जमुनी

जमुनी
गाउँ विकास समिति
देश	नेपाल
अञ्चल	भेरी अञ्चल
जिल्ला	बर्दिया
जनसङ्ख्या  (1991)
• जम्मा	९,५८४
समय क्षेत्र	युटिसी+५:४५ (नेपालको प्रमाणिक समय)

जमुनी नेपालको मध्यपश्चिमाञ्चल विकास क्षेत्र, भेरी अञ्चलको बर्दिया जिल्लामा अवस्थित गाँउ विकास समिति हो। यो ठाउँमा २१७३ वटा घर छन।

परिचय

यो एउटा चारैतिर बाट जंगल नदीनाला ले घेरेको रमणीय ठाऊँ हो। पश्चिममा भारतको बोर्डर घनाजंगल अनि पूर्वतिर मानखोला जसले बर्दिया र बाँके को सिमाना छुटाएको गाबिस धेरै मनोहर र पर्यटकिय ठाऊ हो। यस जमुनी गाबिस भित्र पर्ने गाऊहरु : सीतापुर शांतिपुर, ठुलोडांफे, सानोडांफे, थपलोट जमुनी, फुटाहा आदि हुन्। यहाँ एउटा १०+२ दुइटा हाई स्कूल तिन वटा नि.मा.बी. ४ वटा प्रा. बि एउटा बोर्डिंग स्कूल छन ! यहाँ जानको लागी नेपालगंजबाट सोझै डांफे जाने बसमा जान सकिन्छ। नेपालगंज देखि खजुरा ओदरापुर गुनाहना सिमलघारी मानखोला कटेर भोलागौडीबाट दक्षिणतिर को नर्सरी हुदै सतपतियाको ग्रावेल बाटो हुदै १५ मिनेट पार गरेपछि जमुनी गाबिस पुगिन्छ। जमुनी गाबिसको जनताहरुको मुख्या किनमेलको बाजार भनेको भारतको बलैगाऊ जहा मंगलबार र शनिबार पुरै नेपालीहरुको भीड हुन्छ। अर्को बजार नेपालगंज हो। नजिकको बजारमा भोलागौडी मैनापोखर पर्छ। समयको अंतराल संगसंगै यस गाबिसको पनि धेरै प्रगति र बिकाश भएको देखिन्छ।

जनसङ्ख्या

नेपालको सन् २००१को जनगणना अनुसार जमुनीको जनसङ्ख्या ११,५५८ छ। यस मध्य पुरुष ४८%, र महिला ५२% छन्।