डाँडाबजार

डाँडाबजार Danda Bazar
गाँउ विकास समिति
देश	नेपाल
राज्य	कोशी
जिल्ला	धनकुटा जिल्ला
जनसङ्ख्या  (1991)
• जम्मा	२,४७६
समय क्षेत्र	युटिसी+५:४५ (नेपालको प्रमाणिक समय)
हुलाक कोड	५६८०३
क्षेत्रीय सङ्केत(हरू)	०२६

डाँडाबजार नेपालको कोशी अञ्चलको धनकुटा जिल्लामा पर्ने एक गाउँ विकास समिति हो । डाँडाबजार एक पर्यटनको सम्भावना बोकेको गाबिस हो । समुन्द्र सतहबाट २०४७ मिटरको उचाइमा रहेको ध्वजे डाँडा भेंडेटार बजारबाट करिब १३ कि.मी. पूर्व डाँडा बजार गा.वि.स.मा पर्दछ । डाँडा बजारबाट १ कि.मी. जतिको पैदल यात्रा तय गरी सकेपछि बल्ल पुगिने यस डाँडाबाट पूर्वाञ्चलका १६ बटै जिल्लाहरू देख्न सकिन्छ।^{[स्रोत नखुलेको]} नेपालको नक्सा निर्माणमा अक्षांश, देशान्तर टुङ्गो लागाउन विशेषज्ञहरूले बेला बेलामा प्रयोग गर्दै आइएबाट यसको महत्त्व पनि स्वत झल्कन्छ । यसका साथै ध्व्जे डाडा सुर्योदय अवलोकनको लागि तथा विभिन्न हिमालहरूको दृश्य अवलोकन को लागि पनि प्रसिद्ध छ । यहाँबाट कुम्भकर्ण, मकालु, कञ्चनजङ्घा, सगरमाथा लगायत अन्य हिमालहरूको अवलोकन गर्न सकिन्छ । डाँडाबजार गा.वि.स. वार्ड न. २ लाप्चेटारमा रहेको एक वरको रुखलाई मानिसहरूले करिब २५० वर्ष पुरानो मानेका छन्।^{[स्रोत नखुलेको]} यो रुखको फेदको गोलाइ १७ मीटर रहेको छ। यसरी सामान्यभन्दा विशाल लाग्ने यस रुखले नेपालको मात्रै नभएर एसियाकै सबैभन्दा ठूलो रुख रहेको जन मान्यता रहेको छ । यस रुखले स्थानीय मात्र नभएर टाढा टाढाबाट पर्यटकहरू आकर्षित गरिरहेको छ । यी विभिन्न सम्भावना बोकेको भएतापनी प्रचारप्रसारको अभावमा पर्यटन व्यवसाय फस्टाउन सकेको छैन।

सन्दर्भ सामग्रीहरू

{{reflist}

बाह्य लिङ्कहरू

• धनकुटा जिल्ला