ठोरी

स्वतन्त्र विश्वकोश, नेपाली विकिपिडियाबाट
Jump to navigation Jump to search

ऐतिहासिक, धार्मिक, साँस्कृतिक, पुरातात्विक, पर्यटकीय महत्वको दृष्टीकोणले परिचित प्रदेश–२ को पर्सा जिल्ला भित्रका १४ वटा स्थानीय तह मध्ये सबैभन्दा पश्चिममा रहेको स्थानीय तह हो ठोरी गाउँपालिका । ठोरी गाउँपालिकामा साविक सुवर्णपुर, निर्मलवस्ती र ठोरी गाविसलाई समावेश गरी हाल ५ वडामा विभाजन गरिएको छ । यस गाउँपालिकाको सेवा केन्द्र घ्याङडाँडामा रहेको छ । यस गाउँपालिकाको पश्चिममा चितवन राष्ट्रिय निकुञ्ज, पूर्वमा जिरा भवानी गाउँपालिका, उत्तरमा चितवन र पर्सा राष्ट्रिय निकुन्ज तथा दक्षिणमा छिमेकी मुलुक भारतको विहार राज्य अवस्थित छ । १२८.६७ वर्ग कि.मी. क्षेक्षफलमा फैलिएको यस गाउँपालिकाको जनसंख्या २०,२९६ रहेको छ । ऐतिहासिक, धार्मिक, साँस्कृतिक, प्राकृतिक, पुरातात्विक तथा पर्यटकीय दृष्टिकोणले यो गाउँपालिका धनी मानिन्छ । ठोरीदेखि मध्य पहाडी तथा हिमाली क्षेत्रसम्म नुन लैजाने गरिन्थ्यो । त्यसैले यस ठाउँ नुनथलोको रुपमा पनि प्रख्यात छ । ठोरीदेखि पूर्वतर्फ वीरगंज नाकाको विस्तार भएपछि यो ठाउँ विस्तारै ओझेलमा पर्न गयो । प्रदेश–२ मा नै मिनी उपत्यकाको रुपमा यो ठाउँ परिचित छ । तराई क्षेत्र भएपनि यस ठाउँमा रहेका सिनेही पर्वत, गोलेडाँडा, सेतो पहाड, उत्तरतर्फ चुरे श्रृँखला र दक्षिणतर्फको संसारी डाँडाका कारण प्राकृतिक दृष्टिले धनी मानिन्छ । ठोरीको प्राकृतिक मनोरम क्षेत्र घुम्नका लागि विशेष गरेर दैनिक सयौँको संख्यामा भारतीय पर्यटकहरु आउने गर्दछन् । यहाँको रानीवन, राइधारा, अमृतधारा, क्यामुनाघारी, बुलबुले, गोलेडाँडा, सिनेहीपर्वत, सेतापहाड पर्यटक आकर्षणका केन्द्र हुन् । धार्मिक रुपमाले वनशक्ति मन्दिर, बाघमोर्चामाइ मन्दिर, सिद्धेश्वर मन्दिर, सीता गुफा, कृष्णमन्दिर लगायतका देवालयहरु प्रख्यात छन् । ऐतिहासिक रुपले गणेशमान पार्क, मनमोहन पार्क पनि प्रसिद्ध छन् । विशेष गरेर अंग्रेजी नयाँ वर्षका दिन हजारौँको संख्यामा भारतीय पर्यटकहरु आउने गर्दछन् । आदिवासी जनजाति, क्षेत्री, बाहुन, लोपोन्मुख जाति प्रजा, बोटे, दलित लगायतका जातिहरुको बसोबास रहेको पाइन्छ । नुनथलोको रुपमा ठोरी परिचित रहेको यस ठाउँ पछिल्लो समय पर्यटकीय गन्तव्यको रुपमा पनि चिनिन थालेको छ । वि.सं. २०२१ सालमा चितवनको विभिन्न स्थानबाट बसाईसराईँ गरेर भइ यस ठाउँमा बसोबास गरेको पाइन्छ ।

सन्दर्भ सामग्रीहरू[सम्पादन गर्ने]

यो पनि हेर्नुहोस[सम्पादन गर्ने]


हामी नेपाली ठोरी बसी हरू को यो सानो अवाज



सन्दर्भ सामग्री[सम्पादन गर्ने]

बाह्य सूत्र[सम्पादन गर्ने]