एनसेल

स्वतन्त्र विश्वकोश, नेपाली विकिपिडियाबाट
(एन सेल बाट पठाईएको)
Jump to navigation Jump to search
एनसेल प्राइभेट लिमिटेड
उद्योगको प्रकारनिजी कम्पनी
उद्योगदूरसञ्चार
स्थापना२००४
मुख्य कार्यालयकाठमाण्डौ
व्यापारिक क्षेत्रनेपाल
उत्पादन (हरू)सिम सेवा, अतिरिक्त सेवा
परिचालन आयIncrease नेरू ९१.१९५ बिलियन (२०१६)[१]
कूल आम्दानीIncrease नेरू ९९.९३२ बिलियन (२०१६)[१]
लगानीIncrease नेरू ५००.३२४ बिलियन (२०१६)[१]
कुल इक्विटीIncrease नेरू ३००.५८६ बिलियन (२०१६)[१]
मालिकआजीयाटा ग्रुप बेरहार्ड
वेबसाइटncell.axiata.com

एनसेल नेपालको पहिलो निजी मोबाइल दूरसञ्चार कम्पनी हो। नेपालमा स्थापना भएको यो पहिलो दूरसञ्चार कम्पनी हो जसले सार्वजनिक जिएसएम सेवाको थालनी गरेको थियो। स्थापनाकालमा यस कम्पनीको नाम मेरो मोबाइल रहेको थियो जसको स्वामित्व स्पाइस नेपाल प्राइभेट लिमिटेडसँग थियो। अक्टोबर २००८ मा स्पाइस नेपालले युरोपको प्रसिद्ध मोबाइल कम्पनी टेलिया सोनेरासँग अनुबन्ध गरेको थियो।[२] यस मोबाइल सेवालाई नेपालकै नम्बर एक मोबाइल सेवा बनाउने दिशामा यसले पुरानो नाम मेरो मोबाइललाई परिवर्तन गरेर एनसेल राखेको हो । एनसेलले नेपालमा नेपाल सेल्युलर लाई प्रदर्शित गर्दछ।[३]

सन् २०१६ अप्रिल १२ मा एनसेल आधिकारिक रुपमा मलेसियाको दूरसञ्चार समूह आजीयाटा ग्रुप बेरहाडको भाग बनेको हो।[४][५][६] यसले पहिला राज्यको स्वामित्वमा रहेको र हाल सार्वजनिक दूरसञ्चार कम्पनी नेपाल टेलिकमको एकाधिकार तोडेको थियो। १२ अप्रिल २०१६ मा, एनसेलले आधिकारिक रूपमा मलेसियाको दूरसञ्चार समूह आजीयाटा ग्रुप बेरहाडको एक अङ्श बनेको थियो।

इतिहास

एनसेल प्राइभेट लिमिटेडलाई पहिले स्पाइस नेपाल प्राइभेट लिमिटेडको नामले चिनिन्थ्यो। यस कम्पनीको स्थापना सन् २००४ मा भएको हो । नेपाल दुरसञ्चारबाट इजाजत प्राप्त यस कम्पनीले जिएसएम सेवा तर्फ प्रिपेड तथा पोस्टपेड सिम वितरण गर्ने अधिकार प्राप्त गरेको छ। यसले आफ्नो आधिकारिक तथा व्यापारिक रुपले आफ्नो सेवा सन् २००५ मा मेरो मोबाईल नामबाट सेप्टेम्बर १७ मा काठमाण्डौ उपत्यकाबाट थालेको थियो। हाल यस कम्पनीले नेपालको ७७ वटै जिल्लामा आफ्नो सेवा बिस्तार गरेको छ। यसले आफ्नो सेवा बिस्तार गर्ने सन्दर्भमा शहरी तथा ग्रामिण इलाकालाई छानेको छ। एनसेल हाल मलेसियाको आजीयाटा ग्रुप बेरहाड कम्पनीको समूहमा रहेको छ।

सेवा तथा सञ्चालन

एनसेल सिमकार्ड

कम्पनिले आफ्नो सुरुवाती अवस्थामा आधारभूत सुबिधाहरु जस्तै फोन गर्ने तथा मेसेज मात्र प्रदान गरेको थियो । पछी यसलाई बढाउंदै कम्पनीले एक एक गर्दै ब्ल्याक्बेरी फोन,एनसेल कनेक्ट (इन्टरनेट चलाउने डाटा कार्ड) त्यस्तै एज/जिपिआरएस,भोइस मेल जस्तै अन्य सुबिधाहरु थप गरेका छन् । नेपालको सन्दर्भमा दुरसंचार कम्पनीहरुको सुचिमा एनसेल पहिलो स्थानमा रहेको छ यसको ग्राहक संख्या लगभग १ करोड पुगिसकेको छ । एनसेलले हालसम्म १२५ देशका ४२५ दुरसंचार कम्पनीसँग सहकार्य गरि रोमिंग सेवा उपलब्ध गराएको छ ।

नेटवर्क सूचना

  • ओपरेटरको नाम : एनसेल प्राइभेट लिमिटेड
  • मोबाइल नेटवर्क नाम : एनसेल (४२९-०२)
  • प्रबिधि: जीएसएम ९००/१८००
  • नेटवर्क स्थिति : चालु सेप्टेम्बर २००८

यो पनि हेर्नुहोस्

सन्दर्भ सामग्रीहरू

  1. १.० १.१ १.२ १.३ "Schedule-1, Unaudited Financial Reports Q4", वित्तीय विभाग, नेपाल टेलिकम। 
  2. "Ncell provides free websites to beginners", sahilshrestha11.blogspot.com, अन्तिम पहुँच ११ डिसेम्बर २०१५ 
  3. एनसेलको बारेमा
  4. "Facebook is now Free on Ncell" (en-USमा), अन्तिम पहुँच २०१७-०२-१५ 
  5. "Ncell is now an Axiata company" (en-USमा), अन्तिम पहुँच २०१६-०४-१३ 
  6. "Ncell rebrands second time, reflects Axiata in logo, domain name & merchandise • TechSansar.com" (en-USमा), २०१६-०८-१६, अन्तिम पहुँच २०१६-०८-१६ 

बाह्य लिङ्क