ट्रिनिडाड र टोबागो

गणतन्त्र ट्रिनिडाड र टोबागो
गणतन्त्र ट्रिनिडाड र टोबागो
	झन्डा प्रतीकचिह्न
	आदर्श वाक्य: सँगै हामी आकांक्षा गर्छौं, सँगै हामी हासिल गर्छौँ
	राष्ट्रिय गान: "फोर्ज फ्रम द लभ अफ लिबर्टी"
राजधानी	पोर्ट अफ स्पेन; १०°४०′०″उ ६१°३०′२७″प / 10.66667°N 61.50750°W
सबैभन्दा ठुलो सहर	सान फर्नान्दो; १०°१७′उ ६१°२८′प / 10.283°N 61.467°W
आधिकारिक भाषाहरू	अङ्ग्रेजी
अन्य भाषाहरू	भाषा हेर्नुहोस्
जातिगत समूहहरू (सन् २०११)	३७.६% भारतीय; ३६.३% अफ्रिकी; २४.४% मिश्रित; — ७.६६% डौगला; ०.६५% युरोपेली; — ०.०६% पुर्तगाली; ०.३०% चिनियाँ; ०.११% आदिवासी अमेरिकी; ०.०८% अरबी; ०.१७% अन्य; ६.२२% अघोषित;
धर्म (सन् २०११)	६३.२% इसाई; २०.४% हिन्दु; ५.६% इस्लाम; २.५% धर्मइतर; १०.८% अन्य;
सरकार	एकात्मक संवैधानिक गणतन्त्र
• राष्ट्रपति	पौला-मे विक्स (स्वतन्त्र)
• प्रधानमन्त्री	केइथ राउली (जराआ)
• सभामुख	ब्रिगिड एनिसेट-जर्ज (जराआ)
• प्रतिनिधि सभा अध्यक्ष	क्रिस्टिन कङ्गालु (जराआ)
• प्रधानन्यायाधीश	इभोर आर्ची
• प्रतिपक्ष दलको नेता	कमलाप्रसाद बिसेसर (संयुक्त राष्ट्रिय काङ्ग्रेस)
व्यवस्थापिका	संसद
• माथिल्लो सदन	सिनेट
• तल्लो सदन	प्रतिनिधि सभा
स्थापना
• संयुक्त अधिराज्यबाट स्वतन्त्र	३१ अगस्ट १९६२
• चागुरामास सन्धि	१ अगस्ट १९७३
• गणतन्त्र	१ अगस्ट; (२४ सेप्टेम्बरमा मनाइन्छ)
क्षेत्रफल
• जम्मा	५,१३१ किमी२ (१,९८१ वर्ग माइल) (१६४औँ)
• पानी (%)	नगण्य
जनसङ्ख्या
• सन् २०२१ अनुमानित	१३,६७,५५८ (१५१औँ)
• सन् २०११ जनगणना	१३,२८,०१९
• घनत्व	२६४ /किमी2 (६८३.८ /वर्ग माइल) (३४औँ)
कुल ग्राहस्थ उत्पादन (क्रय शक्ति समता)	सन् २०१९ लगत
• जम्मा	$४५.१४८ अर्ब
• प्रति व्यक्ति	$३२,६८४
कुल ग्राहस्थ उत्पादन (साङ्केतिक)	सन् २०१९ लगत
• जम्मा	$२२.४३८ अर्ब
• प्रति व्यक्ति	$१६,२४३
गिनी (सन् २०१२)	३९.०; मध्यम
मानव विकास सूचकाङ्क (सन् २०१९)	०.७९६; उच्च · ६७औँ
मुद्रा	ट्रिनिडाड र टोबागो डलर
समय क्षेत्र	अन्तर्राष्ट्रिय प्रमाणिक समय-४ (आन्ध्र मानक समय)
मिति ढाँचा	dd/mm/yyyy
सडक प्रयोग	बायाँ
टेलिफोन कोड	+१ (८६८)
इन्टरनेट डोमेन	डटटिटी

ट्रिनिडाड र टोबागो, आधिकारिक रूपमा ट्रिनिडाड र टोबागो गणतन्त्र, क्यारिबियन क्षेत्रको सबैभन्दा दक्षिणी टापु राष्ट्र हो। मुख्य टापुहरू ट्रिनिडाड र टोबागो तथा धेरै साना टापुहरू मिलेर बनेको यो देश भेनेजुएलाको तटदेखि ११ किलोमिटर (६ नौटिकल माइल) उत्तर-पूर्व, ग्रेनाडादेखि १३० किलोमिटर (७० नौटिकल माइल) दक्षिण र बार्बाडोसको पश्चिममा अवस्थित छ। यसको राजधानी पोर्ट अफ स्पेन हो भने सबैभन्दा ठूलो र जनसंख्या धेरै भएको नगरपालिका चगुआनास हो। दक्षिण अमेरिकी भूभाग नजिक भए पनि, ट्रिनिडाड र टोबागोलाई सामान्यतया बेस्ट इन्डिजको भाग मानिन्छ।

ट्रिनिडाड टापुमा स्पेनी उपनिवेश स्थापना हुनुअघि शताब्दीयौँसम्म स्वदेशी जनजातिहरू बसोबास गर्थे। सन् १४९८ मा क्रिस्टोफर कोलम्बसको आगमनपछि स्पेनी उपनिवेश स्थापित भयो। सन् १७९७ मा ब्रिटिस नौसेनाका कमान्डर सर राल्फ अबरक्रम्बीको नेतृत्वमा स्पेनी गभर्नर जोसे मारिया चाकोनले टापु ब्रिटेनलाई सुम्पे। ट्रिनिडाड र टोबागो सन् १८०२ को एमिएन्स सन्धि अन्तर्गत ब्रिटेनलाई हस्तान्तरण गरिए, त्यसपछि सन् १८८९ मा यी दुई राज्य एकताबद्ध भए। ट्रिनिडाड र टोबागोले सन् १९६२ मा स्वतन्त्रता प्राप्त गर्‍यो र सन् १९७६ मा गणतन्त्र बन्यो।

धेरैजसो क्यारिबियन राष्ट्रहरू पर्यटनमा निर्भर भए पनि, ट्रिनिडाड र टोबागोको अर्थतन्त्र मुख्यत: उद्योगमा आधारित छ, जसको प्रमुख स्रोत तेल र प्राकृतिक ग्यासको विशाल भण्डार हो। क्यारिबियनका अन्य क्षेत्रहरूभन्दा दक्षिणमा अवस्थित भएकाले यो देशमा आँधी-हुरी (हरिकेन) कम आउँछन्।

ट्रिनिडाड र टोबागो आफ्नो अफ्रिकी र भारतीय संस्कृतिका लागि प्रसिद्ध छ। यहाँको ठूलो र प्रसिद्ध कार्निभल, दिवाली र होसे पर्वहरू चर्चित छन्। यो देश स्टिलप्यान, लिम्बो नृत्य, र क्यालिप्सो, सोका, र्यापसो, पराङ, चटनी, र चटनी-सोका जस्ता सङ्गीत शैलीहरूको जन्मस्थान पनि हो।