विकिपिडिया:चौतारी (प्रस्ताव)

स्वतन्त्र विश्वकोश, नेपाली विकिपिडियाबाट
Jump to navigation Jump to search
 नीति
 प्राविधिक प्रस्तावहरू अफ विकि कार्यक्रमहरू विचार विन्दु विविध प्रशासक तथा प्रबन्धकहरूबीचको छलफल 
« पुराना छलफलहरू, 1, 2, 3

विषयसूची

प्रमुख पृष्ठ परिवर्तन १५ - १५ दिनमा गर्ने सम्बन्धमा[सम्पादन गर्ने]

नेपाली विकिपिडियामा विद्यामन रहेको १ अथवा त्यो भन्दा बढी महिनमा प्रमुख पृष्ठ परिवर्तन हुने हुँदा कुनै अन्य विकिपिडियाका प्रयोगकर्ताहरूले हेर्दा पनि लाजमर्दो स्थिति रहि आएको छ। तसर्थ सुरुवाती चरणमा १५- १५ दिनमा र केही महिना पश्चात् एक हप्तामा प्रमुख लेख परिवर्तन गराई नेपाली विकिपिडियालाई सान्त्वना प्रदान गर्नका लागि यस सन्देश मार्फत प्रस्ताव राखेको छु।-हिमाल सुबेदी (कुरा गर्ने) ११:५३, १ जुन २०१९ (युटिसी(UTC))

समर्थन[सम्पादन गर्ने]

  • Symbol support vote.svg समर्थन-हिमाल सुबेदी (कुरा गर्ने) ११:५३, १ जुन २०१९ (युटिसी(UTC))
  • Symbol support vote.svg समर्थन- यस प्रक्रियाद्वारा नयाँ तथा उत्कृष्ट पृष्ठ निर्माणमा प्रोत्साहन मिल्ने भएकोले मेरो तर्फ बाट पूर्ण समर्थन गर्न चाहन्छु । -Nabin K. Sapkota (कुरा गर्ने) १२:०३, १ जुन २०१९ (युटिसी(UTC))
  • Symbol support vote.svg समर्थन मैले लेखेका १०-१५ वटा पृष्ठहरू प्रस्ताव हालेको आज लगभग ६,७ महिना भैसकेको छ। तर एउटा अचम्मको कुरा के छ भने ती पृष्ठहरू एउटा पनि प्रमुख पृष्ठमा आएका छैनन्। यो क्रम यसरी चलिरह्यो भने १००० वटा पृष्ठ प्रस्तावमा आउँदा पनि कुनैपनि पृष्ठ प्रमुख लेखमा आउदैनन्। त्यसैले यस प्रस्ताव माथि मेरो पूर्ण समर्थन छ। पर्वत सुबेदी (कुरा गर्ने) १२:०९, १ जुन २०१९ (युटिसी(UTC))
यहाँको प्रयास सराहनीय छ। तर सत्य कुरा तितो हुन्छ, दु:ख नमान्नुहोला। तपाईँद्वारा प्रस्तावित लेखहरू स्वीकृत नहुनुको पछाडि लेखमा भाषिक तथा लेखन शैलीको सुधार आवश्यक हुनु हो। यदि यी आवश्यक कुराहरू अन्य सम्पादकहरूले पुरा गर्न सके अवश्य पनि ती लेखहरू प्रमुख लेखको रूपमा नेपाली विकिपिडियाको मुख्य पृष्ठमा सोभायमान हुनेछन्।Nirajan pant (कुरा गर्ने) १४:५०, ४ जुन २०१९ (युटिसी(UTC))
  • Symbol support vote.svg समर्थन राम्रो विचार, तर यो कुरा अहिलेको नेपाली विकिको हालमा हेर्दा त लागु हुन नीकै कठिन हुन्छ जस्तो लाग्छ मलाई । यो तिम्रो प्रस्ताव १००% लागू हुन त तिमी प्रबन्धक हुनुपर्छ होला सायद (मलाई लागेको)😀😀😀😀'भूपेन्द्र श्रेष्ठ `भूपेन´' १५:३९, ३ जुन २०१९ (युटिसी(UTC))
"...तिमी प्रबन्धक हुनुपर्छ होला..." भन्ने यहाँको भनाई सँग म बिमति राख्तछु। नेपाली विकिपिडियामा उत्कष्ट लेखहरूको खाँचो छ। नेपाली विकिपिडियाका बहुमत सम्पादकहरूले प्रस्तावित लेखलाई उत्कृष्ट ठहराएमा त्यो लेख प्रमुख लेखको रूपमा राखिन्छ। तसर्थ लेख स्वीकृत भएन भनेर चिन्ता गर्नु भन्दा पनि लेखमा केही कमी छ कि भनेर जाँच्नु उचित हुन्छ।Nirajan pant (कुरा गर्ने) १४:५०, ४ जुन २०१९ (युटिसी(UTC))
  • उपरोक्त प्रस्तावमा केही शर्त सहित मेरो पनि Symbol support vote.svg समर्थन छ। मुख्य लेखको रूपमा प्रस्तावित लेखले आवश्यक मापदण्ड पुरा गर्नु आवश्यक छ। ती मापदण्डहरूमा लेखको विषयवस्तु, आकार, सामग्रीको गुणस्तर तथा भाषिक शुद्धता आदि पर्दछन्। यी सबै मापदण्ड पुरा गर्न एक जनाको प्रयासले गाह्रो हुन्छ। तसर्थ यदि यस प्रस्तावलाई स्वीकृत गरी कार्यान्वयनमा ल्याउने हो भने नेपाली विकिपिडिया समुदाय तथा प्रमुख लेख चयन समितिले तदारूकताका साथ काम गरी लेखको व्यवस्थापन र मापदण्ड पुरा गर्न आवश्यक सुधार गर्न आवश्यक हुन जान्छ। Nirajan pant (कुरा गर्ने) १४:५०, ४ जुन २०१९ (युटिसी(UTC))
  • यस उत्साहजनक प्रस्तावमा मेरो Symbol support vote.svg समर्थन छ तर १५-१५ दिनको अन्तरालमा यस विकिपिडियाको प्रमुख लेख परिवर्तन गर्नका लागि सबैभन्दा पहिले प्रमुख लेख समन्वय समितिलाई पुनर्गठन गर्नुपर्ने आवश्यकता देख्दछु। यो समिति सक्रिय भएमा मात्रै हामी १५-१५ दिनमा प्रमुख लेख परिवर्तन गर्न सक्छौँ। धन्यवाद --बिप्लब आनन्द (म सँग कुरा गर्नुहोस) १७:५७, ५ जुन २०१९ (युटिसी(UTC))
  • राम्रो प्रस्तावका लागि Symbol support vote.svg समर्थन छ तर निराजन पन्त ज्यू र बिप्लब आनन्द ज्यूले उल्लेख गरे अनुसार समुदायले काम गर्न सके हिमाल सुबेदी ज्यूलेले ल्याउनु भएको प्रस्ताव सार्थक हुनेछ। --Janak Bhatta (कुरा गर्ने) ०३:०५, ६ जुन २०१९ (युटिसी(UTC))

परिमार्जित प्रस्ताव[सम्पादन गर्ने]

