गुलरिया नगरपालिका

गुलरिया
नगरपालिका सदरमुकाम
गुलरियामा अवस्थित बगलामुखी मन्दिर
गुलरिया गुलरिया गुलरिया
निर्देशाङ्क: २८°१३′५९″ उत्तर ८१°१९′५९″ पूर्व
देश	नेपाल
प्रदेश	लुम्बिनी प्रदेश
जिल्ला	बर्दिया जिल्ला
नगरपालिका	वि.सं. २०५३ माघ ११
समावेश (गाविस)	खैरापुर, गुलरिया र मथुरा हरद्वार
सम्मिलित (मिति)	वि.सं. २०५३ माघ ११
समावेश (गाविस)	महम्मदपुर
सम्मिलित (मिति)	वि.सं. २०७३ फाल्गुन २२
सरकार
• नगरप्रमुख	मुक्तिनाथ यादव (नेपाली काङ्ग्रेस)
• उपप्रमुख	सावित्रा गौतम (नेपाली काङ्ग्रेस)
क्षेत्रफल
• जम्मा	११८.२१ किमी२ (४५.६४ वर्ग माइल)
जनसङ्ख्या  (राष्ट्रिय जनगणना २०७८)
• जम्मा	७४,५०५
• घनत्व	६३०/किमी२ (१६००/वर्ग माइल)
समय क्षेत्र	युटिसी+५:४५ (नेपालको प्रमाणिक समय)
हुलाक कोड	२१८००
क्षेत्रीय सङ्केत	+९७७-०८४
वेबसाइट	आधिकारिक वेबसाइट

गुलरिया नेपालको लुम्बिनी प्रदेशको बर्दिया जिल्लामा अवस्थित एक नगरपालिका तथा जिल्ला सदरमुकाम हो। वि.सं. २०५३ साल माघ ११ गते यस जिल्लाको तत्कालिन खैरापुर, मथुराहरिद्वार र आदर्श गुलरिया गाविसलाई समायोजन गरि यसलाई नगरपालिका घोषणा गरिएको थियो। यो नगरपालिका नेपालगञ्ज उपमहानगरपालिकाको ३५ किलोमिटर दक्षिणमा अवस्थित छ। वि.सं. २०७३ मा स्थानीय तह लागू हुँदा बर्दिया जिल्लामा साविकको गुलरिया नगरपालिका र महम्मदपुर गाउँ विकास समितिलाई समेटेर गुलरिया नगरपालिकाको क्षेत्र विस्तार गरिएको थियो। यस नगरपालिकाको कुल जनसङ्ख्या ६६,६७९ रहेको छ भने यसको क्षेत्रफल ११८.२१ वर्गकिलोमिटर रहेको छ। यस नगरपालिकालाई १२ वडामा विभाजन गरिएको छ। यस नगरपालिकाको सिमाना पूर्वमा बढैयाताल गाउँपालिका, पश्चिममा भारत, उत्तरमा बारबर्दिया नगरपालिका तथा दक्षिणमा भारत रहेको छ।

स्थापना

वि.सं. २०५३ माघ ११ गते तत्कालिन खैरापुर, मथुराहरिद्वार र आदर्श गुलरिया गाविस मिलेर गुलरिया नगरपालिका बनेको हो।

जनसङ्ख्या

राष्ट्रिय जनगणना २०७८को जनगणना अनुसार गुलरिया नगरपालिकाको कुल जनसङ्ख्या ७४,५०५ रहेको छ भने यहाँ १६,००२ घरधुरी रहेका छन्।

वडागत विवरण

गुलरिया नगरपालिकाको वडा विभाजन, साविकका वडाहरू/गाविस, जनसङ्ख्या, क्षेत्रफल र जनघनत्वको विस्तृत विवरण निम्न तालिकामा दिइएको छ:

गुलरिया नगरपालिकाको वडागत तथ्याङ्क

नयाँ वडा	समावेश साविकका वडा/गाविसहरू	जनसङ्ख्या	क्षेत्रफल (वर्ग कि.मी.)	जनघनत्व (व्यक्ति/वर्ग कि.मी.)
१	गुलरिया (१,३)	६५८५	८.४८	७७६.५३
२	गुलरिया (२)	५७७८	१७.२	३३५.९३
३	गुलरिया (४)	५४६८	७.९२	६९०.४०
४	गुलरिया (५, ७)	८६१६	१७.९७	४७९.४७
५	गुलरिया (६)	४७७८	३.९७	१२०३.५३
६	गुलरिया (८)	४९००	०.९४	५२१२.७७
७	गुलरिया (९)	५२६७	४.०९	१२८७.७८
८	गुलरिया (१०, ११)	६७२२	१३.१३	५११.९६
९	गुलरिया (१२)	६८९६	९.३३	७३९.१२
१०	गुलरिया (१३, १४)	७२०४	१२.२७	५८७.१२
११	महम्मदपुर (१–५, ७)	६६५६	९	७३९.५६
१२	महम्मदपुर (६, ८, ९)	५६३५	१३.९१	४०५.१०
जम्मा		७४,५०५	११८.२१	६३०.२८

जातजाती

यहाँ यादव, गोडिया, लोद, शेख, थारुको ७० प्रतिशत बाहुल्य छ भने ३० प्रतिशत बाहुन, क्षेत्री, मगर, दलित र जनजाति बस्छन्।