रविन्द्र अधिकारी

स्वतन्त्र विश्वकोश, नेपाली विकिपिडियाबाट
Jump to navigation Jump to search
रविन्द्र अधिकारी
रविन्द्र प्रसाद अधिकारी
Rabindra Prasad Adhikari.jpg
संस्कृति, पर्यटन तथा नागरिक उड्ड्यन मन्त्री
कार्यकाल
२०७४ चैत्र ०२; १६ मार्च २०१८ – २०७५ फागुन १५ ; २७ फेब्रुअरी २०१९
अग्रजजितेन्द्र नारायण देव
उतराधिकारीयोगेश भट्टराई
व्यक्तिगत विवरण
जन्म(१९६९-०५-०५)मे ५, १९६९
२०२६ बैशाख २२
भरत पोखरी, नेपाल
मृत्यु२७ फेब्रुअरी २०१९
२०७५ फागुन १५
नागरिकता१/३७२२
राष्ट्रियतानेपाली
राजनीतिक पार्टीनेपाल कम्युनिष्ट पार्टी
जीवन साथी(हरू)विद्या भट्टराई
नाताविवाहित
सन्तान(हरू)बिराज अधिकारी, स्वराज अधिकारी
अभिभावक(हरू)इन्द्र प्रसाद अधिकारी लक्ष्मी देवी अधिकारी
निवासपोखरा
अल्मा माटरत्रिभुवन विश्वविद्यालय
वेबसाइटhttp://rabindraadhikari.com/


रविन्द्र अधिकारी नेपाल कम्युनिष्ट पार्टी नेकपा एमालेका युवा नेता हुन् । साथै केन्द्रीय सदस्य समेत हुन् । संविधानसभा-२ को निर्वाचनमा उनी कास्की जिल्लाबाट नेकपा एमालेको तर्फबाट प्रत्यक्ष निर्वाचित भएका हुन् । अनेरास्ववियूका अध्यक्ष रहिसकेका अधिकारी संविधानको सभा-१ को चुनावमा कास्की क्षेत्र न ३ बाट भारि वहुमतका साथ संविधान सभासद बन्ने मौका पाएका थिए।

बिद्याथीले पाउने यातायातको छुट उनैले गराएका हुन्।

जिवनी[सम्पादन गर्ने]

रविन्द्र अधिकारीको जन्म २०२६ साल बैशाख २२ गते कास्की जिल्लाको भरतपोखरी गाविस वडा नंवर ९ जमुनाबोटमा भएको थियो । उनका बुवाको नाम इन्द्रप्रसाद अधिकारी र आमाको नाम लक्ष्मीदेवी अधिकारी हो । उनकी पत्नीको नाम बिद्या भट्टराई हो । बिद्या भट्टराई तत्कालिन विद्यार्थी नेतृ हुन् । उनी हाल त्रिभुवन विश्वविद्यालय अन्तर्गत आरआर क्याम्पसमा प्राध्यापिका छन् । रविन्द्र अधिकारीले ब्यवस्थापनमा स्नातकोत्तर गरेका थिए । उनका दुईवटा छोराहरू छन् । रविन्द्र अधिकारी आफ्नो विद्यार्थी जिवनबाट नै राजनितीमा लागेका थिए । उनको राजनिती जिवन निम्न प्रकार रहेको छ ।[१]

विद्यार्थी राजनीति

रविन्द्र अधिकारीले विद्यार्थी जिवन देखि नै राजनितीमा प्रवेस गरेका थिए । उनले विद्यार्थी जीवनमा निम्नानुशारका पद भार सम्हालेर राजनिती गरेका थिए ।

