एसिड आक्रमण

स्वतन्त्र विश्वकोश, नेपाली विकिपिडियाबाट
(एसिड फ्याक्नु बाट पठाईएको)
Jump to navigation Jump to search
कम्बोडियामा एसिड आक्रमणकी पिडित ।

अम्ल फ्याक्नु वा अम्ल आक्रमण कुनै मानिसलाई मार्ने, कुरूप बनाउने वा अङ्गभङ्ग गर्ने उद्देश्यले उसको शरीरमा एसिड(अम्ल) फालेर गर्ने एक प्रकारको हिंसा वा अपराध हो । अम्ल फ्याँक्दा विशेषत मानिसको अनुहारमा फ्याल्ने गरेका घटना बढी पाइन्छ । यो घटनाबाट महिलाहरू बढी पिँडित भएको कुरा महिला अधिकारकर्मीहरू बताउँछन् । अम्ल आक्रमणले पिँडितको छालाको तन्तु सखाप पार्न सक्छ भने हाड-जोर्नीमा समेत गहिरो प्रभाव पार्दछ । अम्ल फ्याँक्ने निर्मम अपराध गर्न मानिसहरू सल्फ्युरिक वा नाइट्रिक अम्लको सहारा लिन्छन् । सल्फ्युरिक अम्ललाई त अझ रसायनहरूको राजा नै भन्ने गरिन्छ । हाइड्रोक्लोरिक अम्ल कम असरदार भएकाले अपराधीहरूले नाइट्रिक वा सल्फ्युरिक अम्ललाई बढी प्राथमिकता दिने गरेको पाइन्छ । अम्लको आक्रमणबाट हुने दिर्घकालिन समस्यामा अन्धोपन, शरिर र छालामा कहिले नमेटिने दाग बस्ने जस्ता शारिरिक समस्या देखिन्छन् भने समाजमा पनि पिँडितहरूलाई घृणाको नजरले हेर्ने गरिन्छ । अहिले अम्लको आक्रमण विश्वका धेरै ठाउँको समस्या हो । १९९० यता बङ्गलादेशमा महिला विरूद्ध यो अपराध आकासिँदो स्थितिमा रहेको कुरा विभिन्न सर्वेक्षणहरूले देखाएका छन् । १९९९ र २०१३ बिचमा ३,५१२ बङ्गलादेशी नागरिकहरू यो अपराधको चपेटामा परेको पाइयो ।[स्रोत नखुलेको] यद्यपी यूरोप सहित अम्ल आक्रमण विश्वभरी जहाँ पनि घट्ने घटना हो तर यसको प्रभाव दक्षिण एसियामा विशेष रहेको छ ।

सन्दर्भ सामग्रीहरू[सम्पादन गर्ने]

बाह्य लिङ्कहरू[सम्पादन गर्ने]