खाँदवारी नगरपालिका

खाँदवारी
नगरपालिका सदरमुकाम
खाँदवारी नगरपालिकाको बजारको दृश्य
खाँदवारी नक्सामा खाँदवारी नगरपालिकाको स्थान खाँदवारी खाँदवारी (नेपाल)
निर्देशाङ्क: २७°२२′उ॰ ८७°१३′पू॰
देश	नेपाल
प्रदेश	कोशी प्रदेश
जिल्ला	सङ्खुवासभा
स्थापना	वि.सं. २०५३ माघ ११
समावेश (गाविस)	मनकामना, पाङ्मा र मालटा
सम्मिलित (मिति)	वि.सं. २०५३ माघ ११
समावेश (गाविस)	सितलपाटी
सम्मिलित (मिति)	वि.सं. २०७३ फाल्गुन २२
सरकार
• नगरप्रमुख	महेश थपलिया (नेपाली काङ्ग्रेस)
• उपप्रमुख	महेश्वरा श्रेष्ठ बज्राचार्य (नेकपा (एमाले))
क्षेत्रफल
• जम्मा	१२२.७८ किमी२ (४७.४१ वर्ग माइल)
जनसङ्ख्या  (वि.सं. २०६८)
• जम्मा	३५,५६५
• घनत्व	२९०/किमी२ (७५०/वर्ग माइल)
समय क्षेत्र	युटिसी+५:४५ (नेपालको प्रमाणिक समय)
वेबसाइट	आधिकारिक वेबसाइट

खाँदवारी नगरपालिका नेपालको कोशी प्रदेश मा पर्ने सङ्खुवासभा जिल्लाको सदरमुकाम तथा एक नगरपालिका हो। सङ्खुवासभा जिल्लाको ऐतिहासिक बजार चैनपुरमा पहिले यस जिल्लाको सदरमुकाम रहेकोमा वि.सं. २०२४ जेठ ८ गतेको सरकारी निर्णयबाट तत्कालिन खाँदवारी बजारमा सदरमुकाम सारिएको थियो। सङ्खुवासभा जिल्लाका तत्कालिन मनकामना, पाङ्मा र मालटा गाउँ विकास समितिहरूलाई वि.सं. २०५३ माघ ११ गते मिलाएर खाँदवारी नगरपालिका घोषणा गरिएको थियो। वि.सं. २०७३ फाल्गुन २२ मा नेपाल सरकारको निर्णय अनुसार सितलपाटी गाविस समेत यसमा गाभेर यो नगरपालिकाको क्षेत्र विस्तार गरिएको थियो। यो नगरपालिका ११ वडामा विभाजित छ।

जनसङ्ख्या

राष्ट्रिय जनगणना २०७८को जनगणना अनुसार खाँदवारी नगरपालिकाको कुल जनसङ्ख्या ३५,५६५ रहेको छ भने यहाँ ९,३०९ घरधुरी रहेका छन्।

ऐतिहासिक, धार्मिक तथा पर्यटकिय स्थलहरू

• मनकामना मन्दिर
• चारधाम मन्दिर
• सतीढुङ्गा
• फेक्मालुङ (ठूलो ढुङ्गा)
• पोखरी पार्क
• शान्ति वाल उद्यान
• तुम्लिङ्टार एयरपोर्ट
• लहरीखर्क बनभोज स्थल
• चेवा स्थीत भ्यू टावर
• कोकले बजार (खोरण्डे)

बाह्य कडीहरू

• जिल्ला विकास समितिको कार्यालय, सङ्खुवासभा