भैरवी गाउँपालिका

भैरवी गाउँपालिका
गाउँपालिका
कर्णाली प्रदेशको नक्सामा भैरवी गाउँपालिकाको अवस्थिति भैरवी गाउँपालिका (नेपाल)
निर्देशाङ्क: २८°४८′३६″उ ८१°४८′३६″पू
देश	नेपाल
प्रदेश	कर्णाली प्रदेश
जिल्ला	दैलेख
स्थापित	२७ फागुन २०७३
सरकार
• अध्यक्ष	रीताकुमारी शाही (नेपाली काङ्ग्रेस)
• उपाध्यक्ष	देवी भण्डारी (नेपाली काङ्ग्रेस)
क्षेत्रफल
• जम्मा	११०.४६ किमी२ (४२.६५ वर्ग माइल)
जनसङ्ख्या  (राष्ट्रिय जनगणना २०७८)
• जम्मा	१८,७६७
• घनत्व	१७०/किमी२ (४४०/वर्ग माइल)
समय क्षेत्र	युटिसी+५:४५ (नेपाली समय)
क्षेत्रीय सङ्केत	+९७७-०८९
केन्द्र	साविक भैरीकालिकाथुम गाविसको कार्यालय
वेबसाइट	आधिकारिक वेबसाइट

भैरवी गाउँपालिका दैलेख जिल्लाका ७ गाउँपालिकाहरू मध्ये एक हो। २७ फागुन २०७३ मा, गाउँपालिका घोषणा गर्दा ‍भैरीकालिकाथुम, कुसापानी, रावतकोट, काँशीकाँध (८) र दुल्लु नगरपालिका वडा नं. १० अर्थात् बडलम्जी गाविसको वडा नम्बर (२-७) गाविसहरू यसमा गाभिएका थिए।

जनसङ्ख्या

राष्ट्रिय जनगणना २०७८को जनगणना अनुसार भैरवी गाउँपालिकाको कुल जनसङ्ख्या १८,७६७ रहेको छ भने यहाँ ४,२६९ घरधुरी रहेका छन्।

भैरवी गाउँपालिकाको वडा विवरण

वडा नं.	समावेश साविकका गाविसहरू	जनसङ्ख्या	क्षेत्रफल (वर्ग कि.मी.)	जनघनत्व (प्रति व.कि.मी.)
१	रावतकोट (५-९)	२,९५५	१३.७५	२१४.९१
२	रावतकोट (१-४)	२,०२०	७.३७	२७४.०८
३	बडलम्जी (२-७)	३,९७१	१४.११	२८१.४३
४	भैरीकालिकाथुम (१-२, ४-६)	२,७२५	८.९५	३०४.४७
५	भैरीकालिकाथुम (३, ७, ८-९)	२,७२४	११.४८	२३७.२८
६	कुसापानी (१-४) र काँशीकाँध (८)	२,०३५	९.०५	२२४.८६
७	कुसापानी (५-९)	२,३३७	४५.७५	५१.०८
कुल		१८,७६७	११०.४६	१६९.९०

पर्यटन

यस गाउँपालिका भित्र दैलेख जिल्लाका अधिकांश ऐतिहासिक तथा धार्मिक महत्त्व बोकेका स्थानहरू पर्दछन्। दैलेख जिल्लाको पवित्र तिर्थस्थल पञ्चकोशी मध्यको एक स्थान मानिएको शिरस्थान मन्दिर यसै गाउँपालिकामा अवस्थित छ। शिरस्थानमा नित्य प्रज्वतित अग्निज्वाला रहेको छ। यसका साथै कुसापानी झरना, भैरवी मन्दिर, ब्याउलीको लेकमा रहेको धर्मशाला, रावतकोटका पञ्चदेवल, डाँडीमाडी र खम्मगाडेका वीरखम्बाहरूका साथै ठाउँ ठाउँमा रहेका वीरखम्बा र ढुङ्गेधाराहरू यस गाउँपालिकाका महत्त्वपूर्ण धार्मिक, ऐतिहासिक तथा पर्यटकिय स्थलहरू हुन्।

बाह्य कडीहरू

• जिल्ला समन्वय समितिको कार्यालय, दैलेख