प्रमुख लेख विकिपिडियाको मुख्य पृष्ठको एउटा भाग हो जसले समुदायको सबैभन्दा राम्रो कार्यलाई दर्शाउने गर्छ। नेपाली विकिपिडियाको प्रमुख लेख सम्बन्धमा विभिन्न समयमा समुदायबीच छलफल हुँदै आएको भएतापनि यसको ठोस निष्कर्ष निकाल्न सकिएको छैन। प्रमुख लेखकै विषयमा हामीले समुदाय समक्ष निम्नलिखित प्रस्ताव पेश गरेका छौँ। यहाँहरूको सल्लाह, सुझाव तथा टिप्पणीको अपेक्षा राखेका छौँ।

व्यवस्थापन समिति सदस्य[सम्पादन गर्ने]

  • न्यूनतम ३ जना देखि बढीमा ७ जना प्रयोगकर्ता सम्मिलित एउटा प्रमुख लेख व्यवस्थापन समितिको गठन गरिनेछ।
  • समितिमा अनिवार्य रूपमा कम्तीमा एक जना प्रबन्धक/प्रशासक सदस्यको रूपमा रहनेछन्।
  • समिति सदस्य बन्न चाहने प्रयोगकर्ताले खुला रूपमा आवेदन दिनुपर्नेछ।

व्यवस्थापन समिति सदस्यको योग्यता[सम्पादन गर्ने]

  • नेपाली विकिपिडियामा न्यूनतम १ वर्षको अनुभव तथा कम्तीमा ५०० सम्पादन गरेको हुनुपर्ने।
  • सक्रिय प्रयोगकर्ता हुनुपर्ने।
  • विकिपिडियामा निषेध गरिएको प्रयोगकर्ता हुन नहुने।

व्यवस्थापन समिति सदस्यको जिम्मेवारी[सम्पादन गर्ने]

  • समितिका सदस्यहरूले नियमित रूपमा प्रमुख लेखको आवेदनहरू माथि आवश्यक छलफल, संशोधनको साथै मापदण्ड पुगे नपुगेको सुनिश्चत गर्नुपर्नेछ।
  • कुनै महिना प्रमुख लेख बन्न आवश्यक आवेदन नपरेमा सो को विकल्प खोजी गर्नुपर्नेछ वा समुदायमा आवेदनको लागि सूचना राख्नुपर्नेछ।
  • प्रमुख लेख छनौट गर्दा लेखको विषयवस्तुको विविधतालाई समेत ध्यानमा राखी गर्नुपर्नेछ। प्रमुख लेखका लागि छुट्याइएका विषयवस्तुहरूमध्ये हरेक जसो विषयवस्तु प्रमुख लेखमा समावेश भए नभएको सुनिश्चित गर्नुपर्नेछ।

कस्तो लेखलाई प्रमुख लेख घोषित गर्ने[सम्पादन गर्ने]

  • प्रमुख लेखले निम्नलिखित विकिपिडियाको सम्पूर्ण नियम र मापदण्डहरू पुरा गरेको हुनुपर्नेछ।
  • लेखमा कुनै पनि मर्मत ट्याग राखिएको हुनुहुँदैन र त्यो लेखलाई कुनै मर्मत सुधार चाहिने पनि हुनुहुँदैन।
  • लेख कम्तीमा ८०० शब्द र ५००० बाइट्सको हुनुपर्नेछ।
  • लेख पूर्ण हुनुपर्नेछ। पूर्णको अर्थ लेख लामो नभएर त्यस लेखको विषय महत्वपूर्ण र विश्वकोशमा हुनुपर्ने जानकारी समावेश गरिएको हुनुपर्नेछ।
  • कुनै एक जना सम्पादनकर्ताको योगदानलाई मात्र शतप्रतिशत सही मान्न नसकिने हुँदा लेखमा विभिन्न प्रयोगकर्ताहरूबाट योगदान भएको हुनुपर्नेछ (अथवा लेख संशोधित वा समीक्षा गरिएको हुनुपर्नेछ)।
  • लेखको पछिल्ला केही सम्पादनहरू साना सम्पादनहरू हुनुपर्नेछ (जस्तै: लिङ्क सुधार, व्याकरण सुधार)।
  • लेख कम्तीमा १० वटा आवश्यक विषय, लेखहरूसँग जोडिएको हुनुपर्नेछ। लेखमा प्रयोग गरिएका आवश्यक विषय, लेखहरू टुटेको लिङ्कमा रहेमा त्यस्ता लेखहरूलाई त्यस लेखबाट नहटाई त्यस्ता लेख सृजना गर्नुपर्नेछ।
  • लेखमा सबै आवश्यक ढाँचा, चित्र, श्रेणीकरण र तालिकाहरू मिलेको हुनुपर्नेछ।
  • अन्य कुनै स्रोतबाट सामग्री प्रयोग गर्दा स्रोतलाई सन्दर्भको रुपमा या स्रोतलाई श्रेय दिनुपर्नेछ।
  • लेखमा समाविष्ट पाठ्यहरू सन्दर्भ सामग्रीहरूबाट प्रमाणित भएको हुनुपर्नेछ।
  • लेख कम्तीमा १० वटा लेखसँग जोडिएको हुनुपर्नेछ।
  • लेख स्थिर तथा तटस्थ दृष्टिकोणले लेखिएको हुनुपर्नेछ।
  • गैर मुक्त सामग्रीको प्रयोग मुख्य पृष्ठमा गर्न नसकिने भएकोले प्रमुख लेखको लागि मुख्य पृष्ठमा प्रयोग भएका चित्रहरू सिसी-बाय एसए प्रतिलिपि अधिकार अन्तर्गत अपलोड भएको हुनुपर्नेछ।

प्रमुख लेख छनौट गर्ने प्रक्रिया[सम्पादन गर्ने]

  • कुनै पनि प्रयोगकर्ताले प्रमुख लेख आवेदन पृष्ठमा गएर सकेसम्म प्रमुख लेखको लागि तय गरिएको मापदण्ड पुरा गर्ने लेखलाई प्रमुख लेखको आवेदन नामाङ्कित गर्न सक्नेछ । प्रमुख लेखको लागि आवेदन आए सँगै प्रमुख लेख समन्वय समितिको सदस्यद्वारा सो लेखले मापदण्ड पुरा गरे नगरेको जाँच गर्नेछन्। सामान्य मापदण्ड भन्नाले प्रमुख लेखको लागि तय गरिएको मापदण्डहरू भन्ने बुझ्नुपर्नेछ।
  • प्रमुख लेख समन्वय समितिले स्वीकृति दिइसकेको लेखलाई सुधार तथा सो आवेदनमाथि टिप्पणी गर्नको लागि १५ दिनको छलफल समय दिइनेछ। सो समयावाधिभित्र सो आवेदित लेखमा भए रहेका त्रुटीलाई सुधार गर्न समन्वय समितिका सदस्य तथा समुदायका प्रयोगकर्ताहरूले योगदान दिन पाउनेछन्।
  • बुँदा क्रम (२) माथि प्राप्त समुदायको टिप्पणीको आधारमा प्रमुख लेख समन्वय समितिको सदस्यले आवेदित लेखले प्रमुख लेख बन्ने सम्पूर्ण मापदण्ड तय गरे/नगरेको अन्तिम जाँच गरि प्रमुख लेख घोषित गर्नेछ।
  • प्रमुख लेखको आवेदन छलफलमाथि सोझै समर्थन अथवा विरोध गरेको पाइएमा त्यस्तो मतलाई अमान्य घोषित गरिनेछ र धेरै अर्थहीन टिप्पणी गरेमा प्रयोगकर्तालाई नामाङ्कनमा टिप्पणी राख्नबाट रोक लगाइनेछ।

