नेपाल स्टक एक्सचेन्ज

स्वतन्त्र विश्वकोश, नेपाली विकिपिडियाबाट
Jump to navigation Jump to search
Nepal Stock Exchange
नेपाल स्टक एक्स्चेन्ज लि.
प्रकार स्टक एक्स्चेन्ज
स्थान Kathmandu, नेपाल
निर्देशाङ्क२७°४१′५३″उत्तर ८५°१९′१२″पूर्व / २७.६९८° उत्तर ८५.३२०° पूर्व / 27.698; 85.320
स्थापना1993
मालिकनेपाल सरकार
मुख्य व्यक्तिLaxman Neupane (Chairman)
मुद्रानेपाली रुपैयाँ (NPR)
No. of listings370 (Scrips)
बाजारपुँजीUS$ 17.3 Billion (15/9/2017)
सुचकाङ्कNEPSE index
वेबसाइटwww.nepalstock.com.np /www.nepalstock.com
नेप्से: नेपाल बैंक लिमिटेड बजार गहिराइ

नेपाल स्टक एक्सचेन्ज सरकारी ऋणपत्र तथा संस्थागत धितोपत्रहरुलाई तरलता प्रदान गर्नुका साथै सो को निर्वाध खरिद बिक्रि सुविधा प्रदान गर्न नेपाल धितोपत्र बोर्डबाट अनुमति प्राप्त हालसम्म एक मात्र धितोपत्रको दोस्रो बजार नै नेपाल स्टक एक्सचेन्ज हो । नेपालमा सरकारले वि.सं. २०३३ सालमा सेक्युरिटी खरिद बिक्री केन्द्र स्थापना गरेको थियो । यही केन्द्रलाई २०५० सालमा नेपाल स्टक एक्सचेन्ज लिमिटेड (नेप्से)मा रुपान्तरण गरिएको हो ।

नेप्सेले सार्वजनिक रुपमा जारी भएका धितोपत्रहरुको सहज कारोबारका लागि दोस्रो बजारमा दर्ता गराउने कार्य गर्दै आएको छ । यो कार्यलाई सूचीकरण भनिन्छ ।[१]

कार्यहरु[सम्पादन गर्ने]

यसका कार्यहरु निम्नलिखित छन् :

  • सेयर, डिभेन्चर र बन्डको दोस्रो बजारको प्लेटफर्मको खरिद बिक्रि गर्ने ब्रोकर बजार उपलब्ध गराउँछ । निश्चित कम्पनी, ब्रोकर र लगानीकर्तालाई नियमन गर्ने काम गर्छ ।
  • पुँजी बजारका बारेमा जनचेतना फैलाउँछ ।
  • पुँजी बजारको विकास र विस्तारका लागि सी.डी.एस वा सेयर राख्ने संस्था बढाउनुका साथै नयाँ प्रोडक्ट के कस्ता छन्, त्यो बारेमा नयाँ खोज गरेर विकास गर्ने, नेपाल सरकारधितोपत्र बोर्ड अन्तर्गत रहेर सुझाव सल्लाह दिन्छ ।
  • पुँजी बजारका राष्ट्रिय तथा अन्तराष्ट्रिय संस्थाहरुसँग सदस्यता लिने तथा ऐन अनुसार सेयर कारोबार गर्ने पब्लिक लिमिटेड कम्पनीहरुको नियमन तथा अनुगमन गर्छ ।
  • नयाँ कम्पनीहरुलाई स्टक एक्सचेन्जमा कारोबारयोग्य हो भनेर लिस्टमा हाल्ने र साथसाथै लिस्टीङ्ग नभएका वा खारेजी भएका कम्पनीहरुलाई ओ.टि.सि. मार्केट मार्फत कारोबार गराउने कार्य पनि नेप्सेले गरिरहेको छ ।
  • स्वच्छ, पारर्दशी, विश्वासजन्य, न्यायोचित मार्केट चलाउने र लगानीकर्ताको हितमा कार्य गर्छ ।
  • नेपाल सरकारका नीति नियमहरुलाई सहयोग गर्दै पुँजी बजारमा दोस्रो बजारको विकास र विस्तार गर्छ ।[२]

स्वामित्व साझेदारी[सम्पादन गर्ने]

प्रतिशत
नेपाल सरकार ५८.६६
नेपाल राष्ट बैंक ३४.६०
नेपाल औद्योगिक विकास निगम ६.१२
इजाजतप्राप्त ब्राेकरहरु ०.६२
कुल १००

[३][४]

नेप्से परिसूचक[सम्पादन गर्ने]

नेप्से परिसूचका धितोपत्र बजारको मापन गर्ने सबैभन्दा महत्वपूर्ण परिसूचक हो र यसलाई अर्थतन्त्रको मापयन्त्र रुपमा पनि लिने गरिन्छ । यो परिसूचक नेप्सेमा सूचिकृत संस्थापक र साधरण दुवै शेयरको आधार बर्ष मूल्य र वर्तमान बजार मूल्यको आधरमा गणना गरिन्छ ।

यो पनि हेर्नुहोस्[सम्पादन गर्ने]


सन्दर्भ[सम्पादन गर्ने]

  1. नेपाल स्टक एक्सचेन्ज लिमिटेड
  2. नेपाल स्टक एक्सचेन्जले गर्ने कार्यहरु
  3. उद्दरण त्रुटी: Invalid <ref> tag; no text was provided for refs named :0
  4. नेपाल धितोपत्र बोर्ड रजत जयन्ती बर्ष स्मारिका २०७५ http://sebon.gov.np/publications