अमलेखगन्ज

अमलेखगन्ज
पूर्व गाविस
नेपालको नक्सामा अमलेखगन्जको अवस्थिति अमलेखगन्ज (नेपाल)
निर्देशाङ्क: 27.01°N 85.06°E / 27.01; 85.06
देश	नेपाल
प्रदेश	मधेश प्रदेश
जिल्ला	बारा जिल्ला
क्षेत्रफल
• जम्मा	१०९.२१ किमी२ (४२.१७ वर्ग माइल)
जनसङ्ख्या  (वि.सं २०६८)
• जम्मा	६,७०९
• घनत्व	६१/किमी२ (१६०/वर्ग माइल)
समय क्षेत्र	युटिसी+५:४५ (नेपाली समय)

अमलेखगन्ज नेपालको पूर्व प्रशासनिक विभाजन अनुसार, मध्यमाञ्चल विकास क्षेत्रको नारायणी अञ्चल, बारा जिल्लामा अवस्थित एक गाविस थियो। एघारौँ राष्ट्रिय जनगणना २०६८मा यहाँको जनसङ्ख्या ६७०९ रहेको थियो जसमध्ये ३४१३ पुरुष र ३२९६ महिला रहेका थिए भने यहाँ १३७० घरधुरी रहेको थियो। यो हाल जीतपुरसिमरा उपमहानगरपालिकामा पर्दछ। राणा प्रधानमन्त्री चन्द्र सम्शेरले दासप्रथा उन्मुलन गर्दै दासहरूलाई अमलेख गरी यस ठाउँमा बसाले पछि यो ठाउँको नाम अमलेखगन्ज रहन गएको हो। त्यस भन्दा अगाडि यस ठाउँको नाम भिक्षाखोरी रहेको थियो। नेपालको पहिलो रेल्वे लाईन नेपाल गभर्मेन्ट रेलवेको अन्तिम जङ्कसन पनि अमलेखगन्ज नै हो। हाल सहरोन्मुख यस ठाउँमा नेपाल अयल निगमको मुख्य तेल टयाङ्की राखिएको छ।

यसको साविकको १-६ वडाहरू जीतपुरसिमरा उपमहानगरपालिकाको वडा नम्बर २१ हो भने ७-९ वडाहरू वडा नम्बर २२ हो।