सुनबर्षी पोखरी

विकिपिडिया, एक स्वतन्त्र विश्वकोशबाट
चित्र:सुनवर्षी पोखरी.jpg
सुनवर्षी पोखरीको मनोरम् दृष्य

सुनवर्षी पोखरी नेपालको पूर्वाञ्चल विकास क्षेत्रको कोशी अञ्चल, मोरङ जिल्लामा अवस्थित ऐतिहासिक तथा धार्मिक महत्त्व बोकेको पर्यटकीय स्थल हो। यो पोखरी गोबिन्दपुर गाविस वडा नम्बर ४ मा रहेको छ। करीब ३.५ बिगाहा क्षेत्रफलमा फैलिएको यो पोखरी सदरमुकाम विराटनगर देखिको करिब ४० किलोमिटर पूर्वमा अवस्थित छ। प्राकृतिक रूपमा रहेको पोखरी, चराचुरुड्डी जंगल यस स्थानका मुख्य आर्कषणहरू हुन।

स्थानीय राजवंशीहरूले सुनवर्षी पोखरीलाई आफ्नो पवित्र तीर्थकास्थलका रूपमा लिने गरेका छन। यस स्थानमा प्रत्येक वर्ष बैसाख १ गते सिरुवा मेला लाग्ने गर्दछ। स्थानीय राजवंशीहरूमा सुनवर्षी पोखरीमा राजा सुनवर्षीले बास गर्ने धारणा रहेको छ। परापूर्वकालमा विवाह बटुलोका बेला भाँडाकुँडा र गहना चाहिएमा यस पोखरीसँग माग्दा पोखरीबाट निस्कने गर्दथ्यो भन्ने किम्बदन्ति रहेको छ।

हाल आएर स्थानीय राजवंशीहरूले सुनवर्षी पोखरीको डिलमा महाराजको एउटा मन्दिर पनि बनाएका छन। उनीहरू त्यस मन्दिरमा आएर भाकल र पूजा गर्ने र भाकल पूरा भएको अवस्थामा हर्षोल्लास गर्ने परम्परा लामो समयदेखि चल्दै आएको छ। उनीहरू यस स्थानलाई प्रति आस्था राख्दछन् र सुनवर्षिलाई साक्षात् इश्वर मान्दछन। यस आसपासका सबै जातजातिको साझा थलोका रूपमा सुनवर्षि पोखरी रहेको छ। यहाँ लाग्ने मेलामा राजवंशी, धिमाल र पहाडे मूलका मानिसहरूका साथसाथै प्राय सबै जसो जातजातिका मानिसहरू भेला हुने गरेका छन।[१]

सन्दर्भ सामग्री[सम्पादन गर्नुहोस्]

  1. "सुनवर्षी पोखरी", birattourism.org.np [dead link]