  • २०३७ सालमा विद्यार्थी राजनीति मार्फत राजनीतिमा प्रवेस ।
  • प्रवेशिका परीक्षा उतिर्ण गरे लगत्तै वन विज्ञान अध्यायन संस्थानमा भर्ना भएपनि केही समय पछि २०४२ सालमा पोखराको पृथ्वीनारायण क्याम्पसमा अध्यायन शुरू ।
  • विद्यालय देखि नै राजनितीमा चासो राख्ने भएकाले क्याम्पस पुगेपछि विद्यार्थी राजनैतिक गतिविधी सक्रिय ।
  • २०४४ सालमा अनेरास्ववियु पृथ्वीनारायण क्याम्पस कमिटीको अध्यक्ष पदमा चयनित ।
  • २०४५ सालमा १ वर्ष माध्यमिक विद्यालयमा अध्यापन ।
  • २०४५ सालमा पृथ्वीनारायण क्याम्पसका स्ववियु सदस्यमा चयनित ।
  • २०४५ सालमा नै अनेरास्ववियु जिल्ला कमिटी कास्कीको अध्यक्षमा चयनित ।
  • २०४७ सालमा अनेरास्ववियुको गण्डकी अञ्चल अध्यक्ष तथा केन्द्रिय सदस्यमा चयनित ।
  • २०४९ सालमा पृथ्वीनारायण क्याम्पसको स्ववियु सभापतिमा निर्वाचित ।
  • २०५३ सालमा त्रिभुवन विश्वविद्यालय केन्द्रिय क्याम्पस किर्तीपुरमा स्ववियु सभापति निर्वाचित ।
  • २०५३ सालमा नै स्ववियु काउन्सिल नेपालका संयोजक निर्वाचित।
  • २०५६ सालमा अनेरास्ववियुका केन्द्रिय अध्यक्ष चयनित ।
विद्यार्थी आन्दोलनमा उल्लेख्य

रविन्द्र अधिकारीले विद्यार्थी राजनितीमा धेरै उल्लेखनिय कामहरू गरेका थिए । उनले विद्यार्थी राजनितीमा गरेका केही उल्लेखनिय कार्यहरू यस प्रकार रहेका छन् ।

  • शिक्षामा भएको निजीकरण र व्यापारीकरण विरुद्ध लामो संघर्ष ।
  • प्राविधिक शिक्षाको विस्तार र गुणस्तरियता, सबैका लागि गुणस्तरिय शिक्षा जस्ता आन्दोलनहरूको अगुवाई ।
  • वहु चर्चित कालापानी मार्चको नेतृत्व ।
  • सिमा सुरक्षा अभियान, नेपाली भू-भाग डुबाउने लक्ष्मणपुर बाँधको विरोध ।
  • राजकुमार पारस शाहको ज्यादती विरुद्ध आन्दोलन, हत्यारा बस्ने दरवारमा होइन जेलखानामा हो भन्दै ५ लाख २३ हजार हस्ताक्षर दरबारमा बुझाउने आन्दोलनको नेतृत्व ।
  • यातायात लगायत सार्वजनिक क्षेत्रमा ३३% विद्यार्थी सहुलियतको आन्दोलनमा प्रमुख अगुवाई ।
राजनीतिक यात्रा
  • २०४६ सालदेखि राजनितिमा विशेष सक्रिय ।
  • पञ्चायत विरोधी आन्दोलनमा लागेका कारण २०४६ सालमा ८ महिनाको जेल जिवन ।
  • प्रतिगमन विरोधी आन्दोलनमा ४ पटक पक्राउ परी हिरासतमा रहे ।
  • विगतमा एमाले कास्की जिल्ला कमिटी सदस्य रहे ।
  • त्यस पछि एमाले कास्की जिल्ला कमिटी सचिव रहे ।
  • त्यसपछि एमाले कास्की जिल्ला कमिटीका अध्यक्षमा निर्वाचित भए ।
  • संविधान सभा २०६४ का सभासद बने ।
  • २०७० सालको चुनावमा संविधान सभा सदस्य बने ।
  • रुपान्तरित व्यवस्थापिका संसदका सदस्य बने ।
  • २०७४ को आम चुनावमा पुनः तेस्रो पटक कास्कीबाट प्रतिनिधी सभामा निर्वाचित भए ।
  • पार्टी एकिकरण भएपछि नेकपाका केन्द्रिय सदस्य बने ।
  • ओली सरकारको दोश्रो मन्त्री मण्डलमा संस्कृति, पर्यटन तथा नागरिक उड्डयन मन्त्री बने ।
किर्ती प्रकाशन

