सीता एयर विमान दुर्घटना २०६९

स्वतन्त्र विश्वकोश, नेपाली विकिपिडियाबाट
Jump to navigation Jump to search
सीता एयर विमान दुर्घटना २०६९
दुर्घटना सारांश
मिति: 28 September 2012
प्रकार: अनुसन्धान हुँदै
स्थल: मध्यपुरठिमी, भक्तपुर, नेपाल
निर्देशाङ्क: २७°४०′५०″ उत्तर ८५°२१′२२″ पूर्व / २७.६८०५६° उत्तर ८५.३५६११° पूर्व / 27.68056; 85.35611
यात्रु: 16
चालक दल: 3
मृत्यु: 19
जीवित: 0
विमानको प्रकार डोर्नियरDornier Do 228
सञ्चालक: सीता एयर
विमान दर्ता नम्बर: 9N-AHA
उडान: त्रिभुवन अन्तर्राष्ट्रिय विमानस्थल, काठमाडौं, नेपाल
गन्तव्य: तेन्जिङ-हिलारी विमानस्थल, लुक्ला, सोलुखुम्बु जिल्ला, नेपाल


सीता एयर उडान नम्बर ६०१ बिसं २०६९ असोज १२ गते बिहान ६ बजेर १५ मिनेटमा त्रिभुवन अन्तर्राष्ट्रिय विमानस्थल, काठमाडौंबाट सोलुखुम्बु जिल्लाको तेन्जिङ-हिलारी विमानस्थल, लुक्लाका लागि उडान भरेको भएपनि करिब बिहान ६ बजेर १९ मिनेटमा मध्यपुर ठिमी नगरपालिका वडा नं. १६ स्थित मनोहरा फाँटमा विमान दुर्घटना भएको हो । विमानमा सवार सबै १९ जनाको मृत्यु हुनेगरी । त्रिभुवन विमानस्थल एरपोर्टबाट छुटेको सीता एयरको विमान चालकले सुरक्षित अवतरण गराउन नसक्दा विमान दुर्घटना भएको प्रत्यक्षदर्शीले बताएका छन् । विमान दुर्घटना हुँदा चालक दलका क्याप्टेन विजय तण्डुकार, सहचालक ताकेसिंह थापा, एयर होस्टेज रुजा शाक्य सहित १९ जनाको मृत्य भएको सशस्त्र प्रहरीका उपरीक्षक दुर्गा भट्टराईले जानकारी दिनुभयो ।

काठमाडौंबाट लुक्लातर्फ उडेको सीता एयरको डोर्निएर ९ एन.एन.एच.ए नामको विमान दुर्घटना हुँदा विमानको पछाडीको भाग बाहेक पुरै जलेर नष्ट भएको थियो । विमानस्थल नजिकै रन वेयबाट पाँचसय मिटर परको दुरीमा दुर्घटना भएको हो । चरासँग बिमान ठोक्किएर दुर्घटना भएको बिमानस्थल स्रोतले जानकारी दिएको छ । प्रत्यक्षदर्शी सविता बानियाँका अनुसार एक्कासी विमान असन्तुलित भइ जमिनमा खस्न लागेको आफूले देखेको र हेर्दा हेर्दै विमान जमिनमा खसेको बताउनुभयो । बानियाँले भन्नुभयो,– “विमान खस्नासाथ ठूलो आवाज आएर विमानमा आगो लागेको देख्दा आफूलाई सपना जस्तै लाग्यो ।” विमान चालकले सुरक्षीत अवतरणका लागि खोलामा विमान अवरण गराउन अत्याधाकि प्रयास गर्दा गर्दै पनि असफल भएपछि स्थानीय वस्तीलाई जोगायर खुल्ला चौरमा विमान अवतरण गराउने क्रममा विमान दुर्घटना भएको उहाँले बताउनुभयो ।