प्रमुख लेख कति दिनमा परिवर्तन गर्ने[सम्पादन गर्ने]

  • आवेदन गरिएको लेखले मापदण्ड पुरा गरी प्रमुख लेखको रूपमा छनौट भएमा त्यस लेखलाई एक हप्तासम्म मुख्य पृष्ठमा देखाइनेछ।
  • कथनकदाचित अर्को हप्ताको लागि प्रमुख लेख छनौट गर्न नसकेको खण्डमा क्रमरहित प्रणालीद्वारा विगतका प्रमुख लेखहरूमध्येबाट नै एउटा लेखलाई मुख्य पृष्ठमा प्रदर्शन गरिनेछ।

प्रमुख लेख हटाउने[सम्पादन गर्ने]

एउटा लेख वर्तमान समयमा उत्कृष्ट छ भने भविष्यमा पनि त्यो लेख उत्कृष्ट नै रहन्छ भन्ने छैन। आवश्यक सामग्रीहरू अद्यतन नभएको र पछि थप गरिएका सामग्रीहरूमा आवश्यक सुधार नभएको खण्डमा लेखलाई प्रमुख लेखको श्रेणीबाट हटाउन सकिनेछ। लेखलाई प्रमुख लेखबाट हटाउनको लागि प्रस्ताव प्रस्तुत गर्न सकिनेछ।

  • कुनै पनि प्रयोगकर्ताले प्रमुख लेखबाट हटाउन, आवेदन पृष्ठमा गएर लेखलाई नामाङ्कित गर्न सक्नेछ।
  • सो प्रमुख लेखमाथि समुदायका सदस्यहरूले ३० दिनसम्म छलफल गरिसकेपछि प्रमुख लेख समन्वय समितिले त्यस लेखले प्रमुख लेखको मापदण्ड पुरा गरेको वा नगरेको भनी निर्णय लिनेछन्।

प्रस्तावकहरू[सम्पादन गर्ने]

छलफल[सम्पादन गर्ने]

(‘’कृपया समर्थन र विरोध गर्दा तर्कपूर्ण टिप्पणी लेख्नु हुन हार्दिक अनुरोध गर्दछौँ। यस प्रस्तावमा कुनै टिप्पणी गर्नुपर्ने भएमा छलफल खण्डमा टिप्पणी राख्नहुन पनि अनुरोध छ।’’ धन्यवाद)

  • १०,००० बाइट र १००० शब्द हुनुपर्‍यो। ५००, ५००० कम भयो। यसलाई सुधार गर्नुहोला-हिमाल सुबेदी (कुरा गर्ने) ०५:१३, १ अक्टोबर २०१९ (युटिसी(UTC))

मासिक बैठक सम्बन्धमा[सम्पादन गर्ने]

नेपाली विकिपिडियाको समसामयिक विषयहरूमा छलफल गर्ने हेतु हरेक महिनाको अन्तिम शनिवार राति ९ देखी १० बजेसम्म १ घण्टाको सामाजिक सञ्जाल मार्फत बैठक गर्नको लागी प्रस्ताव गर्दछु । Nirjal stha (कुरा गर्ने) १२:२१, २४ जुन २०१९ (युटिसी(UTC))

समर्थन[सम्पादन गर्ने]

  • यस प्रस्तावमा मेरो Symbol support vote.svg समर्थन छ। मासिक रूपमा हुने यस्ता बैठकहरूले महिना भरि भएका गतिविधिहरूको समीक्षा तथा आगामी कार्यदिशामा छलफलको लागि महत्वपूर्ण भूमिका खेल्नेछ भन्ने मेरो पूर्ण विश्वास छ।--Nirajan pant (कुरा गर्ने) १४:५८, २४ जुन २०१९ (युटिसी(UTC))
  • मेरो पूर्ण Symbol support vote.svg समर्थन छ । यसले विकिपिडियाको विकासमा मद्दत गर्नेछ ।- Saroj Uprety (कुरा गर्ने) १६:४८, २४ जुन २०१९ (युटिसी(UTC))
  • यस प्रस्तावको मेरो पूर्ण Symbol support vote.svg समर्थन रहेकोछ । यसले विकिपिडियाको विकासमा मात्र मद्दत गर्ने हैन विकिपिडियाका प्रयोगकर्ता बीचको आत्मियता, अन्तरसम्बन्ध तथा विचारको आदानप्रदानमा सहजता ल्याई सही मार्गप्रसस्त गर्न पनि योगदान गर्नेछ। नेपाली विकिपिडियाको विकासमा यसले सकारात्मक उर्जा दिनेछ। - दीपक कथित (कुरा गर्ने)
  • मेरो पनि पूर्ण Symbol support vote.svg समर्थन छ ।--BRP ever ०७:१८, २५ जुन २०१९ (युटिसी(UTC))
  • मेरो पनि पूर्ण Symbol support vote.svg समर्थनNawaraj Ghimire (कुरा गर्ने) ०७:३०, २५ जुन २०१९ (युटिसी(UTC))
  • यस प्रस्तावमा मेरो Symbol support vote.svg समर्थन छ।--Janak Bhatta (कुरा गर्ने) ०१:५५, २७ जुन २०१९ (युटिसी(UTC))
  • पूर्ण Symbol support vote.svg समर्थन छ ।-Nabin K. Sapkota (कुरा गर्ने) ०४:१९, २७ जुन २०१९ (युटिसी(UTC))
  • मेरो पनि पूर्ण Symbol support vote.svg समर्थन छ ।--बिप्लब आनन्द (म सँग कुरा गर्नुहोस) ०६:५६, २७ जुन २०१९ (युटिसी(UTC))
  • मेरो पनि पूर्ण Symbol support vote.svg समर्थन छ ।सरोज(Saroj) (कुरा गर्ने) १०:५९, २७ जुन २०१९ (युटिसी(UTC))
  • Symbol support vote.svg समर्थन — तुल्सी भगत (योगदान | वार्ता) ११:२३, २७ जुन २०१९ (युटिसी(UTC))
  • यस प्रस्तावमा मेरो Symbol support vote.svg समर्थन छ। Sandeep Raut (कुरा गर्ने) १६:१६, २७ जुन २०१९ (युटिसी(UTC))
  •  Yes check.svg  राम्रो प्रस्ताव पेस गरेकोमा हार्दिक धन्यवाद Symbol support vote.svg समर्थनRp signature.jpg  वार्ता  १९:५४, ३० जुन २०१९ (युटिसी(UTC))
  • Symbol support vote.svg समर्थन --निर्मल दुलाल (कुरा गर्नुहोस) ०४:५४, १ जुलाई २०१९ (युटिसी(UTC))

