नेपाली जनता दल

विकिपिडिया, एक स्वतन्त्र विश्वकोशबाट
Jump to navigation Jump to search

'नेपाली जनता दल' नेपालको एक राजनीतिक दल हो। यसले संविधान सभा निर्वाचन २०६४ मा भाग लिएको थियो। जसमा २ जना सभासद यस दलको तर्फबाट निर्वाचित भएका थिए | संविधान सभा निर्वाचन २०७० मा यस दलको तर्फबाट १ जना सभासद निर्वाचित हुनुभएको थियो । नेपाली जनता दलको तर्फबाट पहिलोमा माननीय गायत्री शाह र माननीय विश्वनाथ प्रसाद अग्रवाल तथा दोस्रोमा माननीय हरिचरण शाह संविधान सभा सदस्य हुनुहुन्थ्यो । २०६५ । २ । १५ गते संबैधानिक समितिमा ७ प्रदेशको नामाकरण सहितको खाका दलको तर्फबाट पेश गरिएको थियो जुन खाका बमोजिम संघीय लोकतान्त्रिक गणतन्त्रात्मक नेपालको प्रादेशिक संरचना निर्माण भएको हो । २०७८/१२/२६ गते नेपाली जनता दल र नवनेपाल डेमोक्रेटिक पार्टीबीच एकिकरण सम्पन्न भई " नेपाली जनता दल " कायम भएको छ । जसअनुसार दलको राष्ट्रिय अध्यक्ष हरिचरण शाह, संघीय परिषद् अध्यक्ष अनुप पहाडी, बरिष्ठ उपाध्यक्ष रघु परियार, उपाध्यक्षहरु सदानन्द शाह, रामप्यारे पासवान, सुमन पौडेल, यामबहादुर जीसी रहनुभएको छ । त्यस्तै कार्यवाहक महासचिव रामबाबु रजक सहित २०१ सदस्यीय संघीय परिषद् रहेको छ ।

नेपाली जनता दलको सैद्धान्तिक दृष्टिकोण सामाजिक न्याय सहितको जनतावाद र मानवतावाद तथा समानता आधारित सामाजिक लोकतान्त्रिक ब्यवस्था र समाजवादी अर्थव्यवस्था हो । दलले संघीयता, गणतन्त्र, धर्मनिरपेक्षता र पूर्ण समानुपातिक निर्वाचन प्रणालीलाई मुख्य एजेण्डाको रूपमा अघि सार्दै आएको छ ।

सन्दर्भ सामग्रीहरू[सम्पादन गर्ने]