ओसिनिया

कडीहरू सम्पादन गर्नुहोस्
विकिपिडिया, एक स्वतन्त्र विश्वकोशबाट
यो लेख क्षेत्रको बारेमा हो। महादेशको लागि अस्ट्रेलिया (महादेश) हेर्नुहोस्। अन्य प्रयोगको लागि ओसिनिया (स्पष्टता) हेर्नुहोस्।
ओसिनिया
Oceania (orthographic projection).svg
क्षेत्रफल८५,२५,९८९ किमी२ (३२,९१,९०३ वर्ग माइल)
जनसङ्ख्या४१,५७०,८४२ (सन् २०१८ , छैटौँ)[१][२]
जनघनत्व४.१९ /किमी2 (१०.९ /वर्ग माइल)
जिडिपी (साङ्केतिक)$१.६३० खर्ब (सन् २०१८, छैटौँ)
जिडिपी प्रति व्यक्ति$४१,०३७ (सन् २०१७, दोस्रो)[३]
वासिन्दा नामओसिनियाली
देशहरू
निर्भरता
भाषाहरू
समय क्षेत्रहरूयुटिसी+०९ (पपुवा, पलाउ) देखि युटिसी-६ (इस्टर टापु) (पश्चिम देखि पूर्व)
ठूलो सहरहरू
UN M49 code००९ – ओसिनिया
००१ – विश्व

ओसिनिया एक भौगोलिक क्षेत्र हो जसमा अस्ट्रेलिया, मेलानेसिया, माइक्रोनेसिया र पोलिनेसिया समावेश छन्। [४] पूर्वी र पश्चिमी गोलार्धमा फैलिएको ओसिनियामा ८,५२५,९८९ वर्ग किलोमिटर (३,२९१,९०३ वर्ग माइल) क्षेत्रफल र ४ करोड १० लाख भन्दा बढी जनसङ्ख्या भएको भूमि क्षेत्र रहेको छ। महादेशहरूको तुलनामा भू-भागको सबैभन्दा सानो भूभाग ओसिनिया हो र यो कुमेरू महादेश पछिको जनसङ्ख्यामा दोस्रो सबैभन्दा सानो क्षेत्र हो।

ओसिनियामा अस्ट्रेलिया, न्यु क्यालेडोनिया, न्युजिल्यान्ड, फ्रान्सेली पोलिनेसिया र हवाईका उच्च विकसित र विश्वव्यापी रूपमा प्रतिस्पर्धी वित्तीय बजारहरूबाट अर्थव्यवस्थाहरूको विविध मिश्रण रहेको छ जुन जीवन र मानव विकास सूचकाङ्कको गुणस्तरमा उच्च स्थानमा रहेको छ।[५][६] पपुवा न्युगिनी, इन्डोनेसियाली न्युगिनी, किरिबाटी, भानुआटु र टुभालु जस्ता कम विकसित अर्थव्यवस्थाहरू भएका मुलुकहरू पनि यस अन्तर्गत पर्दछन्।[७] पलाउ, फिजी र टोङ्गा जस्ता प्रशान्त टापुहरूको मध्यम आकारको अर्थव्यवस्था पनि समावेश छ। [८]ओसिनियाको सबैभन्दा ठूलो र धेरै जनसङ्ख्या भएको देश अस्ट्रेलिया हो भने यहाँको सबैभन्दा ठूलो सहर सिड्नी हो। [९]

