लोभीपापी गरुड

लोभीपापी गरुड
संरक्षण स्थिति
	; असुरक्षित (आइयुसिएन ३.१)
वैज्ञानिक वर्गीकरण
जगत:	जन्तु जगत
सङ्घ:	हाड भएका
वर्ग:	पंक्षी
गण:	Ciconiiformes
कुल:	Ciconiidae
वंश:	Ciconia
प्रजाति:	C. episcopus
वैज्ञानिक नाम
	Ciconia episcopus; (Boddaert, 1783)

लोभीपापी गरुड (Ciconia episcopus) नेपालमा पाइने एक प्रकारको गरुडको प्रजाति हो। यो चरा एसियाको रैथाने प्रजाति हो।

विबरण

लोभीपापी गरुड ७५ देखि ९२ उचाई भएको मध्यम आकारको गरुड हो। यसको गठिलो, प्राय कालो शरीर, भुवादार सेतो घाँटी, कालो शिर तथा निर्गमस्थल र तल्लो पुच्छरढकनी सेतो भएको हुन्छ। यसको उडानको क्रममा माथिल्ला र तल्ला पखेटा पुरै गाढा देखिन्छ। बच्चा लोभीपापी गरुड वयस्क जस्तै देखिने तर अलि फिक्का खैरो शरीर तथा पङ्खेटाहरू साथै प्वाँखहरूले ढाकिएको निधार भएको हुन्छ।

वितरण तथा वासस्थान

लोभीपापी गरुड एसियामा नेपाल, भारत हुँदै इन्डोनेसियासम्म तथा अफ्रिकामा पनि पाइने गर्छ । यो प्रजाति प्राय ९१५ मिटर भन्दा तलको क्षेत्रमा पाइने गर्छ। यो चराको प्राकृतिक वासस्थान खोलानाला, कक्षभूमि, दलदले भूभाग तथा तालहरूको छेउछाउका घाँसेमैदानहरू हुन्।