असमर्थन[सम्पादन गर्ने]

छलफल[सम्पादन गर्ने]

कुरो त राम्रै हो तर यस नेपाली विकिपिडियामा फेसबुक र गुगल विरोधहरू पनि छन्, त्यसैले अन्य कुनै सञ्जालमा हुन्छ भने म पनि इच्छुक -हिमाल सुबेदी (कुरा गर्ने) १३:०२, २४ जुन २०१९ (युटिसी(UTC))

  • नियमित छलफल गर्ने प्रस्ताव प्रसंसनीय छ। छलफल (प्रस्ताव र निर्णय सबै)को रेकर्ड राख्ने र प्रकाशित पनि गर्ने काम सुरु देखि नै होस्। एजेण्डा पहिल्यै तय हुन सके अझै राम्रो। जुन मञ्च सजिलो हुन्छ त्यसैमा गर्दा हुन्छ, कुनै आपत्ति छैन, सबैलाई सजिलो हुने चैं हुनुपर्छ।-Ganesh Paudel (कुरा गर्ने) ०५:४३, २५ जुन २०१९ (युटिसी(UTC))
बैठकको सम्पूर्ण छलफललाई इथरप्याड मा रेकर्ड राखि समुदायको पेजमा राखिनेछ भने छलफल गरिने विषय तथा एजेन्डा पहिला नै जानकारी हुने व्यवस्था गरिनेछ व्यहोरा अवगत गराउन चाहन्छु। Nirjal stha (कुरा गर्ने) ०७:०८, २५ जुन २०१९ (युटिसी(UTC))
  • यस बैठकको मुख्य उदेश्य के हो? किन गर्न खोजिँदै छ र उपलब्धि के के हुनेछन् ,कहिले र कुुन मञ्चमा यो सञ्चालन हुँदै छ कृपया प्रष्ट पारिदिनु होला।पर्वत सुबेदी (कुरा गर्ने) ०३:०९, २७ जुन २०१९ (युटिसी(UTC))


विकि लभ्स मोनुमेन्ट्स २०१९ सम्बन्धमा[सम्पादन गर्ने]

LUSITANA WLM 2011 d.svg

प्रत्येक वर्ष सेम्टेम्बर महिनामा आयोजना हुँदै आइरहेको विश्वको सबै भन्दा ठूलो फोटोग्राफी प्रतियोगितामा नेपालले सन् २०१३ देखि सहभागिता जनाउँदै आएको छ। यस वर्ष (सन् २०१९) को संस्करण आयोजना हुने समय निकै नजिक आइसकेको छ। नेपालले यस वर्षको संस्करणमा भाग लिने वा नलिने तथा भाग लिने हो भने के कसरी आयोजना गर्ने भन्ने विषय माथि यो प्रस्ताव शुरू गरेको छु। प्रतियोगिता शुरू हुन यस प्रस्तावको मितिबाट मात्र १५ दिन बाँकी हुनाले यस प्रस्ताव माथि छलफलको लागि सबैलाई अनुरोध गर्दछु।--Nirajan pant (कुरा गर्ने) १४:०२, १६ अगष्ट २०१९ (युटिसी)

विकिमिडियाको र्‍यापिड ग्राण्ट सम्बन्धी नयाँ व्यवस्था अनुसार हरेक अङ्ग्रेजी महिनाको १ तारिख देखि १५ तारिख सम्म मात्र आवेदन राख्न सकिने व्यवस्था गरिएको छ। यसको साथै अगष्ट महिनामा मात्र विकि लभ्स मोनुमेन्ट्स को लागि आवेदन दिन सकिने भनेको छ। यस आधारमा विकि लभ्स मोनुमेन्ट्स २०१९ को नेपाल संस्करणको लागि ग्राण्ट आवेदन राख्न समय पावन्दी तथा विकिमिडियाको र्‍यापिड ग्राण्ट सम्बन्धी व्यवस्थाले नमिल्ने देखिन्छ। यस्तो अवस्थामा कार्यक्रमको आयोजना आयोजना के कसरी गर्न सकिन्छ सो विषयमा पनि यहाँहरूको विचारको अपेक्षा गरेको छु।--Nirajan pant (कुरा गर्ने) १६:२२, १६ अगष्ट २०१९ (युटिसी)

छलफल[सम्पादन गर्ने]

- हरेक वर्ष गरिएको कार्यक्रमलाई निरन्तरता दिनु पर्छ । ग्रान्ट वा आर्थिक श्रोतको सम्बन्धमा हामिसँग रहेका विकल्पमा छलफल गरौन । Nirjal stha (कुरा गर्ने) ०८:१९, १८ अगस्त २०१९ (युटिसी(UTC))

  • अवस्य पनि प्रत्येक वर्ष गरिएको कार्यक्रमलाई निरन्तरता दिनु पर्छ। कार्यक्रम आयोजना तथा व्यवस्थापन गर्न आर्थिक श्रोत छोटो समयमा के कसरि जुटाउन सकिन्छ त्यस तर्फ छलफल अगाडी बढाऊ।--Janak Bhatta (कुरा गर्ने) ०२:५८, १९ अगस्त २०१९ (युटिसी(UTC))
  • गतिविधिहरूको निरन्तरता कुनै पनि गतिशील संस्थाको अनिवार्य तत्व हो। यस्ता कार्यक्रमहरू गर्नु जीवित संस्थाको लागि आवश्यक छ। आर्थिक श्रोतका बारेमा विभिन्न विकल्पहरूमा छलफल गर्न सकिन्छ। कार्यक्रमको खाका र लाग्ने आर्थिक भारको आधारमा श्रोतहरूको पहिचान गर्न सकिन्छ। जेहोस् कार्यक्रमका लागि तयारी गरौँ। दीपक कथित (कुरा गर्ने) ०६:१३, १९ अगस्त २०१९ (युटिसी(UTC))
  • मेरो विचारमा यो वर्ष यो कार्यक्रम नगरेर एसियाली महिनामा ध्यान दिनु राम्रो होला।--BRP ever ०६:१६, १९ अगस्त २०१९ (युटिसी(UTC))
  • प्रस्तावको लागि धन्यवाद निराजन ज्यू,

सन् २०१३ देखि नेपालले यस प्रतियोगितामा सहभागिता जनाउँदै नेपालको धरोहरहरूलाई विश्वसामु चिनारी गराउँदै आएको छ। यस वर्षपनि यस प्रतियोगितालाई सफलतापूर्वक सम्पन्न गराउनको लागि नेपालमा बोलिने भाषा समुदायको प्रयोगकर्ता समूहले सहकार्य गरि यो प्रतियोगितालाई सञ्चालन गरिनुपर्ने मेरो धारणा रहेको छ। अनुदानको विषयमा हामीले यहाँ छलफल गरेर प्रस्तावको मस्योदा बनाई सेप्टेम्बरको १ तारिखमा मेटामा प्रस्ताव गर्न सक्नेछौ। यस प्रतियोगितामा कुनैपनि स्वतन्त्र प्रयोगकर्ताले सहयोग गर्न चाहेमा कृप्या आफ्नो नाम तल उल्लेख गरि आफूले गर्ने कामको विवरण दिन सक्ननुहुनेछ साथै यस प्रस्तावमा कुनैपनि सुधारको आवश्यकता देख्नुहुने प्रयोगकर्ताले आफ्नो मत जाहेर गर्नुहोला।

