गौरीशङ्कर हिमाल

गौरीशङ्कर
सर्वोच्च बिन्दु
शिखर	७,१३४ मी (२३,४०६ फिट)
प्रमुखता	१,६०० मी (५,२०० फिट)
सूचीकरण	अतिरिक्त
निर्देशाङ्क	२७°५७′१२″ उत्तर ८६°२०′०९″ पूर्व
नामाकरण
नामको भाषा	नेपाली, संस्कृत
भूगोल
अवस्थिति	नेपाल
मूल शृङ्खला	रोल्वालिङ हिमाल
आरोहण
प्रथम आरोहण	२०३६ वैशाख २५ मा, जोन रोजकेले र दोर्जे शेर्पा
सबभन्दा सजिलो मार्ग	हिउँ/हिम आरोहण

गौरीशङ्कर हिमाल हिमाल नेपालको दोलखा जिल्ला तथा चिनको सिमानामा अवस्थित हिमाल हो। ७१३४ मिटर अग्लो यो हिमालबाट नेपालको प्रमाणिक समय निर्धारण गरिएको छ। हिन्दू धर्मावलम्बीहरूको अराध्यादेव शिव र पार्वतीको प्रतीक मानिने गौरीशङ्कर हिमाल धार्मिक आस्थाका कारणले आरोहण गर्न प्रतिवन्ध छ। नेपालमा गौरीशङ्कर हिमाललाई पवित्र हिमालका रूपमा लिइन्छ।

अवस्थिति

गौरीशङ्कर रोल्वालिङ हिमालको पश्चिमी किनार नजिकै अवस्थित छ जुन राजधानी काठमाडौँबाट १०० किलोमिटर (६२ माइल) उत्तरपूर्वमा पर्दछ। यो काठमाडौँ र सगरमाथाको बीचमा अवस्थित छ र काठमाडौँबाट यसलाई सजिलै देख्न सकिन्छ। रोल्वालिङ हिमालको पश्चिमी सीमामा अवस्थित यस हिमालको पश्चिममा भोटे कोसी उपत्यका अवस्थित छ। यो दोलखा जिल्लामा पर्दछ।