म्याङलुङ नगरपालिका
म्याङलुङ नगरपालिका | |
|---|---|
  कोशी प्रदेशको नक्सामा म्याङलुङ नगरपालिकाको अवस्थिति  म्याङलुङ नगरपालिका (नेपाल) | |
| निर्देशाङ्क: २७°१३′N ८७°३८′E / 27.21°N 87.64°E | |
| देश |  नेपाल |
| प्रदेश | कोशी प्रदेश |
| जिल्ला | तेह्रथुम |
| स्थापित | २५ वैशाख २०७१ |
| सरकार | |
| • नगरप्रमुख | सञ्जयकुमार तुम्वाहाङफे (नेकपा (एमाले)) |
| • उपप्रमुख | जमुनादेवी सुवेदी (नेकपा (एमाले)) |
| क्षेत्रफल | |
| • जम्मा | १००.२१ किमी२ (३८.६९ वर्ग माइल) |
| जनसङ्ख्या | |
| • जम्मा | १८,७५० |
| • घनत्व | १९०/किमी२ (४८०/वर्ग माइल) |
| समय क्षेत्र | युटिसी+५:४५ (नेपाली समय) |
| क्षेत्रीय सङ्केत | +९७७-०२६ |
| वेबसाइट | आधिकारिक वेबसाइट |
म्याङलुङ नगरपालिका तेह्रथुम जिल्लाका २ नगरपालिकाहरू मध्ये एक हो।[३] २५ वैशाख २०७१ मा, नगरपालिका घोषणा गर्दा साविकका म्याङलुङ, ताम्फुला, पिप्ले, आम्बुङ, सावला र जिरिखिम्ती गाविसहरू यसमा गाभिएका थिए। यो जिल्लाको सदरमुकाम समेत हो।
जनसङ्ख्या
[सम्पादन गर्नुहोस्]राष्ट्रिय जनगणना २०७८को जनगणना अनुसार म्याङलुङ नगरपालिकाको कुल जनसङ्ख्या १८,७५० रहेको छ भने यहाँ ४,८७२ घरधुरी रहेका छन्।[२]
| नयाँ वडा | समावेश साविकका क्षेत्रहरू | जनसङ्ख्या | क्षेत्रफल (वर्ग कि.मी.) | जनघनत्व (व्यक्ति/वर्ग कि.मी.) |
|---|---|---|---|---|
| १ | म्याङलुङ (१,५,८-९) | ३,६६२ | १४.८६ | २४६.४३ |
| २ | म्याङलुङ (२-४) | २,३३६ | १२.५ | १८६.८८ |
| ३ | म्याङलुङ (६-७) | ९५८ | ३.७५ | २५५.४७ |
| ४ | पिप्ले | १,३९५ | ५.५ | २५३.६४ |
| ५ | जिरिखिम्ती (१-४,६) | ८३७ | ३.७५ | २२३.२० |
| ६ | जिरिखिम्ती (५,७-९) | २,१८४ | १४.१५ | १५४.३५ |
| ७ | आम्बुङ (१-४) | १,९०३ | ५.८५ | ३२५.३० |
| ८ | आम्बुङ (५-९) | १,५३४ | १३.९९ | १०९.६५ |
| ९ | सावला | २,१६९ | ९.२५ | २३४.४९ |
| १० | ताम्फुला | १,७७२ | १६.६१ | १०६.६८ |
| जम्मा | १८,७५० | १००.२१ | १८७.१० | |
नामकरण
[सम्पादन गर्नुहोस्]म्याङ्लुङ नाम कसरी रहन गयो भन्ने रोचक कथा छ । लिम्बू भाषामा 'म्याउँ'को अर्थ बिरालो र 'लुङ्ग'को अर्थ ढुङ्गा हुन्छ । म्याउलुङबाट अपभ्रंश भई म्याङलुङ भएको स्थानीय बूढापाकाहरूको भनाइ छ । प्रचलित लोककथा अनुसार धेरै पहिले डाँडाको एक चौतारामा दुइ ढाक्रे बास बस्न पुगेछन् । रातको समयमा खाना पकाउन ढुङ्गा खोजी चम्का लगाएर खाना पकाउन लाग्दा आगोको तापसँगै उक्त ढुङ्गा काँप्न थाल्यो । उक्त ढुङ्गा निकै तातेपछि काँप्दै लड्न पुग्यो र उनीहरूको खानासमेत पोखियो । रिसको झोकमा उनीहरूले सो ढुङ्गामा तरबार प्रहार गरे, तरबार प्रहारका क्रममा ढुङ्गाबाट म्याउँको आवाज आएको र त्यसबाट रगतसमेत बगेका कारण ढाक्रेहरू डराएछन् । उनीहरूले यो कुरा स्थानीय बासिन्दाहरूलाई सुनाए । उक्त घटना सुनिसकेपछि गाउँलेहरूले अब अनिष्ट हुने भयो भनी सो ढुङ्गालाई बाजागाजासहित हालको म्याङलुङ बजारको मध्यभागमा रहेको चौताराको वरको रूखको फेदमा स्थापित गरे । त्यहाँ पूजाआजा गर्ने, भाकल गर्ने र बलि चढाउने चलन अहिले पनि छ । यहाँको हावापानी मध्यम खालको भएकाले वातावरण रमणीय छ ।
सन्दर्भ सामग्रीहरू
[सम्पादन गर्नुहोस्]- ↑ "स्थानीय तह निर्वाचन २०७९" (नेपालीमा), कान्तिपुर दैनिक, अन्तिम पहुँच ०९ साउन २०८१।
- 1 2 "जनसङ्ख्याको आकार र वितरण", राष्ट्रिय जनगणना २०७८ (नेपालीमा), राष्ट्रिय तथ्याङ्क कार्यालय, अन्तिम पहुँच २९ जेठ २०८१।
- ↑ "हेर्नुहोस्, तपाईँ कुन गाउँपालिका वा नगरपालिकामा पर्नुभयो?", सेतोपाटी, अन्तिम पहुँच फाल्गुन २०७३। अभिलेखिकरण २०१७-०३-१२ वेब्याक मेसिन
