मक्तुब

मक्तुब

व्यवसाय प्रकार	निजी कम्पनी
उद्योग	इन्टरनेट सेवा
स्थापित	सन् १९९८
केन्द्रीय कार्यालय	दुबई, संयुक्त अरब इमिरेट्स
मुख्य व्यक्ति	अहमद नासिफ, याहु! मध्य पूर्व
मूल सङ्गठन	याहु
वेबसाइट	मक्तुब डटकम

मक्तुब (अरबी: مكتوب‎‎) एक अनलाइन सेवा कम्पनी हो जसको स्थापना जोर्डनको राजधानी अम्मानमा भएको थियो। मक्तुब डटकम पहिलो अरबी / अङ्ग्रेजी इमेल सेवा प्रदायक पनि हो। सन् २००९ मा, याहु!ले मक्तुब डटकमलाई अधिग्रहण गरेको थियो यसैले मक्तुबले मध्य पूर्व र उत्तर अफ्रिकी क्षेत्रमा याहूको मातहतमा सेवा सञ्चालन गर्दछ।

सुरुवाती दिनहरू

मक्तुबको स्थापना सन् १९९९ मा समीह तोकान र हुसम खुरीले गरेका थिए जसले इ-मेलका लागि अरबी भाषाको समर्थनका साथ वेबमेल सेवाको सुरु गरेका थिए जब कुनै अन्य निःशुल्क इडाँक सेवाले त्यस्तो समर्थन प्राप्त गरेका थिएनन्।

तिनीहरूले अरबी किबोर्ड नभएका वा अरबी भाषालाई समर्थन नगर्ने ब्राउजर भएका प्रयोगकर्ताहरूका लागि इमेल पठाउन र प्राप्त गर्नका लागि आभासी किबोर्डको प्रयोग गरेका थिए जुन चाहीँ जाभामा गरिएको थियो र तिनीहरूले जाभा एप्लेटहरू प्रयोग गरेका थिए जसमा राम्रो अरबी समर्थन रहेको थियो।

मक्तुब र यसको ठूलो प्रयोगकर्ता आधारको प्रारम्भिक प्रगतिका कारण कम्पनीले अरबी प्रयोगकर्ताहरूका लागि धेरै सेवा तथा सामग्रीहरूको च्यानल सृजना गर्न नेतृत्व गरेको थियो, जसमध्ये धेरै अरबी ढाँचामा फेला परेका थिएनन्।

मक्तुब पोर्टलको सफलताले कम्पनीलाई नयाँ अनलाइन व्यवसाय सुरु गर्न उत्साहित गरेको थियो। क्यास यु इलेक्ट्रोनिक भुक्तानीको मुद्दालाई सम्बोधन गर्न स्थापना गरिएको थियो, सौक एक लिलामी र बजारको रूपमा स्थापना गरिएको थियो भने तहादी डटकमलाई मध्य पूर्वमा इण्टरनेट प्रयोगकर्ताहरूको लागि सबैभन्दा राम्रो व्यापक बहु खेलाडी खेल / व्यापक बहु खेलाडी अनलाइन भूमिका खेल्ने खेलहरू प्रदान गर्नका लागि स्थापना गरिएको थियो, अरबी डटकम अरबी खोज इञ्जिन; मक्तुबको खोजमा आधारित एक सफल अनलाइन अनुसन्धान सेवा हो जसलाई तामारा डेप्रेजद्वारा स्थापना गरिएको थियो र सुकर डटकम मध्य पूर्वमा पहिलो र सबैभन्दा ठूलो अनलाइन निजी किनमेल क्लब हो जसलाई सेजिन याल्चिनद्वारा स्थापना गरिएको थियो।

अबराज पूँजीको अधिग्रहण

जून २००५ मा, संयुक्त अरब इमिरेट्समा आधारित निजी सेयर मूल्य गृह अबराज क्यापिटलले ५.२ मिलियन अमेरिकी डलरमा कम्पनीको सेयरको ४०% प्रतिशत खरिद गरेको थियो।

यसले पहिलो अरबी अनलाइन लिलामी वेबसाइट सौक डटकमको स्थापना गरेको थियो जसले ठूलो समुदाय सञ्जालको लाभ उठाउँदै फाइदा उठाउन सफल भएको थियो।

अप्रिल २००६ मा, मक्तुबले एक लोकप्रिय अरबी खेल वेबसाइट स्पोर्ट फरएभरको अधिग्रहण गरेको थियो।

डिसेम्बर २००७ मा, अबराजले ७५% फिर्ताको आन्तरिक दरका साथ टाइगर ग्लोबल म्यानेजमेण्टलाई आफ्नो अंश विक्री गरेको थियो।

याहु!

सन् २००९ मा, मक्तुबले १६४ मिलियन अमेरिकी डलरको लागि यसको सम्पूर्ण सम्पत्ति याहूलाई बिक्री गरेको थियो। जनवरी २०११ मा, ईमेल प्रयोगकर्ताहरू @ मक्तुब डटकम डोमेनबाट @ याहु डटकम डोमेनमा सारिएका थिए।

जनवरी २०१५ मा, याहु! दुबईमा यसको आधा कर्मचारीलाई बर्खास्त गर्न अनुमति दिएको थियो, र यसले डिसेम्बर २०१५ मा दुबईमा यसको कार्यालय बन्द गर्ने घोषणा गरेको थियो जुन मध्य पूर्व र उत्तर अफ्रिकी क्षेत्रको अन्तिम कार्यालय थियो। याहू!को अधिग्रहण, त्यस क्षेत्रको सबैभन्दा ठूलो अधिग्रहणहरू मध्ये एक हो जुन अन्य उद्यमीहरूका लागि सफलताको कारक बनेको थियो। याह! मुद्राले सौक डटकमलाई विकास गर्न र १ बिलियन अमेरिकी डलरको मूल्य निर्धारण गर्न सम्भव बनाएको थियो। ३१ मार्च २०१३ मा, याहुले मक्तुबको ब्लग सेवाको बन्द गरेको थियो।

गतिविधि

याहु! मक्तुबले निम्न अनलाइन सेवाहरू प्रदान गर्दछ: समाचार (याहु! मक्तुब समाचार), खेल समाचार (याहु! मक्तुब खेलकुद), एक ब्लग मञ्च (याहु! मक्तुब ब्लग), एक सामाजिक सञ्जाल (याहु! मक्तुब एएस७एबी मक्तुब), एक द्विभाषी अनलाइन अनुसन्धान समुदाय (याहु! मक्तुब अनुसन्धान), एक विवाह पोर्टल (याहु! मक्तूब बेन्तेलहलाल), एक यात्रा पोर्टल (याहु! मक्तुब यात्रा) र आकस्मिक खेल मञ्च (याहु! मक्तुब खेल)।

बाह्य कडीहरू

आधिकारिक वेबसाइट