कार्य विवरण[सम्पादन गर्ने]

  • अनुदान प्रतिवेदन, समाप्ति प्रतिवेदन तथा लेखा - २ जना
  • कमन्समा श्रेणी, प्रतियोगिता क्षेत्रबाहिरको तस्विरलाई मेट्न नामाङ्कन तथा संरचनात्मक डेटा मिलाउन- २ जना
  • कमन्सको क्युआई, भिआई र एफए अन्तर्गत तस्विरलाई नामाङ्कन गर्न- १ जना
  • विकिपिडियाको लेखहरूमा तस्विर जोड्नको लागि- २ जना
  • विकी लभ्स मोन्युमेन्ट्स सम्बन्धी एकदिने तालिम तथा तस्विर भ्रमण दल (फोटो राइड समूह) द्वारा एकदिने कार्यक्रमको आयोजन- १ जना (दल बनाएर काम सम्पन्न गर्न जिम्मेवार हुने)
  • निर्णायक मण्डल बनाएर प्रतियोगिताको नतिजा प्रकशित गर्न- १ जना

तालिम तथा फोटो राइड कहाँ गर्ने?[सम्पादन गर्ने]

तर्कपूर्ण प्रस्तावलाई सम्मान गरिनेछ।

  • हामीले नेपालको विभिन्न जिल्लामा रहेको धरोहरहरूको सूची भएता पनि हामीसँग सबै स्थानको धरोहरहरूको तस्विर विकिपिडियामा नभएको कारणले त्यस्तो ठाउँमा फोटो राइड आयोजना गर्न सके प्रतियोगिताको ध्येय सार्थक हुने मेरो बुझाई रहेको छ।
विगतमा फोटो राइड आयोजना आयोजना नगरिएका तथा महत्वपूर्ण स्थानहरूमा फोटो राइड सञ्चालन गर्दा उपयुक्त होला। वर्षै पिच्छे तस्वीरहरू नदोहोरिउन भनी पहिलेको संस्करणमा समावेश गर्न नसकिएका स्थानहरूलाई प्राथमिकता दिनु पर्ने देख्दछु। सूची निर्माण गर्दा पनि सो कुराको आधारमा व्यवस्था गर्नु उचित हुन्छ।--Nirajan pant (कुरा गर्ने) ०३:३८, २१ अगस्त २०१९ (युटिसी(UTC))

स्थान[सम्पादन गर्ने]

प्रतियोगिताको लक्ष्य[सम्पादन गर्ने]

स्तरीय तस्विरलाई प्रोत्साहन गर्ने

  • सबैभन्दा बढी तस्विर अपलोड गर्ने प्रतियोगितालाई पुरस्कार दिनुको साटो हामीले यस वर्षको प्रतियोगितामा सबैभन्दा बढी स्तरीय तस्विर, महत्वपूर्ण तस्विरप्रदर्शित तस्विर हुनेलाई पुरस्कार दिनुपर्ने मेरो बुझाई छ।
  • प्रथम र दोस्रो पुरस्कार- १/१ जना
  • तेस्रो पुरस्कार विजेतालाई सम्मान गर्नुभन्दा बेस प्रतियोगिता अवधिमा अपलोड भएका तस्विरहरू मध्ये सबैभन्दा बढी तस्विर विकिपिडियाको लेखमा प्रयोग भएको फोटोग्राफरलाई पुरस्कार दिने।
  • १० देखि १५ जना फोटोग्राफर समूहको सहभागिता हुनेगरी नेपालको कुनै एकस्थानमा मात्र फोटो राइड आयोजना गर्ने।

सहयोग गर्ने प्रयोगकर्ताको नाम र कार्य जिम्मेवारी[सम्पादन गर्ने]

सबै विकिमिडियनहरूलाई माथि उल्लिखित कुनै जिम्मेवारी निभाउने इच्छा भए कृपया आफ्नो प्रयोगकर्ता नाम र कार्य जिम्मेवारी उल्लेख गरी सहयोग गरिदिनुहोला।--Nirajan pant (कुरा गर्ने) ०४:४५, २५ अगस्त २०१९ (युटिसी(UTC))

  • यस प्रतियोगितामा सम्पर्क व्यक्तिको जिम्मेवारीको लागि समुदाय समक्ष इच्छा जाहेर गर्दछु।--Nirajan pant (कुरा गर्ने) १३:३७, २४ अगस्त २०१९ (युटिसी(UTC))
  • यस प्रतियोगिताको आयोजनमा निम्नलिखित जिम्मेवारी निर्वाह गर्न उत्सुक रहेको छु।

—कमन्समा श्रेणी, प्रतियोगिता क्षेत्रबाहिरको तस्विरलाई मेट्न नामाङ्कन तथा संरचनात्मक डेटा मिलाउने कार्य
—कमन्सको क्युआई, भिआई र एफए अन्तर्गत तस्विरलाई नामाङ्कन गर्ने कार्य
धन्यवाद--बिप्लब आनन्द (म सँग कुरा गर्नुहोस) ०९:१६, २५ अगस्त २०१९ (युटिसी(UTC))

  • हिजोको कुरा हो, म कमन्समा प्रबन्धक बन्न पुगेको छु र प्रतियोगितालाई सफल बनाउन कमन्समा चाहिने जति सम्पूर्ण सहायता गर्न चाहन्छु। धन्यवाद Tulsi Bhagat (कुरा गर्ने) ०२:११, २६ अगस्त २०१९ (युटिसी(UTC))
  • यस प्रतियोगिताको लागि युनेस्को सँग समन्वयको प्रयास गर्दै छु, साथै आवश्यक अन्य समन्वय, कमन्समा क्युआई, भिआई तथा केही हदसम्म स्थानिय फोटोवक तथा आउटरिचमा कार्य गर्ने छु। - निर्मल दुलाल (कुरा गर्नुहोस) ०४:०४, ३० अगस्त २०१९ (युटिसी(UTC))
  • कमन्समा श्रेणी, प्रतियोगिता क्षेत्रबाहिरको तस्विरलाई मेट्न नामाङ्कन तथा संरचनात्मक डेटा मिलाउन- Nirjal stha (कुरा गर्ने) १५:५५, ३० अगस्त २०१९ (युटिसी(UTC))

छलफल[सम्पादन गर्ने]

यस छलफलको निष्कर्ष भोलीको मितिले ७ दिनपछि निकालिनेछ आफ्नो विचार र मत प्रस्तुत गर्नुहोला। धन्यवाद--बिप्लब आनन्द (म सँग कुरा गर्नुहोस) १६:१९, २० अगस्त २०१९ (युटिसी(UTC))

