आमाछोदिङ्मो गाउँपालिका

आमाछोदिङ्मो गाउँपालिका
गाउँपालिका
आमाछोदिङ्मो गाउँपालिकामा रहेको गोल्जुङ
बागमती प्रदेशको नक्सामा आमाछोदिङ्मो गाउँपालिकाको अवस्थिति आमाछोदिङ्मो गाउँपालिका (नेपाल)
निर्देशाङ्क: २७°५९′३१″उ॰ ८५°१०′५८″पू॰
देश	नेपाल
प्रदेश	बागमती प्रदेश
जिल्ला	रसुवा
स्थापित	२७ फागुन २०७३
सरकार
• अध्यक्ष	बुचुङ तामाङ (नेपाली काङ्ग्रेस)
• उपाध्यक्ष	चण्डिका तामाङ (नेपाली काङ्ग्रेस)
क्षेत्रफल
• जम्मा	६८२.२३ किमी२ (२६३.४१ वर्ग माइल)
जनसङ्ख्या  (राष्ट्रिय जनगणना २०७८)
• जम्मा	६,६७३
• घनत्व	९.८/किमी२ (२५/वर्ग माइल)
समय क्षेत्र	युटिसी+५:४५ (नेपाली समय)
क्षेत्रीय सङ्केत	+९७७-०१०
वेबसाइट	आधिकारिक वेबसाइट

आमाछोदिङ्मो गाउँपालिका रसुवा जिल्लाको एक गाउँपालिका हो। यस गाउँपालिकामा साबिकको गत्लाङ, गोल्जुङ, चिलिमे गाविस र हाकु गाविसको वडा नं १ देखि ७ सम्मका वस्तीहरू समावेस गरिएको छ। यस गाउँपालिका घोषणाा हुँदा पार्वतीकुण्ड गाउँपालिकाको नामले नामाकरण भएको थियो। जसको केन्द्र गोल्जुङ तोकिएको थियो। गाउँपालिकाको प्रथम गाउँसभाले गाउँपालिकाको नाम 'आमाछोदिङ्मो' गाउँपालिका नामाकरण गर्ने र केन्द्र गोल्जुङबेसी कायम गर्ने भनी गरेको निर्णय बमोजिम नामसहित केन्द्र परिवर्तन भएको थियो।।राजपत्रमा प्रकाशित सूचना अनुसार पौष २४, २०७४बाट उक्त कार्यान्वयन भएको थियो।

नामाकरण

स्थानीय तामाङ भाषामा 'आमा' भनेको पार्वती र 'छोदिङ्मो' भनेको कुण्ड हो । यसरी हेर्दा नेपाली भाषाबाट तामाङ भाषाको रूपान्तरण नै आमाछोदिङ्मो गाउँपालिका हो ।

आकर्षण

यस गाउँपालिकामा तामाङ सम्पदा मार्ग अर्थात ग्रामीण पर्यटनका पूर्वाधारहरू रहेका छन् र वर्षेनी आन्तरिक तथा वाह्य पर्यटकहरूको आवागमन भइरहेको छ । गणेश हिमाल, साञ्जेन हिमाल, पाल्दोरपिक जस्ता हिमाल तथा धार्मिक र पर्यटकीय स्थल पार्वतीकुण्डका कारण यहाँ दीगो पर्यटन व्यावसाय सञ्चालन गर्न सकिन्छ ।

जनसङ्ख्या

राष्ट्रिय जनगणना २०७८को जनगणना अनुसार आमाछोदिङ्मो गाउँपालिकाको कुल जनसङ्ख्या ६,६७३ रहेको छ भने यहाँ १,६६४ घरधुरी रहेका छन्।