केदारमान व्यथित

स्वतन्त्र विश्वकोश, नेपाली विकिपिडियाबाट
Jump to navigation Jump to search

केदारमान व्यथित (वि. स‌ं. १९७१- वि. स‌ं. २०५५) नेपालका चर्चित साहित्यकार हुन्। यिनी नेपालका पूर्वमन्त्री पनि हुन्। यिनी वि. स‌ं. २०१७ पुष १मा राजा महेन्द्रले जननिर्वाचित प्रधानमन्त्री विश्वेश्वर प्रसाद कोइराला लाई हटाई निर्दलीय पञ्चायती व्यवस्था लागू गरेपछि वि. स‌ं. २०१९ चैत २० गते गठीत तुल्सी गिरीको मन्त्रीमण्डलमा मन्त्री भएका थिए।

जीवनी[सम्पादन गर्ने]

केदारमानको जन्म बाबु सूर्यमान श्रेष्ठ र आमा पद्‍मकुमारीका सुपुत्रका रूपमा बाँसबारी, बनाउने पाटी, सिन्धुपाल्चोकमा वि. स‌ं. १९७१ साल कात्तिक महिनामा भएको हो। उनको निधन वि. स‌ं. २०५५ साल भाद्र २५ गतेका दिन भयो। उनले स्वाध्यायनबाट शिक्षा लिएका थिए।

कृतिहरू[सम्पादन गर्ने]

उनले बढी संख्यामा कविता लेखे। उनका प्रकाशित कृतिहरूः

  • संगम (कवितासंग्रह, वि.सं. २००३)
  • प्रणव (कवितासंग्रह, वि.सं. २००३)
  • २००९ सालको कविता (कवितासंग्रह, वि.स. २००९)
  • एक दिन (कवितासंग्रह, वि.स. २०११)
  • त्रिवेणी (कवितासंग्रह, वि.सं २०१५)
  • संचयिता (कवितासंग्रह)
  • जुनेली (कवितासंग्रह, वि.सं. २०१९)
  • सप्तर्ण (कवितासंग्रह, वि.सं. २०२८)
  • नारी-रस माधुर्य आलोक (कवितासंग्रह, वि.सं. २०२५)
  • आवाज (कवितासंग्रह, वि.सं. २०३१)
  • बदलिरहने बादलका आकृति (कविता संग्रह, वि.सं. २०३३)
  • मेरो सपनामा हाम्रो देश र हामी (कविता संग्रह, वि.सं. २०३४)
  • मेरी प्रियसी प्रजातान्त्रिक स्वतन्त्रता (काव्य, वि.सं. २०३६)
  • रस त्रिफला (कवितासंग्रह, वि.सं. २०३८
  • अग्नि श्रृङ्गार (मुक्तकसंग्रह, वि.सं. २०३९)
  • फेरि अर्को एउटा कुरुक्षेत्र (कवितासंग्रह)
  • प्रतिक्षा (नेवारी कवितास्रंगह)
  • दिवस चित्र (नेवारी कवितासंग्रह)
  • स्वविं प्याः गुम्ये (नेवारी कवितासंग्रह)
  • छ्वास (नेवारी कवितासंग्रह)
  • हमारा देश हमारा स्वप्न (हिन्दी कवितासंग्रह)
  • त्रयी (हिन्दी कवितासंग्रह)
  • अग्नि श्रृंगार (हिन्दी कवितासंग्रह)
  • सेलेक्टेड पोयम्स् (अङ्ग्रेजी कवितासंग्रह)

संलग्नता[सम्पादन गर्ने]

  • ने.प्र.प्र.का कुलपति,
  • नेपाल साहित्यकार संसदका सदस्य,
  • नेपाली साहित्य संस्थानका सचिव
  • साहित्य परिषद्का अध्यक्ष,
  • काव्य प्रतिष्ठानका सदस्य,

पुरस्कार[सम्पादन गर्ने]

उत्कृष्ट काव्य-कृति र विभिन्न संस्थागत माध्यमबाट नेपाली वाङ्मयको श्रीवृद्धिका निम्ति आधा शताब्दीभन्दा बढी समयदेखि अनवरत रूपमा सृजनशील र क्रियाशील रही नेपाली भाषा र साहित्यको प्रतिष्ठा बढाएबापत उनलाई वि. स‌ं. २०४८को जगदम्बाश्री पुरस्कार प्रदान गरिएको थियो। यसबाहेक उनलाई वि.स.२०४६को वेदनिधि पुरस्कार, ज्योर्तिमय त्रिशक्ति पट्ट प्रथम, नेपाल एवं भारतमा अभिनन्दन गरिएको थियो।

सन्दर्भ सामग्रीहरू[सम्पादन गर्ने]

यी पनि हेर्नुहोस्[सम्पादन गर्ने]

बाहिरी लिङ्कहरू[सम्पादन गर्ने]