आमाछोदिङ्मो गाउँपालिका
आमाछोदिङ्मो गाउँपालिका | |
|---|---|
 आमाछोदिङ्मो गाउँपालिकामा रहेको गोल्जुङ | |
.png)    | |
| निर्देशाङ्क: {२८°१०′ उत्तर ८५°१९′ पूर्व / २८.१७° उत्तर ८५.३१° पूर्व | |
| देश |  नेपाल |
| प्रदेश | बागमती प्रदेश |
| जिल्ला | रसुवा |
| स्थापित | २७ फागुन २०७३ |
| सरकार | |
| • अध्यक्ष | बुचुङ तामाङ (नेपाली काङ्ग्रेस) |
| • उपाध्यक्ष | चण्डिका तामाङ (नेपाली काङ्ग्रेस) |
| क्षेत्रफल | |
| • जम्मा | ६८२.२३ किमी२ (२६३.४१ वर्ग माइल) |
| जनसङ्ख्या | |
| • जम्मा | ६,६७३ |
| • घनत्व | ९.८/किमी२ (२५/वर्ग माइल) |
| समय क्षेत्र | युटिसी+५:४५ (नेपाली समय) |
| क्षेत्रीय सङ्केत | +९७७-०१० |
| केन्द्र | गोल्जुङ वेशी |
| वेबसाइट | आधिकारिक वेबसाइट |
आमाछोदिङ्मो गाउँपालिका रसुवा जिल्लाको एक गाउँपालिका हो।[३][४] यस गाउँपालिकामा साबिकको गत्लाङ, गोल्जुङ, चिलिमे गाविस र हाकु गाविसको वडा नं १ देखि ७ सम्मका वडाहरू समावेस गरिएको छ। यस गाउँपालिका घोषणाा हुँदा पार्वतीकुण्ड गाउँपालिकाको नामले नामाकरण भएको थियो। जसको केन्द्र गोल्जुङ तोकिएको थियो। गाउँपालिकाको प्रथम गाउँसभाले गाउँपालिकाको नाम 'आमाछोदिङ्मो' गाउँपालिका नामाकरण गर्ने र केन्द्र गोल्जुङबेसी कायम गर्ने भनी गरेको निर्णय बमोजिम नामसहित केन्द्र परिवर्तन भएको थियो।।राजपत्रमा प्रकाशित सूचना अनुसार पौष २४, २०७४बाट उक्त कार्यान्वयन भएको थियो।[५][६][७]
नामाकरण
[सम्पादन]स्थानीय तामाङ भाषामा 'आमा' भनेको पार्वती र 'छोदिङ्मो' भनेको कुण्ड हो । यसरी हेर्दा नेपाली भाषाबाट तामाङ भाषाको रूपान्तरण नै आमाछोदिङ्मो गाउँपालिका हो ।
आकर्षण
[सम्पादन]यस गाउँपालिकामा तामाङ सम्पदा मार्ग अर्थात ग्रामीण पर्यटनका पूर्वाधारहरू रहेका छन् र वर्षेनी आन्तरिक तथा वाह्य पर्यटकहरूको आवागमन भइरहेको छ । गणेश हिमाल, साञ्जेन हिमाल, पाल्दोरपिक जस्ता हिमाल तथा धार्मिक र पर्यटकीय स्थल पार्वतीकुण्डका कारण यहाँ दीगो पर्यटन व्यावसाय सञ्चालन गर्न सकिन्छ ।
जनसङ्ख्या
[सम्पादन]राष्ट्रिय जनगणना २०७८को जनगणना अनुसार आमाछोदिङ्मो गाउँपालिकाको कुल जनसङ्ख्या ६,६७३ रहेको छ भने यहाँ १,६६४ घरधुरी रहेका छन्।[२]
| नयाँ वडा | समावेश गाविसहरू | जनसङ्ख्या | क्षेत्रफल (वर्ग कि.मी.) | जनघनत्व (प्रति वर्ग कि.मी.) |
|---|---|---|---|---|
| १ | हाकु (३-७) | १,४९१ | १३०.९७ | ११.३८ |
| २ | हाकु (१-२) र गत्लाङ (७-८) | ९८२ | १७.०७ | ५७.५३ |
| ३ | गत्लाङ (१-६,९) | १,३५३ | २५.४४ | ५३.१८ |
| ४ | गोल्जुङ | १,०८० | ७.७९ | १३८.६४ |
| ५ | चिलिमे | १,७६७ | ५०० | ३.५३ |
| जम्मा | ६,६७३ | ६८१.२७ | ९.८० | |
सन्दर्भ सामग्रीहरू
[सम्पादन]- ↑ "स्थानीय तह निर्वाचन २०७९" (नेपालीमा), कान्तिपुर दैनिक, अन्तिम पहुँच ०९ साउन २०८१।
- 1 2 "जनसङ्ख्याको आकार र वितरण", राष्ट्रिय जनगणना २०७८ (नेपालीमा), राष्ट्रिय तथ्याङ्क कार्यालय, अन्तिम पहुँच २९ जेठ २०८१।
- ↑ "गाउँपालिका र नगरपालिका कुन जिल्लामा कति? (सूची)", लोकान्तर, २३ पौष २०७३, अन्तिम पहुँच २३ पौष २०७३।
- ↑ "हेर्नुहोस्, तपाईँ कुन गाउँपालिका वा नगरपालिकामा पर्नुभयो?", सेतोपाटी, मूलबाट २०१७-०३-१२-मा सङ्ग्रहित, अन्तिम पहुँच फाल्गुन २०७३।
- ↑ "पार्वतीकुण्ड गापाको नाम परिवर्तन", www.rasuwakhabar.com (नेपालीमा), मूलबाट २०१८-०१-१३-मा सङ्ग्रहित, अन्तिम पहुँच २०१८-०१-११।
- ↑ "सबै गाविस र जिविस खारेज", अन्नपूर्ण पोष्ट, २०७३ फागुन २७, अन्तिम पहुँच २०७३ फागुन २७।
- ↑ "गाउँ र नगरपालिका (सूची)", नयाँ पत्रिका दैनिक, पुष २३, २०७३, अन्तिम पहुँच १४ जेठ २०७४।