स्याब्रु नाच

स्याब्रु नाच

न्यूयोर्कमा "एभरेस्ट डे २०१९" मा स्याब्रु नृत्य प्रस्तुत गर्दै मानिसहरू
विधा	लोकनृत्य
साधन(हरू)	टुङ्ना
उत्पति	नेपाल

स्याब्रु नाच, शेर्पा समुदायको परम्परागत नेपाली लोकनृत्य हो। योल्मो लगायतका नेपालका अन्य हिमाली समुदायहरूले पनि यो नाच नाच्ने गर्दछन्। यो नाच हरेक चाडपर्वमा साथै विभिन्न शुभ कार्यक्रम र जमघटमा पनि नाच्ने गरिन्छ।

प्रदर्शन

यो नाच समूहमा प्रस्तुत गरिन्छ। नाच महिला र पुरुष दुबैले गर्छन। नृत्य प्रदर्शन गर्दा मानिसहरू आफ्नो जातीय लुगा लगाउँछन्। मानिसहरूले नृत्य प्रदर्शन गर्दा लाइन वा गोलाकार मा बिस्तारै हिड्दै परम्परागत लोक गीत गाउँछन्। गीतहरू प्रायः टुङ्ना जस्ता परम्परागत वाद्ययन्त्रहरूको साथमा हुन्छन्।

संरक्षण

नेपालका विभिन्न लोकनृत्यसँगै स्याब्रु नृत्यको लोकप्रियता पनि घट्दै गएको छ। नृत्य शैलीको संरक्षण र प्रवर्द्धनका लागि विभिन्न प्रतियोगिता, कार्यशाला र सचेतनामूलक कार्यक्रमहरू सञ्चालन भइरहेका छन् । ग्याल्पो ल्होसार पर्वमा यो नाच एक अनिवार्य अनुष्ठान हो।