  • विकि लभ्स मोनुमेन्ट्स आयोजनाको रूपरेखा सम्बन्धी यस प्रस्तावमा मेरो Symbol support vote.svg समर्थन छ।--Nirajan pant (कुरा गर्ने) ०३:४०, २१ अगस्त २०१९ (युटिसी(UTC))
  • मेरो विचारमा चित्र विश्वोकोशको एउटा सानु भाग हो तर हामीले यसमै धेरै अनुदान र समय खर्च गर्ने गरेको छ। अहिलेको अवस्थामा हामीले भएका चित्रको पनि सदुपयोग गर्न सकेका छैनौं, यस्तोमा अर्को कार्यक्रम गर्नुपर्ने आवस्यकता देख्दिन। एसियाली महिना आउन लागेको छ त्यता तिर ध्यान दिनु राम्रो होला। विरोध विरोध किनकि निरन्तरता भन्दापनि आवश्यकता प्रति ध्यान दिनु राम्रो हुन्छ।--BRP ever ०२:३५, २२ अगस्त २०१९ (युटिसी(UTC))
    • धन्यवाद BRPever ज्यू! यहाँको विचार तर्कपूर्ण र जायज छ। जसकारण यसपालीको प्रतियोगितालाई पहिलेको संस्करणभन्दा अलिकति भिन्न गर्ने प्रयास स्वरूप शंसोधित खाका प्रस्तुत गरिएको हो। यस प्रतियोगिताको लक्ष्य अहिलेसम्म तस्वीर लिन नसकिएका धरोहरहरू हुनेछन्।--Nirajan pant (कुरा गर्ने) १३:३७, २४ अगस्त २०१९ (युटिसी(UTC))
  • मैले यो कार्यक्रम अहिलेको अवस्थामा आवश्यक छैन भन्न खोजेको। हामीसँग गर्न अझै महत्वपूर्ण कार्य छन्, तपाई अहिलेको अवस्थामा हेर्नु त यो कार्यक्रमको कति आवस्यकता छ। अहिलेको अवस्थामा हामीले अत्यन्त आवश्यक पक्षहरू तिर ध्यान दिन सकेका छैनौं त अर्को चित्र प्रतियोगितामा समय र स्रोत किन खर्च गर्ने? विकिडाटामा नेपाली आइटमहरूको हालत, यहाँ लेखहरूको हालत, सामुदायिक प्रक्रिया, ढाँचा, श्रेणी सबै हेर्नु त हामीले कुन पक्षलाई महत्व दिने? नराम्रो प्रस्ताव हैन तर हालको सन्दर्भमा प्रभावकारी र आवश्यक नरहेको जस्तो लागो।--BRP ever १०:१३, ३० अगस्त २०१९ (युटिसी(UTC))
  • नमस्कार मित्रहरू! हरेक वर्ष आयोजना हुँदै आएको यस कार्यक्रम विकि लभ्स मोनुमेन्ट्स २०१९ को छलफल चल्दै गर्दा प्रस्ताव अनुसार कार्यक्रमको मुख्य पृष्ठको खेस्रा तयार पारेको छौँ। यस पृष्ठलाई आवश्यक जानकारी समावेश गरी अझ राम्रो बनाउन यहाँहरूको टिप्पणी र सुझावको अपेक्षा गरेको छौँ।--Nirajan pant (कुरा गर्ने) १३:३७, २४ अगस्त २०१९ (युटिसी(UTC))
  • म फोटो रायड कार्यमा सहयोग गर्नेछु र कार्यक्रम कसरी गर्ने सो को जानकारी तयारी गरेर साझा गर्नेछु। --विजय चौरसीया (Talk) ०६:२३, ३० अगस्त २०१९ (युटिसी(UTC))

विकि लभ्स मोनुमेन्ट्स २०१९ को नेपाल संस्करणको मुखपृष्ठ[सम्पादन गर्ने]

उपरोक्त प्रस्तावमा गरिएको छलफल र प्राप्त सुझावको आधारमा विकि लभ्स मोनुमेन्ट्स २०१९ को नेपाल संस्करणको मुखपृष्ठको खेस्रा तयार गरिएको छ। यस खेस्राको अवलोकन गरी यहाँको कुनै सुझाव, सल्लाह वा टिप्पणी भए सोको लागि सबै विकिमिडियन मित्रहरूलाई अनुरोध छ। यहाँको सुझाव सल्लाहले प्रतियोगितालाई अझ आकर्षक र सफल बनाउन सहयोग पुर्याउनेछ भन्ने आशा लिएको छु।--Nirajan pant (कुरा गर्ने) १५:५४, २८ अगस्त २०१९ (युटिसी(UTC))

टिप्पणी[सम्पादन गर्ने]

 Yes check.svg  तयार भएको सामग्रीमा पूर्ण समर्थन तथा आवश्यक सहयोग गर्ने प्रतिवद्धता । Nirjal stha (कुरा गर्ने) ०९:५२, २९ अगस्त २०१९ (युटिसी(UTC))

फोटोवाक परियोजना सम्बन्धमा[सम्पादन गर्ने]

नेपाली विकिपिडिया लगायत नेपालका विभिन्न भाषाहरूमा रहेका विकिपिडियामा नेपालका शैक्षिक संस्थाहरूसँग सम्बन्धित लेखमा सामग्री तथा तस्विरको कमी रहेको छ। यसै कमीलाई सुधार गर्नका निमित्त नेपालका उत्कृष्ट उच्च माध्यमिक विद्यालय, विश्वविद्यालयहरू तथा मेडिकल कलेजहरूका लेख, तस्विर तथा निम्न प्रस्तावित सूचीगत शैक्षिक संस्थाको महत्वपूर्ण जानकारीहरू विकिडेटामा समेत प्रविष्टि गर्ने अभिप्रायले परिक्षणको रुपमा यो परियोजनाको मस्योदा समुदाय समक्ष प्रस्तुत गरेको छु।

नेपालका उत्कृष्ट उच्च माध्यमिक विद्यालयहरू[सम्पादन गर्ने]

