माछापुच्छ्रे हिमाल

माछापुच्छ्रे
माछापुच्छ्रे
कतासुँ क्लिको
	माछापुच्छ्रे नेपालको मध्यभागको उत्तरमा
सर्वोच्च विन्दु
उचाइ	६,९९३ मी (२२,९४३ फिट)
प्रमुखता	१,२३३ मी (४,०४५ फिट)
भूगोल
स्थान	नेपालको मध्यभागको उत्तरमा
क्षेत्र	NP
हिमशृङ्खला	अन्नपूर्ण हिम शृङ्खला
आरोहण
पहिलो आरोहण	आरोहण अनुमति छैन

माछापुछ्रे एउटा हिमालको नाम हो जुन अन्नपूर्ण हिमालको उत्तर मध्य नेपालमा अवस्थित छ। माछापुच्छ्रे हिमाल नेपालको गण्डकी प्रदेशको कास्की जिल्लामा अवस्थित छ।^[१] यो हिमाललाई मानिसहरूले भगवान शिवको पवित्र स्थान मानेर श्रद्धा गर्छन्, त्यसैले यो हिमालमाथि आरोहण गर्ने अनुमति छैन । अहिले सम्म कसैले नचढेको हुनाले यस हिमाललाई 'कुमारी हिमाल'को उपनामले पनि चिनिन्छ।

स्थिति

माछापुछ्रे हिमाल एउटा लामो प्रेणदायक श्रेणीको पुछारमा, अन्नपूर्णको मुख्य भागमा दक्षिण तर्फबाट बाहिर लम्किदै गएको छ। यस हिमालको पूर्वी सीमालाई अन्नपूर्ण संरक्षण क्षेत्रको रूप प्रदान गर्छ। यो संरक्षण क्षेत्र पर्यटकहरूको एउटा मनपर्ने ट्रेकिङ्ग गन्तव्य हो र अन्नपूर्णको दक्षिण तर्फबाट आधार शिविर र अन्य प्राकृतिक छटा एकदमै मनमोहक छ। यो मनमोहक शिखर पोखराबाट लगभग २५ किलोमिटरको दूरीमा छ।

नामकरण

माछाको पुच्छर जस्तो हुनाले नै यो हिमालको नाम माछापुच्छ्रे रहेको हो। यसलाई अङ्ग्रेजीमा अनुवाद गरेर फिस टेल पनि भनिन्छ। यसलाई तमु भाषामा कतासुँ क्लिको भनिन्छ।