एक गरियाे र एउटै राप्रपा बनाईयाे, राप्रपा एक भएपछि राष्ट्रिय राजनितिमा दरिलाे उपस्थिति जनाउन सफल भयाे। तर त्याे एकता लामाे समय टिक्न सकेन पहिले देखि नै सानाे सानाे समूह चाैटिने गरेकाेमा २०६१ सालमा सुर्यबहादुर थापाले राप्रपाबाट बाहिरिएर राष्ट्रिय जनशक्ति पार्टीको गठन भयाे भने २०६२ सालमा राजाकाे कदमलाई समर्थन गर्ने राप्रपा भित्रकाे बलियाे समुहले कमल थापा नेतृत्वमा पुस २६ राप्रपाकाे विशेष भेला मार्फत राप्रपा नेपाल गठन गरे, त्यसपछि राप्रपा तीन समूह हुन पुग्याे ।
२०६२/६३काे परिवर्तन पछि पशुपति शमशेर नेतृत्वकाे राप्रपा र सुर्यबहादुर थापा नेतृत्वकाे राजपाले गणतन्त्र र धर्मनिरपेक्षता जस्ता विषय स्वीकार गरे भने कमल थापा नेतृत्वकाे राप्रपा नेपालले संवैधानिक राजसंस्था र सनातन हिन्दुराष्ट्रकाे लागि क्रियाशिल रहदै २०६४ काे संविधानसभाको निर्वाचनमा सहभागी भए उक्त निर्वाचनमा राप्रपाले ८ सिट, राप्रपा नेपालले ४ र राजपाले ३ सिट प्राप्त गरे। मुलुकमा फेरि प्रजातन्त्रवादी शक्तिकाे एकता अावश्यक भयाे र तिनअाेटै राप्रपा बिच एकताकाे प्रयासहरु भए तर त्यसले सार्थक रुप लिन सकिरहेकाे थिएन, २०६९ मा राप्रपा र राजपा एक भै राष्ट्रिय शक्ति प्रजातन्त्र पार्टीको निर्माण भयाे र राशप्रपा नेपाली राजनीतिमा झण्डै एकवर्ष क्रियाशिल रह्यो पुन: त्यसलाई राप्रपा बनाईयाे, त्यसमा चक्रिय प्रणालि अनुसार क्रमश: सुर्यबहादुर थापा, पशुपतिशमशेर राणा, लाेकेन्द्रबहादुर चन्द, राजेश्वर देवकाेटा र डा.प्रकाशचन्द्र लाेहनी अध्यक्ष हुने व्यवस्था भयाे। त्यस एकताले राप्रपाले गणतन्त्रलाई स्वीकार गरि सहमत भएकाले गणतन्त्र प्रति असहमत कमल थापा नेतृत्वकाे राप्रपा नेपाल समावेश हुन सकेन।
२०७० काे निर्वाचनमा कमल थापा नेतृत्वकाे राप्रपा नेपाल २५ सिट सहित मुलुककाे चाैथाें ठुलाे राजनैतिक शक्तिकाे रुपमा उदायाे भने उता राप्रपाले १३ सिट प्राप्त गर्यो। २०७३ मा राप्रपा नेपाल र राप्रपा बिच एकता भै एउटै राष्ट्रिय प्रजातन्त्र पार्टी बन्याे तर त्याे एकता लामाे समय टिक्न सकेन र २०७३ चैत्रमा डा. प्रकाशचन्द्र लाेहनीले राप्रपाबाट बहिरिदै एकीकृत राप्रपा (राष्ट्रवादी) नामकाे नयाँ दलकाे गठन गरे भने राष्ट्रघाती संविधान संशाेधन र पदीय बार्गेनिङ गर्दै २०७४ साउन २२ गते पशुपतिशमशेर राणाले राप्रपा(प्रजातान्त्रिक) नामक पार्टी निर्माण गर्न निर्वाचन आयोग मा निवेदन दर्ता गरें राप्रपा(प्र.) निर्माण गरे। यता संस्थापन राप्रपा, राष्ट्रिय प्रजातन्त्र पा्र्टी निरन्तर संबैधानिक राजसंस्था र सनातन हिन्दुराष्ट्रकाे पक्षमा निरन्तर क्रियाशिल छ ।
राष्ट्रिय प्रजातन्त्र पार्टीको अध्यक्ष पुर्व उपप्रधानमन्त्री कमल थापा छन् भने पुर्वमन्त्री दीपक बाेहरा वरिष्ठ नेता, पुर्वगृहमन्त्री बुद्धीमान तामाङ र पुर्वमन्त्री राजीव पराजुली वरिष्ठ उपाध्यक्ष छन्। यसकाे चुनाव चिन्ह गाई रहेकाे छ, यसकाे मुख्यालय धुम्बाराही काठमाडौंमा छ। यसकाे फाेन नम्बर ०१४४३०६३५ रहेकाे छ।