link link link

क्र.सं. शैक्षिक संस्थाको नाम स्थान नेपाली विकिपिडिया (लेख) तस्विर/सामग्री
प्रसादी एकेडमी मानभवन, ललितपुर ✖/✖
सेन्ट जेभियर कलेज माइतीघर, काठमाडौं ✖/सामान्य
सेन्ट मेरी कलेज जावलाखेल, ललितपुर ✖/✖
काठमाडौं मोडल कलेज बागबजार, काठमाडौं ✖/सामान्य
ग्लोबल कलेज अफ म्यानेजमेन्ट नयाँ बानेश्वर, काठमाडौं ✖/सामान्य
सैनिक आवासीय महाविद्यालय सल्लाघारी, भक्तपुर ✖/✖
सगरमाथा उच्च माध्यमिक विद्यालय पोखरा ✖/✖
एनसिसिएस उच्च मा.वि. पकनाजोल, काठमाडौं ✖/✖
जेभियर एकेडमी उच्च मा.वि. लाजिम्पाट, काठमाडौं ✖/✖
१० मोडर्न बोर्डिङ उच्च मा.वि. ठिमी, भक्तपुर ✖/सामान्य
११ लिटिल एञ्जल उच्च मा.वि. हात्तिवन, ललितपुर ✖/✖
१२ युनाइटेड एकेडमी उच्च मा.वि. कुमारीपाटी, ललितपुर ✖/सामान्य
१३ रिलायन्स इन्टरनेसनल एकेडमी चावहिल, काठमाडौं ✖/सामान्य
१४ ट्रिनिटी इन्टरनेशनल कलेज डिल्लीबजार, काठमाडौं ✖/सामान्य
१५ जेभियर इन्टरनेशनल कलेज कालोपुल, काठमाडौं ✖/सामान्य
१६ सेन्ट लरेन्स कलेज चावहिल, काठमाडौं ✖/सामान्य
१७ मेरिल्याण्ड कलेज विराटनगर ✖/सामान्य
१८ काठमाडौं बर्न हार्ड्ट कलेज बल्खु, काठमाडौं ✖/सामान्य
१९ एम्बिसन एकेडमी पुरानो बानेश्वर, काठमाडौं ✖/✖
२० मुनलाइट उच्च मा.वि. सातदोबाटो, काठमाडौं ✖/✖
२१ पिनाकल कलेज लगनखेल, ललितपुर ✖/सामान्य
२२ पेन्टागन कलेज तीनकुने, काठमाडौं ✖/✖
२३ क्यापिटल कलेज एण्ड रिसर्च सेन्टर कोटेश्वर, काठमाडौं ✖/✖
२४ एभरेस्ट कलेज थापाथली, काठमाडौं ✖/सामान्य
२५ किस्ट कलेज कमलपोखरी, काठमाडौं ✖/✖
२६ नेपाल मेगा कलेज बबरमहल, काठमाडौं ✖/सामान्य
२७ ट्रिटन इन्टरनेसनल कलेज तीनकुने, काठमाडौं ✖/✖
२८ हिमालयन ह्वाइटहाउस इन्टरनेसनल कलेज पुतलीसडक, काठमाडौं ✖/✖
२९ नेपाल काष्ठमण्डप कलेज कलङ्की, काठमाडौं ✖/✖
३० नोबेल एकेडेमी नयाँ बानेश्वर, काठमाडौं ✖/सामान्य
३१ मोर्गान इन्टरनेसनल कलेज बसुन्धारा, काठमाडौं ✖/सामान्य
३२ श्री अमरसिंह माध्यमिक विद्यालय पोखरा ✖/✖
३३ सुकुना क्याम्पस इन्द्रपुर, मोरङ ✖/सामान्य
३४ भवानी विद्यापीठ माध्यमिक विद्यालय फलेवास, पर्वत ✖/✖
३५ एसओएस हर्मन माइनर माध्यमिक विद्यालय पोखरा ✖/✖
३६ नेपाल पुलिस स्कुल साँगा, काभ्रेपलाञ्चोक ✖/✖
३७ मेधा माध्यमिक विद्यालय तेखापुखु, भक्तपुर ✖/✖
३८ रेसुङ्गा माध्यमिक विद्यालय तम्घास, गुल्मी ✖/✖
३९ तरुण माध्यमिक विद्यालय बालाजु, काठमाडौं ✖/✖
४० भ्याली भ्यू इङ्लिस स्कुल नयाँ बानेश्वर, काठमाडौं ✖/✖

विश्वविद्यालयहरूको सूची[सम्पादन गर्ने]

link link

क्र.सं. शैक्षिक संस्थाको नाम स्थान नेपाली विकिपिडिया (लेख) तस्विर/सामग्री
त्रिभुवन विश्वविद्यालय कीर्तिपुर ✔/✔
काठमाडौं विश्वविद्यालय धुलिखेल ✔/✔
पोखरा विश्वविद्यालय पोखरा ✔/✔
पूर्वाञ्चल विश्वविद्यालय बिराटनगर ✖/सामान्य
नेपाल संस्कृत विश्वविद्यालय त्रिभुवननगर ✖/सामान्य
लुम्बिनी बौद्ध विश्वविद्यालय लुम्बिनी ✖/सामान्य
मध्यपश्चिमाञ्चल विश्वविद्यालय वीरेन्द्रनगर ✖/सामान्य
सुदूरपश्चिम विश्वविद्यालय मेहन्द्रनगर ✖/सामान्य
नेपाल कृषि तथा वन विश्वविद्यालय चितवन ✖/सामान्य
१० नेपाल खुला विश्वविद्यालय ललितपुर ✖/सामान्य
११ राजर्षी जनक विश्वविद्यालय जनकपुर ✖/✖

अन्य प्रतिष्ठित शैक्षिक संस्थानहरू[सम्पादन गर्ने]

क्र.सं. शैक्षिक संस्थाको नाम स्थान नेपाली विकिपिडिया (लेख) तस्विर/सामग्री
वी.पी. कोइराला स्वास्थ्य विज्ञान प्रतिष्ठान धरान ✔/✔
नेपाल मेडिकल कलेज शिक्षण अस्पताल काठमाडौं ✖/सामान्य
तिलगंगा आँखा अस्पताल काठमाडौं ✖/सामान्य
चितवन मेडिकल कलेज चितवन ✖/✖
काठमाडौं मेडिकल कलेज काठमाडौं ✖/✖

परियोजनाको नाम[सम्पादन गर्ने]

  • कलेज फोटो हन्ट
  • कलेज फोटो एडिट-आ-थन
  • "नाम सुझाव गर्नसक्नुहुन्छ"
तस्वीर लगायत अन्य सामग्रीहरू पनि परियोजनाले समेट्ने भएको हुँदा परियोजनाको नाममा फोटो शब्द मात्र अलि नमिल्ला कि! अरू कुनै स्वतन्त्र नाम राख्दा उपयुक्त होला।--Nirajan pant (कुरा गर्ने) ०५:१२, २२ सेप्टेम्बर २०१९ (युटिसी(UTC))

टिम[सम्पादन गर्ने]

यस परियोजनालाई सम्पन्न गर्नको लागि निम्नलिखित टिम बनाइने र सो टिममा इक्षा अनुसार सक्रिय तथा अनुभवी प्रयोगकर्ताहरूले सहयोग गर्न सक्नेछन्।

  • विकिपिडियामा लेख सुधार गर्ने टिम- ३ जना
  • फोटोवाक टिम- ३ जना
  • विकिडेटामा इन्ट्री गर्ने टिम- ३ जना

छलफल[सम्पादन गर्ने]

यस परियोजना सम्बन्धी तपाईको कुनै विचार वा सल्लाह भए १० दिनभित्रै सल्लाह सुझाव दिनहुन अनुरोध गर्दछु। धन्यवाद-- विजय चौरसीया (Talk) १४:५१, १९ सेप्टेम्बर २०१९ (युटिसी(UTC))

  • यस परियोजनामा सम्बन्धित विद्यालयलाई नै सहभागी गराई तस्वीर अपलोड र लेखको लागि आवश्यक सामग्री उपलब्ध गराउन सहकार्य गर्न सके सहज हुनसक्छ। परियोजनामा थप सरकारी विद्यालयहरूलाई समावेस गराउन सके राम्रो होला।--Nirajan pant (कुरा गर्ने) ०४:२३, २२ सेप्टेम्बर २०१९ (युटिसी(UTC))
  • राम्रो विचार, नाम शैक्षिक संस्था फोटोवक तथा एडिट-अ-थन (कलेजमात्र नभएकोले) राख्ने की? साथै Nirajan pant जीले उल्लेख गरे झै कुनै सम्बन्धित शैक्षिक संस्था इच्छुक भएमा त्यही शैक्षिक संस्थालाई संलग्न गराउन पाए राम्रो हुने थियो। - निर्मल दुलाल (कुरा गर्नुहोस) ०५:२०, २२ सेप्टेम्बर २०१९ (युटिसी(UTC))

