योगेश भट्टराई

स्वतन्त्र विश्वकोश, नेपाली विकिपिडियाबाट
Jump to navigation Jump to search
योगेश कुमार भट्टराई
Yogesh Bhattarai in 2015.jpg
योगेश कुमार भट्टराई सन् २०१५ मा
संस्कृति, पर्यटन तथा नागरिक उड्डयन मन्त्री
पद बहाली
२०७६ श्रावण १५
प्रधानमन्त्रीओली
अग्रजरविन्द्र अधिकारी
अनेरास्ववियु अध्यक्ष
कार्यकाल
२०५१ – २०५६
व्यक्तिगत विवरण
जन्मविक्रम संवत २०२३ साल भदौ २१
September, 1966 A.D.
ताप्लेजुङ, साँघु-३
राजनीतिक पार्टीनेपाल कम्युनिष्ट पार्टी
जीवन साथी(हरू)विन्दा घिमिरे
आमामहेन्द्रादेवी भट्टराई
बुवाभीमलाल भट्टराई
वेबसाइटwww.http://yogeshbhattarai.com/

योगेश भट्टराई (जन्म वि.सं. २०२३ भदौ २१) एक नेपाली राजनीतिज्ञ तथा वर्तमानमा नेपाल सरकारको संस्कृति, पर्यटन तथा नागरिक उड्डयन मन्त्री हुन्।[१][२] भट्टराई वि.सं. २०७४ सालमा सम्पन्न प्रतिनिधिसभा निर्वाचनमा ताप्लेजुङबाट प्रतिनिधि सभा सदस्यको लागि निर्वाचित भएका थिए। ‍‍

प्रारम्भिक जीवनी[सम्पादन गर्ने]

योगेश भट्टराईको जन्म ताप्लेजुङको साँघुमा भएको हो।[३] उनको बुवाको नाम भीमलाल भट्टराई र आमाको नाम महेन्द्रादेवी भट्टराई हो। उनले समाजशास्त्र र मानवशास्त्र विषयमा स्नातकोत्तर उत्तीर्ण गरेका छन्।

राजनीतिक जीवन[सम्पादन गर्ने]

भट्टराई विद्यालय अध्ययन गर्ने समयमा झापा विद्रोह चरममा थियो। ताप्लेजुङ लगायतका जिल्लामा यसको प्रभाव परेकाले उनलाई पनि विद्यालय पढ्ने समयमै बामपन्थी राजनीतिप्रति झुकाव बढ्यो। उनको परिवारका सदस्यहरू पनि बामपन्थी पृष्ठभूमिका थिए। उनले विक्रम संवत २०३७ सालमा अनेरास्ववियुको सदस्यता लिए र राजनीति थाले। उनले विद्यालयको प्रारम्भिक समिति हुँदै क्याम्पस समितिमा समेत रहेर काम गर्न भ्याए। स्वतन्त्र विद्यार्थी सङ्घको चुनावमा पटक पटक भाग लिए र अन्ततः विक्रम संवत २०५१ सालमा उनी अनेरास्ववियूको अध्यक्ष भए। त्यसपछि नेकपा एमालेको जिल्ला समिति, अञ्चल समिति हुँदै केन्द्रीय सदस्यसम्म पुगे। भट्टराई यसअघि विक्रम संवत २०६४ सालको पहिलो संविधानसभा निर्वाचनमा पनि काठमाडौं क्षेत्र नम्बर ६ बाट र विक्रम संवत २०७० सालको दोस्रो चुनावमा क्षेत्र नम्बर ५ बाट उम्मेद्वार बनेका थिए।

सन्दर्भ सामग्रीहरू[सम्पादन गर्ने]

  1. "योगेश भट्टराई पर्यटनमन्त्री नियुक्त", अनलाइन खबर (नेपालीमा), अन्तिम पहुँच २०१९-०८-०४ 
  2. "पर्यटनमन्त्री बनेका योगेश भट्टराई को हुन् ?", दैनिक नेपाल (नेपालीमा), अन्तिम पहुँच २०१९-०८-०४ 
  3. रातोपाटी, "को हुन् संस्कृति, पर्यटन तथा नागरिक उड्डयन मन्त्री बनेका योगेश भट्टराई ?", रातोपाटी (नेपालीमा), अन्तिम पहुँच २०१९-०८-०४ 

बाह्य सूत्रहरू[सम्पादन गर्ने]