शिवसताक्षी नगरपालिका

शिवसताक्षी नगरपालिका
नगरपालिका
निर्देशाङ्क: २६°३६′५५″उ ८७°५०′०७″पू
देश	नेपाल
प्रदेश	कोशी प्रदेश
जिल्ला	झापा
स्थापित	२०७१ मङ्सिर १६
सरकार
• प्रमुख	मेगाहाङ थोप्रा (नेकपा (एमाले))
• उपप्रमुख	नरमाया कार्की (नेकपा (एमाले))
क्षेत्रफल
• जम्मा	१४५.८७ किमी२ (५६.३२ वर्ग माइल)
जनसङ्ख्या  (राष्ट्रिय जनगणना २०७८)
• जम्मा	७४,०७७
• घनत्व	५१०/किमी२ (१३००/वर्ग माइल)
समय क्षेत्र	युटिसी+५:४५ (नेपाली समय)
क्षेत्रीय सङ्केत	+९७७-०२३
वेबसाइट	आधिकारिक वेबसाइट

शिवसताक्षी नगरपालिका झापाका ८ वटा नगरपालिकाहरू मध्ये एक हो। यो नगरपालिका कोशी प्रदेशको झापा जिल्लामा अवस्थित छ। २०७१ मङ्सिर १६ मा, शिवगञ्ज, पाँचगाछी, सतासीधाम र धरमपुर गाविस सम्मिलित गरी शिवसताक्षी नगरपालिका घोषणा गरिएको थियो। जम्मा ११ एघार वटा वडामा विभाजन गरीएको यस नगरपालिकाको कुल क्षेत्रफल १४५।४८ वर्ग कि।मी। रहेको छ। यस नगरपालिकाको पूर्वमा कन्काइ नगरपालिका उत्तरमा इलाम जिल्ला पश्चिममा कमल गाउँपालिका र दक्षिणमा झापा गाउँपालिका र गौरीगंज गाउँपालिका रहेका छन्। सताक्षिधाम धार्मिक क्षेत्र, दोमुखा पर्यटकिय क्षेत्र, चिल्लागढ ऐतिहासिक साँस्कृतिक क्षेत्र लगायत विभिन्न मठ मन्दिर, गुम्बा तथा खोलानाला, नहर, कुलो, पोखरी, सिमसार क्षेत्र तथा हरिया वनहरुले यस नगरपालिकालाई शान्त, आकर्षक र रमणिय बनाएका छन ।अन्य नगरपालिकाहरुको तुलनामा विकासका पूर्वाधारहरु कम भएता पनि अत्याधिक सम्भावना बोकेको क्षेत्रको रुपमा यस नगरलाई लिईन्छ । नगरपालिकाको केन्द्र वडा नं. ७ स्थित ब्याङ्गडाँडामा रहेको छ । नगरपालिकाको प्रमुखमा मेघहाङ्ग थोप्रा (रोशन) तथा उप-प्रमुखमा नरमाया कार्की निर्वाचित हुनुभएको छ । जन प्रतिनिधिहरु निर्वाचित भै आए पश्चात नगर कार्यपालिकाले नगर कार्यपालिका कार्य विभाजन नियमावली, कार्य सम्पादन नियमावली लगायतका विभिन्न नियमावली र कार्यविधिहरु स्विकृत गरी त्यसैका आधारमा नगर कार्यपालिकाका दैनिक प्रशासनिक तथा विकासात्मक कार्यहरु संचालित छन ।

जनसङ्ख्या

राष्ट्रिय जनगणना २०७८को जनगणना अनुसार शिवसताक्षी नगरपालिकाको कुल जनसङ्ख्या ७४,०७७ रहेको छ भने यहाँ १८,२५३ घरधुरी रहेका छन्।

शिवसताक्षी नगरपालिकाको वडागत तथ्याङ्क

नयाँ वडा	समावेश साविकका गाविसहरू	जनसङ्ख्या	क्षेत्रफल (वर्ग कि.मी.)	जनघनत्व (व्यक्ति/वर्ग कि.मी.)
१	धरमपुर (८-९)	६,२०३	९.९५	६२३.४२
२	धरमपुर (५-७)	५,९९७	१३.०२	४६०.६०
३	धरमपुर (१, २, ३, ४)	४,५३५	१०.८	४१९.९१
४	पाँचगाछी (१, ३-४, ६-७)	६,२२१	११.९५	५२०.५९
५	पाँचगाछी (२,५,८-९)	४,६३३	९.५५	४८५.१३
६	शिवगञ्ज (१-३)	६,०८८	१४.३	४२५.७३
७	शिवगञ्ज (४-९)	८,०३४	२०.२८	३९६.१५
८	सतासीधाम (१-५)	९,४०९	८.१	११६१.६०
९	सतासीधाम (७)	६,६४२	१०.७८	६१६.१४
१०	सतासीधाम (८)	७,३४०	१४.४२	५०९.०२
११	सतासीधाम (६,९)	८,९७५	२२.३३	४०१.९३
जम्मा		७४,०७७	१४५.४८	५०९.१८

धार्मिक एवं पर्यटकीय स्थलहरू

• सतासिधाम
• दोमुखा
• चिल्लागढ
• कन्काई माई

बाह्य कडीहरू

• जिल्ला समन्वय समितिको कार्यालय, झापा, नेपाल अभिलेखिकरण २०१७-०७-१० वेब्याक मेसिन