ढाँचा:प्रमुख लेख/मार्च, २०१६

स्वतन्त्र विश्वकोश, नेपाली विकिपिडियाबाट
Jump to navigation Jump to search
बैतडी जिल्लाको सदरमुकाम गोठालापानी

बैतडी नेपालको महाकाली अञ्चलको एक जिल्ला हो । यो जिल्ला नेपालको पहाडमा पर्दछ । बैतडी जिल्लाले १५१९ किमि क्षेत्रफल ओगटेको छ र विसं २०६८ को जनगणना अनुसार यहाँको जनसङ्ख्या २,५०,८९८ रहेको छ । यो जिल्ला नेपालका अमर शहीद दशरथ चन्दको जन्मभूमि हो । बाइसे, चौबिसे कालमा यो जिल्ला डोटी अन्तर्गत पर्दथ्यो । यो जिल्लामा हाल ५६ गाविस र २ नगरपालिका अवस्थित छन् । यो जिल्ला नेपाल अधिराज्यको सुदूरपश्चिमाञ्चल विकास क्षेत्रको महाकाली अञ्चलमा पर्ने चार वटा जिल्ला मध्ये एक पहाडी जिल्ला हो । विभिन्न साना ठूला पहाड, खोचर वेशीहरुवाट निर्मित यो जिल्लाको पश्चिममा महाकाली नदीले भारतको सिमाना छुट्याएको छ र सो नदीको पारिपट्टी भारतको उत्तराखण्डको पिथौरागढ जिल्ला पर्दछ । यसको उत्तरमा दार्चुला, पूर्वमा बझाङडोटी एवं दक्षिणमा डडेल्धुरा जिल्लाहरू पर्दछन् । यस जिल्लाको कुल क्षेत्रफल १४५१.१३ वर्ग किलोमिटर छ, जुन नेपाल अधिराज्यको कुल क्षेत्रफलको ०.६८ प्रतिशत भू-भाग पर्न आउछ । यो जिल्ला जलश्रोत, वनजङ्गल, जडीबुटी र वन्यजन्तु आदि प्राकृतिक सम्पदाको दृष्टिकोणले धनी मानिन्छ । खाद्यान्न उत्पादनमा हालसम्म आत्मनिर्भर रहन नसके पनि केहि कृषिजन्य उत्पादनहरू जस्तै फलफूल, तरकारी, भटमास, घ्यू, मह आदि जिल्ला बाहिर निर्यात हुने गर्दछन् भने जिल्लामा आवश्यक पर्ने खद्यान्न वाहिरबाट आयात गरी परिपूर्ति गरिन्छ । यो जिल्लामा शिक्षा, स्वास्थ्य, खानेपानी, यातायातसञ्चार जस्ता सेवा सुविधाहरू क्रमशः विस्तार हुदै गएका छन् । (पूरा लेख...)