नयाँबजार

नयाँबजार
पूर्व गाविस
नयाँबजारको एक दृष्य
नेपालको नक्सामा नयाँबजारको अवस्थिति नयाँबजार (नेपाल)
निर्देशाङ्क: 26.47°N 87.84°E / 26.47; 87.84
देश	नेपाल
प्रदेश	कोशी प्रदेश
जिल्ला	इलाम जिल्ला
जनसङ्ख्या  (वि.सं २०६८)
• जम्मा	४,७४३
समय क्षेत्र	युटिसी+५:४५ (नेपाली समय)

नयाँबजार नेपालको पूर्व प्रशासनिक विभाजन अनुसार, पूर्वाञ्चल विकास क्षेत्रको मेची अञ्चल, इलाम जिल्लामा अवस्थित एक गाविस थियो। एघारौँ राष्ट्रिय जनगणना २०६८मा यहाँको जनसङ्ख्या ४७४३ रहेको थियो जसमध्ये २३५५ पुरुष र २३८८ महिला रहेका थिए भने यहाँ १०९० घरधुरी रहेको थियो। यो हाल माईजोगमाई गाउँपालिकामा पर्दछ।

नयाँबजार जान फिक्कल बजारबाट करिव २० कि.मी. कच्ची बाटोबाट पुग्न सकिन्छ। यहाँबाट भारतीय सीमावर्ती बजार जौवारी सम्म जीप चल्ने बाटो छ । नयाँबजारबाटै सोयाङ, प्याङ, जोगमाई, सिरिसे, नाम्सालिङ आदि ठाउँ तर्फ जाने जीप चल्ने बाटाहरू छुट्टिन्छन् । हाल नयाँबजारमा एक उप-स्वास्थ्य चौकी एक उच्च माध्यमिक विद्यालय, एक माध्यमिक विद्यालय, एक सुस्त मनस्थितिका बालबालिकाका लागि कक्षा, दुइवटा निजी विद्यालय, इलाका प्रहरी कार्यालय, २ वटा मन्दिर, इलाका हुलाक कार्यालय र एक पर्यटकीय स्थल उत्तरे पोखरी रहेका छन् । नयाँबजारको स्थापना बालागुरूले २०११ सालमा गरेका हुन्।