देउमाई नगरपालिका

देउमाई नगरपालिका
नगरपालिका
इलामको चियाबारी
देश	नेपाल
विकास क्षेत्र	पूर्वाञ्चल
अञ्चल	मेची अञ्चल
जिल्ला	इलाम जिल्ला
स्थापना	२०७१ मंसिर १७
सरकार
• मेयर	सुर्य प्रसाद पोख्रेल
• उप मेयर	पविमाया राइ
क्षेत्रफल
• जम्मा	५०.७ किमी२ (१९.६ वर्ग माइल)
जनसङ्ख्या  (राष्ट्रिय जनगणना २०६८)
• जम्मा	१०,९४६
• घनत्व	२२०/किमी२ (५६०/वर्ग माइल)
समय क्षेत्र	युटिसी+५:४५ (नेपालको प्रमाणिक समय)
क्षेत्रीय सङ्केत	+९७७-२७
वेबसाइट	www.deumaimun.gov.np

देउमाई नगरपालिका (English: Chiyabari) नेपालको पूर्वाञ्चल विकास क्षेत्र अन्तर्गत मेची अञ्चलमा पर्ने इलाम जिल्लामा अवस्थित एक नगरपालिका हो।

परिचय

स्थानीय विकास मन्त्रालयले थप ६१ वटा नयाँ नगरपालिका थप्दा इलाममा मंगलबारे र धुसेनी गाउँ विकास समितिहरू लाई समेटेर देउमाई नगरपालिका घोषणा गरिएको हो। देउमाई नगरपालिकाको केन्द्रभने साविकको मंगलबारे बजार रहको छ। नगरपालिकाको घोषणा र क्षेत्रविस्तारसँगै मुलुकमा १ महानगरपालिका, ११ उपमहानगरपालिका, १ सय ७९ नगरपालिका र ३ हजार २ सय ७८ गाविस कायम भएका छन्। नयाँ नगरपालिका थपिएपछि नेपालको सहरी जनसङ्ख्याको प्रतिशत ३६ दशमलव ८ पुगेको मन्त्रालयले जनाएको छ।

जनसङ्ख्या

देउमाई नगरपालिका मंगलबारे र धुसेनी गाविसहरू मिलेर बनेको हो। त्यसैले राष्ट्रिय जनगणना २०६८ अनुसार मंगलबारे र धुसेनी गाविसहरूको जनसङ्ख्यालाई जोड्दा देउमाई नगरपालिकाको कूल जनसङ्ख्या १०,९६४ हुन्छ।

पूर्वाधार

मंगलवारेलाई नजिकैको धुसेनी गाविससँग गाभेर देउमाई नगरपालिका बनाइएको हो। मंगलवारे पश्चिम इलामको प्रमुख व्यापारिक केन्द्र हो। त्यो ठाउँ नगरपालिका हुँदा बजारवासी खुसी भए पनि धेरै जनसङ्ख्या रहेको गाउँका वासिन्दा धेरै खुसी देखिँदैनन्। ऐतिहासिक स्थल तथा व्यापारिक दृष्टिकोणले प्रख्यात देउमाई पूर्वाधारबिनै नगरपालिका घोषणा हुँदा स्थानीयवासी खुसी हुन नसकेका हुन्।

बाह्य कडीहरू

• जिल्ला विकास समितिको कार्यालय, इलाम