रामपुर नगरपालिका
| रामपुर | |
|---|---|
| — नगरपालिका — | |
| |
| निर्देशाङ्क: २७°५४′उत्तर ८३°४९′पूर्व / २७.९०° उत्तर ८३.८२° पूर्वनिर्देशाङ्क: २७°५४′उत्तर ८३°४९′पूर्व / २७.९०° उत्तर ८३.८२° पूर्व | |
| देश |  नेपाल |
| अञ्चल | लुम्बिनी अञ्चल |
| जिल्ला | पाल्पा जिल्ला |
| स्थापना | २०७१ जेष्ठ ४ |
| सरकार | |
| - मेयर | रमण बहादुर थापा (ने.का.) |
| - उप मेयर | विष्णु देवी घिमिरे आचार्य (ने.का.) |
| क्षेत्रफल | |
| - जम्मा | १२३.३४ किमी२ (४७.६ वर्ग मी) |
| जनसङ्ख्या (राष्ट्रिय जनगणना २०६८)[१] | |
| - जम्मा | ३५,३९६ |
| - जनघनत्व | २८७/किमी२ (७४३.३/वर्ग मी) |
| समय क्षेत्र | नेपालको प्रमाणिक समय (युटिसी+५:४५) |
| टेलिफोन कोड | +९७७-७५ |
| वेबसाइट | rampurmun.gov.np/ne |
रामपुर पाल्पा जिल्लामा अवस्थित एउटा नगरपालिका हो । साविक रामपुर गाबिसको बेझांड बजार रहेको ठाउँलाई नगरपालिकाको केन्द्र बनाइएको छ ।[२] यसलाई नगरपालिका घोषणा गर्दा रामपुर, गेझा, खालीवन, दर्छा र गाँडाकोट गाउँ विकास समितिहरू समावेश गरिएका हुन् ।
संक्षिप्त परिचय[सम्पादन गर्ने]
रामपुर नगरपालिका नेपाल सरकारले २०७१ बैशाख २५ गते घोषणा गरेको ७२ नगरपालिका मध्येको एक विविध सम्भावना रहेको र भौगोलिक हिसावले ठूलो नगरपालिका हो । राजनीतिक विभाजनका हिसावले पश्चिमाञ्चल विकास क्षेत्र, लुम्बिनी अञ्चल, पाल्पा जिल्ला अन्र्तगत पूर्वि पाल्पामा अवस्थित सदावहार निर्मल, स्वच्छ एवं धार्मिक हिसावले पवित्र काली नदीको तटमा रहेको छ । परापूर्व कालमा नुन, उन र सुनको व्यापारको पैदल मार्ग बनेको रामपुर अहिलेको औद्योगिक तथा व्यापारीक केन्द्रको सम्भाव्य क्षेत्रको रुपमा रहेको छ ।
जिल्ला सदरमुकाम तानसेन देखी ६५ किलोमिटर पूर्वमा पर्ने यस रामपुर नगरपालिका राजधानी काठमाडौं देखि पक्कि सडक हुंदै करिब ३७५ कि.मी. को दुरीमा छ भने प्रसिद्ध केलादी घाटमा निर्माण भएको पक्की पुल सुचारु भएपछि रामपुर काठमाडौंको दुरी छोटिएर २५० कि.मी. दुरी बनेको छ । यसको भौगोलिक अवस्थितिमा २७ डिग्री ३३ मिनेट देखी २७ डिग्री ५३ मिनेट उत्तरी अक्षांश र ८३ डिग्री ४६ मिनेट देखी ८३ डिग्री ५४ मिनेट पूर्वि देशान्तरमा रहेको छ । समुन्द्री सतहबाट ३५० मिटर देखी ११०० मिटर उचाईमा रहेको रामपुर नगरपालिकाले १२३.५ वर्ग कि.मि. क्षेत्र ओगटेको छ । पूर्वमा वाकामलाङ, पश्चिममा हेक्लाङ, सिलुवा, विरकोट उत्तरमा काली नदी पारी स्याङ्गजाको चापाकोट नगरपालिका, साँखर गा.वि.स., तनहुँको गजरकोट गा.वि.स. र दक्षिणमा पाल्पा जिल्लाको सहलकोट, झिरुवास, गल्धा गा.वि.स सिमानामा रहेका छन् ।
जनसङ्ख्या[सम्पादन गर्ने]
रामपुर, गेझा, खालीवन, दर्छा र गाँडाकोट गाविसहरूलाई मिलाएर रामपुर नगरपालिका बनाइएको हो । त्यसैले बि.स.२०६८ को जनगणना अनुसार यी ठाउँहरूको जनसङ्ख्यालाई जोडेर ३५,३९६ रहेको छ ।[३]
ब्यास बसपार्क[सम्पादन गर्ने]
रामपुर नगरपालिका वडा नं ६ मा ब्यास बसपार्क[४] को घोषणा ।
सामुदायिक रेडियो[सम्पादन गर्ने]
सन्दर्भ सामग्रीहरू[सम्पादन गर्ने]
- ↑ "नेपालको राष्ट्रिय जनगणना २०६८", राष्ट्रिय योजना आयोग, नेपाल सरकार, नोभेम्बर २०१२, अन्तिम पहुँच नोभेम्बर २०१२।
- ↑ "थप ७२ नयाँ नगरपालिका", अन्तिम पहुँच मे १८,२०१४।
- ↑ "नेपाल जनगणना बि.स.२०६८", अन्तिम पहुँच नोभेम्बर २०१२।
- ↑ "रामपुरमा ब्यास बसपार्क", ekaruwa, २०१५, अन्तिम पहुँच १ जुन २०१५।
बाह्य लिङ्कहरू[सम्पादन गर्ने]
यो पनि हेर्नुहोस्[सम्पादन गर्ने]
| ||||||||||||||||||||||||||||||||||||||||||||||||||||||||||||||
