काङ्गेल

काङ्गेल
पूर्व गाविस
नेपालको नक्सामा काङ्गेलको अवस्थिति काङ्गेल (नेपाल)
निर्देशाङ्क: 27.50°N 86.65°E / 27.50; 86.65
देश	नेपाल
प्रदेश	कोशी प्रदेश
जिल्ला	सोलुखुम्बु जिल्ला
क्षेत्रफल
• जम्मा	११.४४ किमी२ (४.४२ वर्ग माइल)
जनसङ्ख्या  (वि.सं २०६८)
• जम्मा	२,०५२
• घनत्व	१८०/किमी२ (४६०/वर्ग माइल)
समय क्षेत्र	युटिसी+५:४५ (नेपाली समय)

काङ्गेल नेपालको पूर्व प्रशासनिक विभाजन अनुसार, पूर्वाञ्चल विकास क्षेत्रको सगरमाथा अञ्चल, सोलुखुम्बु जिल्लामा अवस्थित एक गाविस थियो। एघारौँ राष्ट्रिय जनगणना २०६८मा यहाँको जनसङ्ख्या २०५२ रहेको थियो जसमध्ये ९३९ पुरुष र १११३ महिला रहेका थिए भने यहाँ ४३९ घरधुरी रहेको थियो। यो हाल थुलुङ दुधकोशी गाउँपालिकामा पर्दछ।

यो थुलुङ दुधकोशी गाउँपालिकाको वडा नम्बर २ हो।

इतिहास

मुक्ली गा.वि.स.का मानिसहरु दसैँ तथा तिहारको अवसरमा घर सिंगार्नका लागि चाहिने रातो माटो लिनका लागि पञ्चन गा.वि.स.मा जाने गर्दथे र त्यो हालसम्म पनि यथावत् नै छ । त्यसबखत माटो बोकेर ल्याउने क्रममा हाल कांगेलमा रहेको एउटा चौतारामा भारी बिसाउने गर्दथे । किंरात “थुलुङ्ग” राई भाषा अनुसार “क्वा” भन्नाले माटो र “ङेलुङ्ग” भन्नाले बिसाउने चौतारी हो । यही “क्वा ङेलुङ्ग” वाक्य नै पछि अपभ्रंश भई “कांगेल” हुन गएको हो । जुन चौतारा हालसम्म पनि यथावत् नै रहेको छ र यहां एउटा शिलालेख समेत राखिएको छ ।