अर्का प्रत्यक्षदर्शी स्थानीय शारदा खड्का अनुसार विमान घरै माथिबाट उडेको आफूले देख्दा देख्दै अगाडिको भाग गएर भुइमा जोतियो र विमानमा एक्कासी आगो लाग्न थाल्यो । उहाँले भन्नुभयो, विमान दुर्घटना भएको करिब सात मिनेटपछि दमकल आएर आगो निभाए । चालकले स्थानीय वस्तीलाई जोगाएर विमान अवतरण गराउन सक्दो प्रयास गरी थप मानवीय क्षती हुन रोकेको आफूले प्रत्यक्ष देखेको खड्काले बताउनुभयो । सधै बिहान सबेरै त्यस क्षेत्रमा स्थानीय बालबालिका बल खेल्ने जाने गरेको तर विहीबार बल हराएपछि शुक्रबार बल खेल्न नगाएकाले थप मानविय क्षती हुन रोकेको स्थानीय प्रत्यक्ष दर्शीको भनाइ छ ।

बिमान दुर्घटना भएपछि विहान जनपथ प्रहरी, सशस्त्र प्रहरी, नेपाली सेना र स्थानीय बासीले उद्धार गरेका थिए । घटना लगतै पुगेको सुरक्षाकर्मीहरुको टोलीले विमान दुर्घटनामा मृत्यु भएकाको मृत शरिलाई संकलन गरी शप परिक्षणका लागि शिक्षण अस्पताल महारागन्ज पठाइएको प्रहरीले जनाएको छ । घटना स्थलमै विमानको ब्ल्याक बक्स फेला परेको सशस्त्र प्रहरी उपरीक्षक भट्टराईले जानकारी दिनुभयो । घटनास्थलमा यात्रुका महत्वपूर्ण कागजात, नगद झोला गरगहनासहित अन्य वस्तुहरु जलेर चिन्न नसक्ने अवस्थामा रहेका थिए । विमानमा दुर्घटनामा मृत्यु हुनेहरुमा चालक दलका तीन सहित सात नेपाली र १२ जना विदेशी रहेका छन् । मृत्यु भएका सबैको शब जलेर चिन्न नसक्ने अवस्थामा रहेका थिए । क्याप्टेन तण्डुकार चाबहिल निवासी, सहचालक थापा धापाखेल निवासी, एयर होस्टेज शाक्य बनेपा निवासी भएको सीता एयरले जनाएको छ । दुर्घटनामा परी मृत्यु भएका अन्य नेपाली यात्रुहरुमा नेपाली सेनाको श्रीदल गुल्मका सिपाही कुमार मगरसहित, डी राई, |एल एन शेर्पा, एम के. तामाङ रहेका छन् ।

मृतकहरू:[सम्पादन गर्ने]

सीता एयर विमान दुर्घटना २०६९
नाम नागरिकता
क्याप्टेन विजय तण्डुकार नेपाल नेपाली
सहचालक ताकेसिं थापा नेपाल नेपाली
एयर होस्टेज रुजा शाक्य नेपाल नेपाली
सिपाही कुमार मगर नेपाल नेपाली
डी. राई नेपाल नेपाली
एल. एन. शेर्पा नेपाल नेपाली
एम. के. तामाङ नेपाल नेपाली
इगल ऱ्यामण्ड इङ्गल्याण्ड बेलायती
भी. ओग्डन इङ्गल्याण्ड बेलायती
एस. होलिडङ इङ्गल्याण्ड बेलायती
टी. ओकास इङ्गल्याण्ड बेलायती
डी. जाभी इङ्गल्याण्ड बेलायती
भी. केली इङ्गल्याण्ड बेलायती
सी. डेभी इङ्गल्याण्ड बेलायती
वु हुई संयुक्त राज्य अमेरिका चिनियाँ मुलका अमेरिकी
क्विन निन्गोइन जनबादी गणतन्त्र चीन चिनियाँ
हु लीन जनबादी गणतन्त्र चीन चिनियाँ
याङ जीवा जनबादी गणतन्त्र चीन चिनियाँ
वाई. जेङ जनबादी गणतन्त्र चीन चिनियाँ


यो पनि हेर्नुहोस्[सम्पादन गर्ने]

सन्दर्भ सामग्रीहरू[सम्पादन गर्ने]