असुरकोट

असुरकोट
—  गाउँ विकास समिति  —
असुरकोट
निर्देशाङ्क: २८.००° उत्तर ८२.९९° पूर्व / 28.00; 82.99
देश	नेपाल
अञ्चल	लुम्बिनी
जिल्ला	अर्घाखाँची
जनसङ्ख्या (1991)
- जम्मा	२,४६४
समय क्षेत्र	नेपालको प्रमाणिक समय (युटिसी+५:४५)

असुरकोट अर्घाखाँची जिल्लाको पश्चिमी भेगमा पर्ने जिल्ला कै एउटा सानो नमुना गा. वि. स. हो। यो गबिसमा जिल्लाकै पहिलो खुल्ला दिशामुक्त र धुँवारहित चुलो भएको ले जिल्लाकै नमुना गा.वि.स.ले चिनिएको छ । गबिसमा तीन वटा सरकारी विद्यालयहरू छन् । यहाँका जनताहरूले बिजुली बत्ती पिउने पानी को सुबिधा पछील्लो १० बर्ष यानी २०५९ बाट पूर्ण रुपले उपभोग गर्दै आएका छन् | जिल्लाको सदरमुकाम सन्धिखर्क बाट १९ किलोमिटर टाढा पश्चिम तर्फ रहेको असुरकोट राप्ती अञ्चलको प्युठान जिल्लाको सिमानामा पर्दछ । यो गबिसमा यातायात को सुबिधा पुरै एक देखी नौ वडा सम्म मोटर बाटो को ब्यबस्था गरिएको छ जसमा पुरै गबिसका जनताहरूले लाभ उठाउन सकिरहेका छन् । सन्धिखर्क बाट र नरपानी बाट पनि सिधा पश्चिम भेक प्युठान, रोल्पा, दाङ, सल्यान आदी जिल्लाहरूमा जानको लागि यो असुरकोट को बाटो अती उपयुक्त र छोटो दुरी रहेको छ ।

प्रमुख बस्ती

असुरकोट को दक्षिण पश्चिम तिर पर्ने भट्टी देखी तल जोगिटारी सम्म मा पुरै मगरहरूको बस्ती छ भने उत्तर पूर्व तिर नेवार, क्षेत्री, बाहुन अनी दलित जातिहरूको बस्ती छ ।

रहन सहन

यस गा.वि.स. को जनता ९० प्रतिशत रोजगारी र पढाई को शिलशिला मा गा.वि.स. देखी बहिर छन् प्राय यहाँ युवाहरुको जमघट दशैं र तिहारमा मात्र हुन्छ । यहाँका जनताहरू ९९ प्रतिशत शिक्षित अनी मिलनसार छन् गा.वि.स.मा एउटा मात्र स्वास्थ्य चौकी छ भने सुरक्षा को लागि प्रहरी चौकी अझै सम्म बसेको छैन ।

यातायात

यातायात को कुरा गर्नु पर्दा कपिलवस्तु जिल्लाको कृष्णनगर जो नेपाल भारतको सिमानामा पर्दछ कृष्णनगर बाट हिउँद मासमा प्रत्येक दिन बिहान आठ बजे असुरकोट गबिस को वडा नम्बर-९ जोगिटारीको लागि एउटा बस छुट्ने गर्दछ उक्त बस अर्को दिन बिहान सात बजे बुटवल को लागि जोगिटारी बाट छुट्दछ जसले गर्दा गाउँका मान्छेहरू शहर र शहरका मान्छे गाउँ आवतजावत गर्नको लागि उपयुक्त बनेको छ । बाटो धेरै राम्रो छ तर यो बाटो लाई ग्रेभलिङ र पिच गर्न भने काम बाँकी नै छ ।