वेवसाइट बारेमा[सम्पादन गर्ने]

हामीले सन्दर्भ सामग्रीका रूपमा प्रयोग गर्दै आएका वेबसाइटहरू नियमन गर्नुपर्ने देखिन्छ। यदि समयमै निर्णय गरिएन भने पछि गारो होला। कृपया यहाँ भरपर्दा र भरपर्न नसकिने नेपाली वेबसाइटहरूको सूची तयार पारौं:-Krish Signature.pngDULAL (मसँग कुरा गर्नुहोस्) १२:५४, २५ सेप्टेम्बर २०१९ (युटिसी(UTC))

नोट- हाल नेपाली हिज्जेविन्यासका लागि कुनै पनि नेपाली वेबसाइट उपयुक्त छैनन्। सरकारी तथा नाम चलेका समाचार संस्थाका वेबसाइटहरू पनि दयनीय अवस्थामा छन् त्यसैले हाल हिज्जेविन्यासका लागि हाम्रो आफ्नै दिशानिर्देश लागू गरिनु आवस्यक छ। कुनै भरपर्दा वेबसाइट भए छलफल गरौँ।

छलफल[सम्पादन गर्ने]

  • एकदमै महत्वपूर्ण प्रस्ताव ल्याउनुभएकोमा धन्यवाद। म सूचीमा केही भरपर्दो वेबसाइट थप्ने काम गर्ने प्रयास गर्नेछु।--बिप्लब आनन्द (म सँग कुरा गर्नुहोस) ०७:०२, २९ सेप्टेम्बर २०१९ (युटिसी(UTC))
  • नेपाली विकिपिडियालाई स्तरीय, विश्वसनीय र भरपर्दो बनाउनका लागि अत्यन्तै आवश्यक प्रस्ताव ल्याउनुभएकोमा धन्यवाद। हामीले नेपाली हिज्जेविन्यासका लागि कुनै वेबपेज वा पत्रपत्रिकालाई आधार मान्नु उपयुक्त नहोला। यसका लागि नेपाली व्याकरण, शब्दकोश, नियमहरू छन् नि। दीपक कथित (कुरा गर्ने) ०७:२८, २९ सेप्टेम्बर २०१९ (युटिसी(UTC))

भरपर्दा[सम्पादन गर्ने]

भरपर्न नसकिने[सम्पादन गर्ने]

गैरमुक्त सामग्रीको प्रयोग सम्बन्धमा[सम्पादन गर्ने]

नेपाली विकिपिडियामा यस विशेष पृष्ठको प्रयोग गरेर विभिन्न प्रयोगकर्ताहरूले मिडिया फाइलहरू अपलोड गरिरहेका छन्। हामीले यस विकिपिडियामा नेपालसँग सम्बन्धित कुनै पनि मिडिया फाइल अपलोड गर्नुपूर्व नेपालको प्रतिलिपि अधिकार ऐन २०५९ र नियमावली २०६१ मा भएको व्यवस्था बुझ्नु एकदमै आवश्यक छ। सन् २००७ मा विकिमिडिया फाउण्डेसनको न्यासी समितिले प्रतिलिपि अधिकार नीति पास गरेका थिए जसअनुसार कुनै पनि भाषाको विकिपिडियामा गैर मुक्त सामग्री प्रयोग गर्नुपूर्व त्यस देशको कानूनले प्रतिलिपि अधिकार सम्बन्धि कानूनी सीमालाई व्याख्या गर्नुको साथै प्रतिलिपि अधिकार सुरक्षित सामग्रीको प्रयोग गर्ने कानूनी अधिकार दिएको हुनुपर्नेछ। साथै यदि त्यस्ता सामग्रीहरू संयुक्त राज्य अमेरिकाको कानूनसँग नबाझिएको खण्डमा मात्रै विकिपिडियामा प्रयोग गर्न सकिने व्यवस्था रहेको छ।

स्रोतहरू[सम्पादन गर्ने]

नेपालको प्रतिलिपि अधिकार ऐन, २०५९[सम्पादन गर्ने]

मैले यस सम्बन्धमा तुल्सी भगतसँग सल्लाह गरेको थिए। हामीले नेपालको प्रतिलिपि अधिकार ऐन, २०५९ अध्ययन गर्दा परिच्छेद-४ दफा (१७) र (१८) मा 'अनुमति विना प्रतिलिपि अधिकार प्राप्त सामग्री प्रयोग गर्न पाइने अवस्था' व्यस्था रहेको पाएका छौँ। (यस विषयमा तपाईहरू पनि एकपटक अध्ययन गरेर टिप्पणी गर्नहुन अनुरोध गर्दछु।)

टिप्पणी[सम्पादन गर्ने]

यदि ऐनमा व्यवस्था भए नीति बनाउनुपर्ने[सम्पादन गर्ने]

यदि नेपालको प्रतिलिपि अधिकार ऐनमा गैर मुक्त फाइल शैक्षिक प्रयोजनको लागि प्रयोग गर्नुपर्ने व्यवस्था छ भने हामीले यस विकिपिडियामा त्यस्ता फाइल प्रयोग गर्नुपूर्व २ वटा नीति बनाएर समुदायद्वारा पास गराउनुपर्छ।

नेपाली विकिपिडियामा गैरमुक्त सामग्रीको प्रयोग[सम्पादन गर्ने]

हाल नेपाली विकिपिडियामा ८४१ वटा मिडिया फाइलहरू रहेका छन्। हामीले यस विकिपिडियामा गैरमुक्त सामग्री सम्बन्धी नीति नबनुञ्जेलसम्म यस विकिपिडियामा नेपालसँग सम्बन्धित रहेको गैर मुक्त मिडिया फाइलहरूलाई तत्कालै मेट्नुपर्ने आवश्यकता रहेको मेरो बुझाई छ। अहिलेको स्थिति हेर्दा फाइल अपलोड गर्ने प्रयोगकर्तालगायत विकिमिडिया फाउण्डेसन समेत प्रतिलिपि अधिकार उल्लङ्घन गरेको दोषी ठहरिनेछ। त्यसकारण यससँग सम्बन्धित नीति निर्माण भइसके पश्चात यस विकिपिडियामा विशेष पृष्ठको प्रयोग गरेर प्रबन्धकवर्गका सदस्यहरूले मात्र गैरमुक्त सामग्रीको अपलोड गर्नसक्ने व्यवस्था गर्नुपर्ने समेत मेरो तर्क छ। यस प्रस्तावमा शीघ्रातिशीघ्र टिप्पणी गर्नुहुन सबै प्रयोगकर्तावर्गमा अनुरोध गर्दछु। धन्यवाद--बिप्लब आनन्द (म सँग कुरा गर्नुहोस) ०८:२१, २९ सेप्टेम्बर २०१९ (युटिसी(UTC))

टिप्पणी[सम्पादन गर्ने]