घुसेल

घुसेल
पूर्व गाविस
नेपालको नक्सामा घुसेलको अवस्थिति घुसेल (नेपाल)
निर्देशाङ्क: २७.६२°N ८५.३७°E / 27.62; 85.37
देश	नेपाल
प्रदेश	बागमती प्रदेश
जिल्ला	ललितपुर जिल्ला
जनसङ्ख्या  (वि.सं २०६८)
• जम्मा	१,५१०
समय क्षेत्र	युटिसी+५:४५ (नेपाली समय)

घुसेल नेपालको पूर्व प्रशासनिक विभाजन अनुसार, मध्यमाञ्चल विकास क्षेत्रको बागमती अञ्चल, ललितपुर जिल्लामा अवस्थित एक गाविस थियो। एघारौँ राष्ट्रिय जनगणना २०६८मा यहाँको जनसङ्ख्या १५१० रहेको थियो जसमध्ये ७४३ पुरुष र ७६७ महिला रहेका थिए भने यहाँ ३०८ घरधुरी रहेको थियो। यो हाल बागमती गाउँपालिकामा पर्दछ।

नामाकरण

घुसेल गाउँको नाम नेपालको सरकारी तथा अन्य लेखौटहरूमा गलत तरिकाले धुसेल, बुसेल, गुसेल आदि लेखिएको वा टिपोट गरिएको पाईन्छ । घुसेलको वास्ताविक अर्थ तामाङ समुदायमा यसरी रहेको पाईन्छ । तामाङ भाषामा देव-देवीलाई "क्हु, कू, ला-कू" भन्ने गरिन्छ । अनुहार वा मुख लाई "स्ह्यल, स्यल" । यसरी देवताको अनुहार जस्तो ठाउँ भनि नामांकन गरी क्हुस्यलबाट अपभ्रंश भई हालको "घुसेल" रहेको बुझिन्छ । अझै पनि गाउँको छिमेकी जिल्लाका तामाङहरु घुसेल नभनि क्हुसेल भन्ने गरिन्छ ।