आङसराङ

आङसराङ
—  गाउँ विकास समिति  —
आङसराङ
निर्देशाङ्क: २७.०४° उत्तर ८७.७०° पूर्व / 27.04; 87.70
देश	नेपाल
अञ्चल	मेची अञ्चल
जिल्ला	पाँचथर
जनसङ्ख्या (1991)
- जम्मा	६,१४५
समय क्षेत्र	नेपालको प्रमाणिक समय (युटिसी+५:४५)

आङसराङ नेपालको मेची अञ्चलको पाँचथर जिल्लाको एक गाँउ विकास समिति हो।यो गा.वि.स. पुर्व क्षेत्र नेपालको लिम्बुवान भित्र पर्दछ । यो अाङसराङ गा.वि.स. को प्राकृतिक बनावट उच्च पहाडदेखि निभो धरातलमा अवस्थित छ । यस गाउँमा देउराली जाने उच्च रमणीय देवस्थल छालासुक्वा डाडाजस्तो धार्मिक परम्परागत इतिहास बोकेको प्रसिद्ध स्थानहरू छन । यहाँ विभिन्न साना ठुला अग्लोहोचो रूखहरू खश्रू, चाँप, कटुस, अोखर, मौवा, साल, सिसौ, खयर, उतिस, सल्ला जस्ता रूखहरूले भरिभराउ छ । गाउँ भित्र विभिन्न फलफूल सुन्तला, कागती, निबुवा, भोगटे, अनार, जुनार, दारीम, अालु, अलैंची, अम्लिसो जस्तो नगदे फलफुलहरू प्रशस्त उब्जन्छ । गाउँमा धान, मकै, कोदो, फापर, तोरी अादिको उब्जनी राम्ररी गरिन्छ । यो गाउभित्र विभिन्न जातजाति लिम्बू, ब्राह्मण, क्षेत्री, कामी, दमाई, सार्की, तामाङ, मगर, राई अादि जातिहरूको बसोबास छ र अा-अफ्नो भाषा संस्कृति अपनाएर बसेका छन यस गाविसमा १ उच्च मा.वि. (श्री जयनारायण अादर्श उच्च मा.वि. ), १ मा.वि. (श्री ज्योति मा.वि.), १ नि.मा.वि. (श्रि लालबहादुर नि.मा.वि.) र ३ प्राथमिक विद्यालय साथै केही सामुदायिक र अंग्रेजी माध्यमका बिद्यालय रहेको छ । गाविसको सबै वडामा कच्ची सडक पुगेको छ । यो गाविस खुल्ला दिशामुक्त गाविस हो ।

नामाकरण

यस गाउँको नाम अाङ्सराङ हुनुमा बुढापाकाका भनाइ अनुसार यो ठाउँ जङ्गलले ढाकिएको थियो लिम्बू जातिमा अाङ्देम्बेहरू अधिकांश अम्लाबुङबाट त्यस गाउँमा प्रवेश गरे । यस बखत सल्लाको जङ्गल बढी भएकोले अाङसराङ(सल्ला) साराङ(हाँगा ) र जङ्गल मा त्यति घाम नलाग्ने भएकोले अगेना माथि सल्लाको हाँगाबाट चाङ बनाई बिस्कुन सुकाएर खाने गरिन्थ्यो । यसै अनुसार लिम्बू भाषाबाट यस गाउँको नामकरण गरिएको भनिन्छ ।

जनसंख्या

नेपालको वि. सं. २०५८ को जनगणना अनुसार यस गाविसको जनसंख्या ६२४५ रहेको छ ।

स्रोत

लिम्बूको संक्षिप्त इतिहास तथा अाङदेम्बे वंशावली