जमकट्टेल मन्त्रिपरिषद्

जमकट्टेल मन्त्रिपरिषद्
बागमती प्रदेशको चौथौ मन्त्रिपरिषद्
मुख्यमन्त्री जमकट्टेल
गठन मिति	वि.सं. २०७९ पुस २६
सदस्य र सङ्गठन
प्रमुख	यादवचन्द्र शर्मा
मुख्यमन्त्री	शालिकराम जमकट्टेल
मन्त्रीहरूको सं.	४
दल सङ्ख्या	नेकपा (माओवादी केन्द्र) (२१) गठबन्धन दलहरू:      नेपाली कांग्रेस (३७)      नेकपा (एस) (७)      हाम्रो नेपाली पार्टी (२)
सभामा स्थिति	प्रदेश सभा ६७ / ११० (६१%)
प्रतिपक्षी दल	नेकपा (एमाले) (२७)
प्रतिपक्षी नेता	जगन्नाथ थपलिया
इतिहास
निर्वाचन(हरू)	२०७९
संसद कार्यकाल(हरू)	५ वर्ष
पूर्वाधिकारी	राजेन्द्र पाण्डे मन्त्रिपरिषद्

शालिकराम जमकट्टेलको मन्त्रिपरिषद् बागमती प्रदेशको चौथौ प्रदेश सरकार हो। शालिकराम जमकट्टेलले वि.सं. २०७९ पुस २६ मा बागमती प्रदेशको मुख्यमन्त्रीको सपथ लिएपछि मन्त्रिपरिषद्को गठन भएको हो।

इतिहास

जमकट्टेल वि.सं. २०७९ पुस २६ मा बागमती प्रदेशको मुख्यमन्त्री नियुक्त भएका थिए। वि.सं. २०७९ पुस १६ गते नेकपा (माओवादी केन्द्र) बागमती प्रदेश संसदीय दलको नेता छानिएपछि जमकट्टेलले वि.सं. २०७९ पुस २५ मा बागमती प्रदेश सभामा नवनिर्वाचित ७० जना सभासदको समर्थन सहित मुख्यमन्त्रीको दावी पेश गरेका थिए।

वि.सं. २०७९ माघ ३ गते जमकट्टेलले पहिलो पटक विश्वासको मत प्राप्त गर्दा उनलाई नेपाली कांग्रेससहित नेकपा (माओवादी केन्द्र), नेकपा (एमाले), राप्रपा, नेकपा (एस) र हाम्रो नेपाली पार्टीका सभासदहरूले विश्वासको मत दिएका थिए। उनले बागमती प्रदेश सभामा उपस्थित १०९ सभासदहरूमध्ये १०५ जनाको समर्थन प्राप्त गरेका थिए।

वि.सं. २०७९ फागुन १३ गते राप्रपाले सरकारलाई दिएको १३ सभासदको समर्थन र वि.सं. २०७९ चैत्र १० गते नेकपा (एमाले)ले सरकारलाई दिएको २७ सभासदको समर्थन फिर्ता लिएपछि जमकट्टेलले पुनः दोस्रो पटक वि.सं. २०७९ चैत्र १० गते विश्वासको मत लिनुपरेको थियो। दोस्रो पटक विश्वासको मत प्रस्तावमा जमकट्टेलले सदनमा उपस्थित ९१ जना सभासदमध्ये ६७ जना सभासदको समर्थन प्राप्त गर्दै सरकारलाई निरन्तरता दिएका थिए। उनको प्रस्तावलाई नेपाली कांग्रेससहित नेकपा (माओवादी केन्द्र), नेकपा (एस), राप्रपा र हाम्रो नेपाली पार्टीले समर्थन गरेको थियो।

मन्त्रालयहरू

वर्तमान गठन

सि.नं.	जिम्मेवारी	धारक	राजनीतिक दल		पदभार	पदमुक्त
मन्त्रिपरिषद्को मन्त्री
१	मुख्यमन्त्री कृषि तथा पशुपक्षी विकास स्वास्थ्य श्रम, रोजगार तथा यातायात पर्यटन, उद्योग तथा सहकारी वन तथा वातावरण मन्त्रालय	शालिकराम जमकट्टेल		नेकपा (माओवादी केन्द्र)	वि.सं. २०७९ पुस २६	पदासिन
२	आन्तरिक मामिला तथा कानुन मन्त्री	गङ्गानारायण श्रेष्ठ		नेकपा (माओवादी केन्द्र)	वि.सं. २०७९ माघ ११	पदासिन
३	सामाजिक विकास मन्त्री	कुमारी मुक्तान		नेकपा (माओवादी केन्द्र)	वि.सं. २०७९ माघ ११	पदासिन
४	भौतिक पूर्वाधार विकास मन्त्री	युवराज दुलाल		नेकपा (माओवादी केन्द्र)	वि.सं. २०७९ माघ ११	पदासिन
५	आर्थिक मामिला तथा योजना मन्त्री	बहादुरसिंह लामा		नेपाली कांग्रेस	वि.सं. २०७९ चैत्र २६	पदासिन
६	खानेपानी, उर्जा तथा सिँचाई मन्त्री	तीर्थबहादुर लामा		नेपाली कांग्रेस	वि.सं. २०७९ चैत्र २६	पदासिन

दल अनुसार मन्त्री

  नेकपा (माके) (८०%)

  नेपाली कांग्रेस (२०%)

राजनीतिक दल		मन्त्रिपरिषद्को मन्त्री	प्रदेश राज्य मन्त्री	जम्मा मन्त्रीहरू
	नेकपा (माके)	४	०	४
	नेपाली कांग्रेस	२	०	२