नेपालमा सर्वाधिक कमाइ गरेका चलचित्रहरूको सूची

नेपालमा सर्वाधिक आम्दानी गरेका चलचित्रहरूको यो सूची हो, जसको कुल राजस्व नेपाली रुपैयाँमा प्रस्तुत गरिएको छ। यी बक्स अफिस विवरणहरू नेपालको चलचित्रसम्बन्धी नियमन गर्ने निकाय, चलचित्र विकास बोर्डद्वारा प्रकाशित आधिकारिक प्रतिवेदन हुन्। बोर्डले काठमाडौँ उपत्यकामा २०७५ साउन २ देखि र त्यसको लगभग एक वर्षपछि देशका अन्य भागहरूमा डिजिटल बक्स अफिस प्रणाली लागू गर्दै रिपोर्टिङलाई व्यवस्थित गरेको थियो। तसर्थ, त्यसपश्चात प्रदर्शन भएका चलचित्रहरूको राजस्व बोर्डको केन्द्रीय सिनेमा व्यवस्थापन प्रणालीको आधिकारिक तथ्याङ्कमा आधारित छ।

अवलोकन

नेपालको चलचित्र उद्योग अझै पनि अपेक्षाकृत रूपमा नयाँ छ। सुरुका दिनहरूमा, अधिकांश चलचित्रहरू शाही नेपाल चलचित्र संस्थान (स्थापना वि.सं २०२८) मार्फत सरकारद्वारा लगानी गरिएका थिए। तिनीहरूको ध्यान व्यावसायिक लक्ष्यहरू प्राप्त गर्नुभन्दा पनि नेपालको समृद्ध सांस्कृतिक सम्पदाको प्रदर्शन र संरक्षण गर्नुमा बढी थियो। यद्यपि, तिनीहरूको प्रयासले क्रमशः यस उद्योगको आधार तयार गरेको थियो र अन्ततः निजी निर्माताहरूका लागि बाटो खुला समेत गरेको थियो। पहिलो ठूलो मोड कुसुमे रुमाल (प्रदर्शन मिति: २०४२ असोज २९) सँगै आएको थियो, जसले २०५७ जेठ १ मा प्रदर्शनमा आएको चलचित्र दर्पण छायाँद्वारा पछि नपारेसम्म बक्स अफिसको ताज ओगटेको थियो।

सफलताको एक नयाँ युग वि.सं २०६८ मा सुरु भएको थियो,जहाँ अपराध थ्रिलर चलचित्र लुट घरेलु बक्स अफिसमा रु. ५ करोडको आँकडा पार गर्ने पहिलो नेपाली चलचित्र बनेको थियो। त्यसको दुई वर्षपछि, नाटक तथा थ्रिलर चलचित्र कोहिनुर (वि.सं २०७१) ले यो मापदण्डलाई दोब्बर बनाएको थियो र रु. १० करोडभन्दा बढी कमाउने पहिलो चलचित्र बन्दै नेपाली चलचित्रका लागि एक नयाँ विशाल मानक स्थापित गरेको थियो। यो कीर्तिमानलाई तुरुन्तै वि.सं २०७३ मा हास्य-नाटक चलचित्र छक्का पन्जाले तोडेको थियो, जसले प्रभावशाली रूपमा रु. १६ करोड कमाएको थियो।

अर्को ठूलो छलाङ वि.सं २०७९ मा प्रदर्शनमा आएको कबड्डी ४: द फाइनल म्याच रु. २० करोड पार गर्ने पहिलो नेपाली चलचित्र बनेको थियो। सन् २०१७ को भारतीय हिट चलचित्र बाहुबली २: द कन्क्लुजन पछि नेपालमा यो उपलब्धि हासिल गर्ने यो दोस्रो चलचित्र मात्र थियो।२०८१ कात्तिक १ मा प्रदर्शनमा आएको, पूर्णबहादुरको सारङ्गीले अभूतपूर्व व्यापार गर्दै नयाँ मानकहरू स्थापित गरेको थियो, जसले विशाल रु. ४० करोडको आँकडा पार गरेको थियो। यो उपलब्धि हासिल गर्ने पहिलो र एकमात्र चलचित्र हो, जसले वास्तवमै नेपाली चलचित्रका लागि नयाँ युगको सूत्रपात गरेको छ।

घरेलु चलचित्रहरू

यस सूचीमा नेपालमा रु. १० करोडभन्दा बढी कुल आम्दानी गर्ने घरेलु चलचित्रहरू समावेश छन्। बक्स अफिसका सबै तथ्याङ्कहरू चलचित्र विकास बोर्डद्वारा प्रमाणित र प्रकाशित गरिएका हुन्।