रविन्द्र अधिकारीका संविधानसभा: लोकतन्त्र र पुनर्संचना, समृद्ध नेपाल लगायत राजनिति एवं विकास सम्बन्धी सयौं अनुसन्धान र राजनितिक लेखहरू प्रकाशित भएका छन् ।[१]

दोश्रो ओली मन्त्रिमण्डल[सम्पादन गर्ने]

उनी दोश्रो ओली मन्त्रिमण्डलमा संस्कृति, पर्यटन तथा नागरिक उड्डयन मन्त्री थिए ।

मृत्यु[सम्पादन गर्ने]

अधिकारीको पदमा बहाल रहेकै बेलामा एयर डाइनेष्टी हेलिकप्टर दुर्घटना परि २०७५ फागुन १५ गते मृत्यु भएको थियो। ताप्लेजुङमा भएको उक्त हेलिकप्टर दुर्घटनामा संस्कृति, पर्यटन तथा नागरिक उड्डयन मन्त्री रविन्द्र अधिकारी सहित ७ जनाको निधन भएपछि बसेको मन्त्रिपरिषद्को आकस्मिक मन्त्री परिषदको बैठकले २०७५ फागुन १६ गते सार्वजनिक बिदा दिने निर्णय समेत गरेको थियो । निर्णय अनुसार स्वदेशका सरकारी एवं सार्वजनिक कार्यालयहरू, शैक्षिक संस्थाहरू र विदेश स्थित नेपाली दूतावास तथा नियोगहरूलाई सार्वजनिक बिदा दिनुका साथै सबै सरकारी कार्यालयहरूमा बिहीबार राष्ट्रिय झण्डा आधा झुकाइने थियो । मन्त्रि अधिकारीको अन्तिम संस्कार राजकीय सम्मानका साथ गर्ने निर्णय गरिएको थियो । उक्त अकल्पनीय, अप्रत्यासित र दु:खद घटनाबाट राष्ट्रलाई अपुरणय क्षति पुगेको ठहर गरिएको छ । यस घडीमा गहिरो दु:ख र शोक व्यक्त गर्दै दिवंगत आत्माको चीर शान्तिको कामना गर्दै सरकारले शोक सन्तप्त परिवारजनप्रति गहिरो समवेदना र सहानुभूति प्रकट गर्दछ, मन्त्रिपरिषदको निर्णयमा उल्लेख गरिएको छ ।[२]विक्रम संवत २०७५ साल फागुन महिनाको १५ गते बुधवारका दिन अपरान्ह पौने १ बजे ताप्लेजुङ जिल्लाको चुहानडाँडाभा डाइनेस्टिक एयरको हेलिकप्टर दुघर्टनाग्रस्त भएको हो । दुरघटनामा परि हेलिकप्टरमा सवार मन्त्री रविन्द्र अधिकारी सहित प्रधानमन्त्रीजीका निजी सचिव युवराज दहाल, यति एयरलाईन्सका अध्यक्ष आङछिरिङ शेर्पा, नेपाल नागरिक उड्डयन प्राधिकरणका उप महानिर्देशक विरेन्द्र प्रसाद श्रेष्ठ, नेपाल नागरिक उड्डयन प्राधिकरणका इन्जिनियर ध्रुबदास भोछिभया, मन्त्री रविन्द्र अधिकारीक पिए अर्जुन प्रसाद घिमिरे र हेलिकप्टरका क्याप्टन प्रभाकर केसीको निधन भएको हो । ताप्लेजुङको पाथिभरा मन्दिर दर्शन गरेर फर्कने क्रममा हेलिकप्टर दुर्घटनाग्रस्त भएको कुरा गृह मन्त्रालयले जनाएको छ । दुर्घटनाको कारण खराब मौसम भएको बताइएको छ । मन्त्री अधिकारी एक सम्भावना बोकेका नेताको रुपमा चिनिन्थे । [१]

सन्दर्भ सामग्री[सम्पादन गर्ने]

  1. १.० १.१ १.२ यस्तो छ रवीन्द्र अधिकारीको जीवनी, अब सम्झनामा मात्रै
  2. हेलिकप्टर दुर्घटनामा पर्यटनमन्त्रीसहित सातै जनाको मृत्यु