अस्ट्रेलिया, न्यु गिनी र पूर्वतिरका ठूलाठूला टापुहरूमा बसोबास गर्ने पहिलो मानिसहरू ६०,००० वर्षअघि यहाँ आइपुगेका थिए। सोह्रौँ शताब्दीदेखि पहिलो पटक युरोपेलीहरूले ओसिनियाको अन्वेषण गरेका थिए। सन् १५१२ देखि १५२६ को बीचमा पोर्तुगाली अन्वेषकहरू तानिम्बर टापु, केही क्यारोलियाली टापुह र पश्चिमी पापुआ न्यु गिनी आएका थिए।[१०] अठारौँ शताब्दीको पहिलो यात्रामा जेम्स कुक, जो पछि अत्यन्त विकसित हवाई टापुमा पुगेका थिए र पछि उनी ताहिती पुग्दै पहिलो पटक अस्ट्रेलियाको पूर्वी तटको अन्वेषण गर्न सफल भएका थिए। [११]प्रशान्त मोर्चाले दोस्रो विश्वयुद्ध ताका, मुख्यतया संयुक्त राज्य अमेरिका र अस्ट्रेलियाबीच र अक्ष शक्ति जापानबीच ठूलो कदम चालेको थियो।

त्यसपछिका शताब्दीहरूमा युरोपेली बासिन्दाहरूको आगमनले गर्दा ओसिनियाको सामाजिक तथा राजनैतिक परिदृश्यमा उल्लेखनीय परिवर्तन आएको थियो।[१२] समकालीन समयमा राष्ट्रिय झन्डाहरूबारे झन्-झनै चर्चा बढ्दै गएको छ र कोही-कोही ओसिनियालीहरूले आफ्नो विशिष्ट तथा व्यक्तिगत चिनारी प्रदर्शन गर्ने इच्छा राखेका छन्।[१३] आदिवासी अस्ट्रेलियालीहरूको शैलकला विश्वको सबैभन्दा लामो निरन्तर अभ्यास गरिएको कलात्मक परम्परा हो। पपुवामा अवस्थित पुन्चाक जया ४,८८४ मिटर अग्लो ओसिनियाको सर्वोच्च शिखर हो। अधिकांश महासागरीय देशहरू बहुदलीय प्रतिनिधि संसदीय लोकतन्त्रहरू हुन्। प्रशान्त द्वीप राष्ट्रहरूका लागि पर्यटन आयको ठूलो स्रोत भएको छ। [१४]

सन्दर्भ सामग्रीहरू[सम्पादन गर्नुहोस्]

  1. ↑ ""World Population prospects – Population division"", population.un.org, संयुक्त राष्ट्र सङ्घीय आर्थिक तथा सामाजिक मामिला विभाग, जनसङ्ख्या विभाग, अन्तिम पहुँच नोभेम्बर ९, २०१९। 
  2. ↑ उद्दरण त्रुटी: Invalid <ref> tag; no text was provided for refs named UN_WPP_2019
  3. ↑ उद्दरण त्रुटी: Invalid <ref> tag; no text was provided for refs named unstats
  4. ↑ उद्दरण त्रुटी: Invalid <ref> tag; no text was provided for refs named forei
  5. ↑ उद्दरण त्रुटी: Invalid <ref> tag; no text was provided for refs named worlda
  6. ↑ उद्दरण त्रुटी: Invalid <ref> tag; no text was provided for refs named herita
  7. ↑ उद्दरण त्रुटी: Invalid <ref> tag; no text was provided for refs named imforg
  8. ↑ उद्दरण त्रुटी: Invalid <ref> tag; no text was provided for refs named undporg
  9. ↑ उद्दरण त्रुटी: Invalid <ref> tag; no text was provided for refs named dfatgov
  10. ↑ "Aboriginal Australians", National Geographic, ८ फेब्रुअरी २०१९। 
  11. ↑ उद्दरण त्रुटी: Invalid <ref> tag; no text was provided for refs named foundi
  12. ↑ उद्दरण त्रुटी: Invalid <ref> tag; no text was provided for refs named dimens333
  13. ↑ उद्दरण त्रुटी: Invalid <ref> tag; no text was provided for refs named oceanart
  14. ↑ उद्दरण त्रुटी: Invalid <ref> tag; no text was provided for refs named newpol162

बाह्य कडीहरू[सम्पादन गर्नुहोस्]

"https://ne.wikipedia.org/w/index.php?title=ओसिनिया&oldid=1090778" बाट अनुप्रेषित