*	हलहरूमा अझै प्रदर्शन भइरहेका चलचित्रहरूलाई जनाउँछ

क्रम	शीर्ष स्थान	चलचित्र	वर्ष (वि.सं)	निर्देशक	कुल आम्दानी	सङ्दर्भ
१	१	पूर्णबहादुरको सारङ्गी	२०८१	सरोज पौडेल	रु. ४६ करोड ८७ लाख
२	२	गौँथली *	२०८३	डा. कपिल रिजाल	रु. २३ करोड ५५ लाख
२	१	कबड्डी ४: द फाइनल म्याच	२०७९	रामबाबु गुरुङ	रु. २१ करोड ४० लाख
३	२	१२ गाउँ	२०८१	विराज भट्ट	रु. १९ करोड ९३ लाख
५	४	परान	२०८२	दीपकप्रसाद आचार्य	रु. १७ करोड ७७ लाख
६	२	छक्का पञ्जा ४	२०७९	हेमराज बीसी	रु. १७ करोड ५३ लाख
७	३	जारी	२०८९	उपेन्द्र सुब्बा	रु. १७ करोड ४८ लाख
८	१	छक्का पञ्जा	२०७३	दीपाश्री निरौला	रु. १६ करोड १० लाख
९	५	महाजात्रा	२०८१	प्रदीप भट्टराई	रु. १५ करोड ६८ लाख
१०	७	छक्का पन्जा ५	२०८१	दीपाश्री निरौला	रु. १५ करोड २० लाख
११	१	कोहिनुर	२०७१	आकाश अधिकारी	रु. १४ करोड ७५ लाख
१२	३	छक्का पन्जा २	२०७४	दीपाश्री निरौला	रु. १४ करोड ५१ लाख
१३	१२	आ बाटा आमा	२०८२	चन्द्र पन्त	रु. १३ करोड २० लाख
१४	४	शत्रु गते	२०७४	प्रदीप भट्टराई	रु. १२ करोड ६५ लाख
१५	१२	जेरी अन टप	२०८२	सुयोग गुरुङ	रु. १२ करोड २९ लाख
१६	१२	ऊनको स्वीटर	२०८२	नवीन चौहान	रु. ११ करोड ४२ लाख
१७	२	कबड्डी कबड्डी	२०७२	रामबाबु गुरुङ	रु. १० करोड ३५ लाख
१८	१०	बोक्सीको घर	२०८१	सुलक्ष्ण भारती	रु. १० करोड १० लाख

विदेशी चलचित्रहरू

यस सूचीमा नेपालमा रु. १० करोडभन्दा बढी कुल आम्दानी (ग्रस) गर्ने विदेशी चलचित्रहरू समावेश छन्।

*	हलहरूमा अझै प्रदर्शन भइरहेका चलचित्रहरूलाई जनाउँछ

क्रम	चलचित्र	वर्ष (सन्)	निर्देशक	भाषा	कुल आम्दानी	सन्दर्भ
१	पुष्पा २: द रुल	२०२४	सुकुमार	तेलुगु	रु. २६ करोड ४६ लाख
२	बाहुबली २: द कन्क्लुजन	२०१७	एस.एस. राजामौली	तेलुगु	रु. २३ करोड
३	केजिएफ: च्याप्टर २	२०२२	प्रशान्त नील	कन्नड	रु. १९ करोड ८० लाख
४	आरआरआर	२०२२	एस.एस. राजामौली	तेलुगु	रु. १७ करोड १२ लाख
५	एनिमल	२०२३	सन्दीप रेड्डी वांगा	हिन्दी	रु. १६ करोड ५६ लाख
६	जवान	२०२३	एटली	हिन्दी	रु. १४ करोड ३५ लाख
७	धुरन्धर: द रिभेन्ज	२०२६	आदित्य धर	हिन्दी	रु. १३ करोड ३९ लाख
८	पठान	२०२३	सिद्धार्थ आनन्द	हिन्दी	रु. १३ करोड ३३ लाख
९	कल्की २८९८ एडी	२०२४	नाग अश्विन	तेलुगु	रु. १२ करोड ५८ लाख
१०	कान्तारा: च्याप्टर १	२०२५	ऋषभ शेट्टी	कन्नड	रु. १२ करोड ३५ लाख
११	दङ्गल	२०१६	नितेश तिवारी	हिन्दी	रु. १० करोड ६५ लाख
१२	धुरन्धर	२०२५	आदित्य धर	हिन्दी	रु. १० करोड ५१ लाख
१३	सैयारा	२०२५	मोहित सुरी	हिन्दी	रु. १० करोड १४ लाख

वर्ष अनुसार सर्वाधिक आम्दानी गरेका चलचित्रहरू

यहाँ विक्रम सम्वत् २०६८ पछि प्रदर्शन भएका चलचित्रहरू मात्र सूचीकृत गरिएका छन्।

विदेशी चलचित्रलाई जनाउँछ

वर्ष (वि.सं)	चलचित्र	उत्पादन	कुल आम्दानी
२०६८	लुट	ब्ल्याक हर्स पिक्चर्स	रु. ५ करोड २० लाख
२०७०	धूम ३	यश राज फिल्म्स	रु. ६ करोड
२०७१	कोहिनुर	नेपा मुभिज	रु. १४ करोड ७५ लाख
२०७२	कबड्डी कबड्डी	सिनेमा आर्ट	रु. १० करोड ३५ लाख
२०७३	छक्का पन्जा	आमा सरस्वती मुभिज	रु. १६ करोड १० लाख
२०७४	बाहुबली २: द कन्क्लुजन	आर्का मिडिया वर्क्स	रु. २३ करोड
२०७४	शत्रु गते	मह सञ्चार	रु. १२ करोड ६५ लाख
२०७६	छ माया छपक्कै	आमा सरस्वती मुभिज	रु. ९ करोड ९३ लाख
२०७६	सेन्टी भाइरस	सुबिहानी फिल्म्स	रु. ३ करोड ६० लाख
२०७८	स्पाइडर-म्यान: नो वे होम	मार्भल स्टुडियोज	रु. ७ करोड ३० लाख
२०७९	कबड्डी ४: द फाइनल म्याच	बासुरी फिल्म्स	रु. २१ करोड ४० लाख
२०७९	छक्का पञ्जा ४	आमा सरस्वती मुभिज	रु. १७ करोड ५३ लाख
२०८१	पूर्णबहादुरको सारङ्गी	सेभेन सिज सिनेमा	रु. ४६ करोड ८७ लाख
२०८२	परान	बाइस्कोप सिनेमा	रु. १७ करोड ७७ लाख
२०८३	गौँथली *	आर्य इन्टरटेन्मेन्ट	रु. २३ करोड ५५ लाख

यो पनि हेर्नुहोस्

• सबैभन्दा महँगो नेपाली चलचित्रहरूको सूची