गोदावरी नगरपालिका, ललितपुर

गोदावरी नगरपालिका
नगरपालिका
गोदावरी नगरपालिका नेपालमा गोदावरी नगरपालिका गोदावरी नगरपालिका गोदावरी नगरपालिका (नेपाल)
निर्देशाङ्क: 27.59°N 85.39°E / 27.59; 85.39
देश	नेपाल
प्रदेश	बागमती प्रदेश
जिल्ला	ललितपुर जिल्ला
स्थापना	मङ्सिर २०७१
सरकार
• नगरप्रमुख	गजेन्द्र महर्जन (नेपाली काङ्ग्रेस)
• उपप्रमुख	मुना अधिकारी (नेपाली काङ्ग्रेस)
क्षेत्रफल
• जम्मा	९६.११ किमी२ (३७.११ वर्ग माइल)
जनसङ्ख्या  (राष्ट्रिय जनगणना २०७८)
• जम्मा	९७,६३३
• घनत्व	१०००/किमी२ (२६००/वर्ग माइल)
समय क्षेत्र	युटिसी+५:४५ (नेपालको प्रमाणिक समय)
क्षेत्रीय सङ्केत	+९७७-१
केन्द्र	साविक बज्रबाराही नगरपालिकाको कार्यालय
वेबसाइट	आधिकारिक वेबसाइट

गोदावरी नगरपालिका नेपालको बागमती प्रदेश अन्तर्गत ललितपुर जिल्लामा अवस्थित एक नगरपालिका हो। स्थानीय विकास मन्त्रालयले थप ६१ वटा नयाँ नगरपालिका थप्दा ललितपुर जिल्लामा गोदावरी, गोदामचौर, विशङ्खुनारायण, ठैब र बडिखेल गरी ५ गाउँ विकास समितिहरूलाई समेटेर गोदावरी नगरपालिका घोषणा गरिएको थियो। भने २७ फागुन २०७३ मा क्षेत्र विस्तार गर्दा चापागाउँ, झरुवारासी, ठेचो र लेले गाविसहरू मिलेर बनेको बज्रबाराही नगरपालिका, सैंबु, बुङमती, छम्पी, डुकुछाप र खोकना मिलेर बनेको कार्यविनायक नगरपालिका मध्ये वडा नम्बर (१४-१८) अर्थात् छम्पी, डुकुछाप गाविस मात्र र देवीचौर गाविसलाई पनि यसमा गाभिएको थियो। गोदावरी नगरपालिकाको केन्द्र भने छ्यासीकोटमा रहेको छ।

जनसङ्ख्या

राष्ट्रिय जनगणना २०७८को जनगणना अनुसार गोदावरी नगरपालिका, ललितपुरको कुल जनसङ्ख्या ९७,६३३ रहेको छ भने यहाँ २४,०४५ घरधुरी रहेका छन्।

वडागत विभाजन र जनसङ्ख्या

नेपालको बाह्रौँ राष्ट्रिय जनगणना, २०७८ अनुसार गोदावरी नगरपालिकाको कुल जनसङ्ख्या ९७,६३३ रहेको छ। यस नगरपालिकालाई १४ वटा वडाहरूमा विभाजन गरिएको छ। नगरपालिकाको वडागत विवरण, क्षेत्रफल र जनघनत्वको विस्तृत तथ्याङ्क तलको तालिकामा दिइएको छ:

गोदावरी नगरपालिकाको वडागत विभाजन, जनसङ्ख्या र जनघनत्व (२०७८)

वडा नं.	समावेश साविकका वडाहरू/गाविसहरू	जनसङ्ख्या (२०७८)	क्षेत्रफल (वर्ग कि.मी.)	जनघनत्व (व्यक्ति/वर्ग कि.मी.)
१	गोदामचौर	६,३६९	३.१३	२,०३४.८२
२	विशङ्खुनारायण	४,९५४	६.९५	७१२.८१
३	गोदावरी	१०,०५७	१६.४८	६१०.२५
४	बडिखेल	४,३०७	५.८५	७३६.२४
५	लेले (१-६)	५,२३८	११.५८	४५२.३३
६	लेले (७-९)	४,४७७	१२.४९	३५८.४५
७	देवीचौर	२,८८१	१२.५२	२३०.११
८	डुकुछाप	२,९६८	४.९१	६०४.४८
९	छम्पी	६,००७	५.५२	१,०८८.२२
१०	चापागाउँ (६-८)	७,३७९	४.६०	१,६०४.१३
११	चापागाउँ (१-५,९)	१२,०१०	२.६७	४,४९८.१३
१२	ठेचो	११,९२८	३.२६	३,६५८.९०
१३	झरुवारासी	६,७१८	३.८१	१,७६३.२५
१४	ठैब	१२,३४०	२.३४	५,२७३.५०
जम्मा		९७,६३३	९६.११	१,०१५.८५

