तोसिमा कार्की

तोसिमा कार्की
तोसिमा कार्की
स्वास्थ्य तथा जनसङ्ख्या राज्यमन्त्री
कार्यकाल ३ माघ २०७९ – २२ माघ २०७९
राष्ट्रपति	विद्यादेवी भण्डारी
प्रधानमन्त्री	पुष्पकमल दाहाल
मन्त्री	पदम गिरी
पूर्वाधिकारी	हिराचन्द्र केसी
प्रतिनिधि सभा सदस्य
बहालवाला
पद बहाली २५ पुष २०७९
पूर्वाधिकारी	पम्फा भुषाल
निर्वाचन क्षेत्र	ललितपुर ३
व्यक्तिगत विवरण
जन्म	आदिनाथ गाउँ, नख्खु खोला मार्ग, वडा नं. १८, ललितपुर
राजनीतिक दल	राष्ट्रिय स्वतन्त्र पार्टी
शिक्षा	मास्टर्स जनरल सर्जरी (काठमाडौं विश्वविधालय)

Deprecated parameter termendDeprecated parameter termstartDeprecated parameter primeministerDeprecated parameter termstart1

तोसिमा कार्की (वि. सं. २०४६) एक नेपाली राजनीतिज्ञ, पेशाले चिकित्सक र राष्ट्रिय स्वतन्त्र पार्टीकी सदस्य हुन्। उनी हालै ललितपुर ३ बाट प्रतिनिधि सभामा निर्वाचित भएकी छन्। कार्की नेपालको स्वास्थ्य मन्त्रालयका लागि राज्यमन्त्रीको रूपमा ३ माघ २०७९ देखि २२ माघ सम्म सेवा गरिकी थिन।

प्रारम्भिक जीवन

उनको जन्म वि. सं. २०४६ मा बुबा पदमबहादुर कार्की र आमा दीपा कार्कीको घरमा भएको थियो। तोसिमा कार्कीको बाल्यकाल ललितपुरमा बितेको थियो। सहिद धर्मभक्त विद्यालय, ललितपुर महानगरपालिकामा कक्षा १० सम्म पढेकी उनले चोभारको मोर्डन इन्डियन स्कुलबाट कक्षा ११ र १२ पूरा गरेकी हुन्।

उनले ललितपुरको किस्ट मेडिकल कलेजबाट एमबीबीएस र काठमाडौँ विश्वविद्यालयबाट जनरल सर्जरीमा स्नातकोत्तर गरेकी छन्। उनी नेपाल मेडिकल काउन्सिलको जनरल शल्यचिकित्सक र कार्यकारी समितिको सदस्य पनि हुन्।

राजनीतिक जीवन

उनी रवि लामिछानेले बनाएको राष्ट्रिय स्वतन्त्र पार्टीमा प्रवेश गरेकी थिइन्। उनको उम्मेदवारीलाई नेपाल निर्वाचन आयोगले सुरुमा अस्वीकार गरेको थियो, तर कार्कीले आफ्नो उम्मेदवारीलाई कायम राख्न सर्वोच्च अदालतमा रिट दायर गरेकी थिइन्।

कार्की तत्कालीन मन्त्री पम्फा भुसाललाई पराजित गर्दै प्रतिनिधि सभा निर्वाचन, २०७९मा ललितपुर ३ बाट प्रतिनिधि सभा सदस्यमा निर्वाचित भएकी थिइन्। उनी गोविन्द केसीको समर्थक हुन्। वि. सं. २०७९ माघ ३ मा, उनी पुष्पकमल दाहालको प्रधानमन्त्री तेस्रो मन्त्रिपरिषद्मा स्वास्थ्य तथा जनसङ्ख्या राज्यमन्त्री मन्त्री भइन्।

प्रधानमन्त्री पुष्पकमल दाहालले नागरिकता मुद्दामा अदालतले पदमुक्त गरेपछि गैरसांसद बनेका रास्वपाका सभापति रवि लामिछानेलाई पुनः गृहमन्त्री बनाउन अस्वीकार गरेपछि राष्ट्रिय स्वतन्त्र पार्टी (रास्वपा) सरकारबाट बाहिरिएको थियो। सो कारण कार्यभार सम्हालेको १९ दिनमै तोसिमा कार्की पदमुक्त भएका छन्।

चलचित्र सूची

वर्ष	चलचित्र	भूमिका	टिप्पणीहरू	सन्दर्भ
२०७९	महापुरुष	चिकित्सक	पहिलो चलचित्र

चुनावी इतिहास

प्रतिनिधि सभा निर्वाचन, २०७९

ललितपुर ३
दल		उम्मेदवार	मतदान
	राष्ट्रिय स्वतन्त्र पार्टी	तोसिमा कार्की	३१,१३६
	नेकपा एमाले	अमृत खड्का	१२,९६३
	नेपाल कम्युनिस्ट पार्टी (माओवादी केन्द्र)	पम्फा भुषाल	८,७६९
नतिजा		तोसिमा कार्की निर्वाचित
स्रोत: निर्वाचन आयोग

प्रतिनिधि सभा निर्वाचन, २०८२

प्रतिनिधि सभा निर्वाचन, २०८२मा राष्ट्रिय स्वतन्त्र पार्टीको लागि ललितपुर जिल्ला क्षेत्र नं ३ बाट निर्वाचित भएका हुन्।

बाह्य कडीहरू

वेब ठेगाना