भौगोलिक स्थिति

गोदावरी समुन्द्र सतहदेखि ४५७ मिटर उचाइदेखि २८३१ मिटरसम्म रहेको छ।यस् गाउ विकास समिति उपत्यका भित्र दुर्गम क्षेत्रमा पर्दछ। ।

जात जाती

यहाँ बाहुन र क्षेत्री जातिको बाहुल्यता रहेको छ।

जीवनशैली

यस ठाउँका मानिसहरू कृषि पेशामा संलग्न छन र थोरै मात्रमा मानिसहरू आफ्नै पेशा गर्दछन्।

मौसम

गर्मी याममा होस् या जाडोमा, यहाँको बसाइको आफ्नै विशेषता छ। गर्मी छल्न गोदावरी जङ्गल छेउ पुग्दा यहा चल्ने सिरसिरे हावाले मन चङ्गा गराउँछ भने जाडोमा हुस्सु मडारिएको रमाइलो हेर्न सकिन्छ।

जलभण्डार

जलभण्डार वा जलस्रोतको हिसाबले नदीनालाहरू प्रचूर मात्रामा रहेको छ। यस जिल्लाको उत्तरी भेगमा बग्ने गोदावरी नदीले ४२.९६ वर्ग कि.मी. क्षेत्रफल ओगटेको छ।

भाषा

यस नगरपालिकामा अधिकृत भाषा छन् :- नेपाली , नेवारी, तामाङ,राइ भाषा आदी।

यातायात

यस पहाडी क्षेत्रमा बाहेक उपत्यकामा धेरैजसो सडक यातायातको सुविधा रहको छ। जिल्लाको सदरमुकामदेखि गोदावरी ७ कि.मी. पक्की बाटो छ।

स्वास्थ्य सेवा

यस केन्द्रीयस्तर र निजी क्षेत्र समेत गरी अस्पताल रहेका छन्।

शैक्षिक संस्था

यस नगरपालिकामा शहरी क्षेत्रमा पर्याप्त मात्रामा शैक्षिक सुविधाहरू उपलब्ध छन् र दुर्गम भेगमा तुलनात्मक रूपमा कमी देखिन्छ।

शैक्षिक संस्था

सि.नं.	नाम	सम्पर्क टेलिफोन नं
१	क्रेससेन्ट एकडेमी	५५६०६४०
२	सेन्टजेभियर्स स्कुल	५५६०१४५
३	कितिनी उच्च मा. वि (सरकारी)	५५६०६२३
४	सेडा हाइ स्कुल	५५६०८२९
५	किङ्गडम मा.वि	५५६०३१२

विद्युत सेवा

यस नगरपालिकामा प्रायः सबै क्षेत्रमा विद्युत सेवा उपलव्ध भएको छ।

रिसोर्ट

रिसोर्ट

क्र.नं	नाम	सम्पर्क टेलिफोन नं.
१	होटेल भ्यू भृकुटी	५५६०४७१
२	रिजोर्ट गोदावरी	५५६०४५३
३	गोदावरी भिलज रिजोर्ट	५५६०६७५

चित्र दीर्घा

• 
  गोदावरी वनस्पति उद्यान
• 
  गोदावरी वनस्पति उद्यान
• 
  गोदावरी वनस्पति उद्यान
• 
  गोदावरी वनस्पति उद्यान
• 
  गोदावरी वनस्पति उद्यान

बाह्य कडीहरू

• जिल्ला विकास समितिको कार्यालय, ललितपुर अभिलेखिकरण २०२०-०८-०४ वेब्याक मेसिन