लक्ष्मीपुर, इलाम

लक्ष्मीपुर, इलाम
देश	नेपाल
अञ्चल	मेची
जिल्ला	इलाम जिल्ला
जनसङ्ख्या  (२०५८)
• जम्मा	६,९०१
समय क्षेत्र	युटिसी+०५:४५ (नेपालको प्रमाणिक समय)

लक्ष्मीपुर, पूर्वी नेपालको इलाम जिल्लाको मध्य दक्षिणी भेगमा रहेको एक गाविस थियो। यहाँ १,१६० घरधुरी तथा ६,९०५ जनसङ्ख्या रहेको छ ।

यो हाल नेपाल सङ्घीय शासन प्रणालीमा गइसकेपछि राज्य पुनःसंरचना गर्दा यसको वडा नं. १, २, ४ र ८ सुर्योदय नगरपालिका १४ र वडा नं. ३, ६, ७ र ९ सुर्योदय १३ र वडा नं. ५ चाँहि माइ नगरपालिका ५ मा परेको छ।

भौगोलिक स्थिति

• यसको पूर्वमा इलामकै रोङ गाउँपालिका , उत्तरमा इलाम नगरपालिका को वडा नं १० गोदक गाबिस, पश्चिममा माई नगरपालिकाको चिसापानी र दानाबारी गाबिस र दक्षिणमा झापाजिल्लाको अर्जुनधारा नगरपालिका को खुदुनाबारी क्षेत्र रहेका छन।
• यो गाबिस समुन्द्र सतह देखी लगभग ३००मी को उचाई देखी १६२५मी को उचाई सम्म रहेको छ।
• यहाँपर्ने खोलानाला हरूमा टाङ्टिङखोला, साकाले, लेवाखोला, धोबिखोला, चुम्बाङ्गखोला, अंधेरीखोला, खानीखोला आदि हुन।

हावापानी

यहाँको हावापानी मिश्रित प्रकारको छ। खासगरी यहाँ वर्षा ऋतुमा अत्याधिक वर्षात हुने गर्छ। यहाँको तापक्रम मध्ययम किसिमको छ।

यस गाबिसको प्रमुख ठाउँहरु

• मुर्तिडाँडा
• डाक्टरगाउँ
• सुकेपोखरी
• जोरपोखरी
• दुधकेन्द्र
• भुटानेचोक
• कोलबोटे
• आरुबोटे
• देविथान
• गुराँसे
• खानिभन्ज्याङ्ग
• उत्तरे
• बतासे
• जरिङ्गे
• जिमिखाँद
• जिमिथुम्का
• भुतेनी
• दाङ्गसारङ
• चुम्बाङ्ग
• कटुसे बजार
• हजुरे
• कागुने
• सिम्ले
• जैसिटार
• ठुलोबर्दु,
• मानेडाँडा
• कानेडाँडा
• खोलिपाखा
• हाङगिम
• रमिते
• बुच्चेटार
• बाङ्गेटार
• जिराइत
• भालुखोप
• सानोबर्दु,
• ठाडे
• खर्बनी
• मिथुनखर्क
• बाहुनिचुली
• थाक्ले
• गङ्गटे
• कुम्भिटार
• दहालटार

पर्यटकीय तथा धार्मिक स्थलहरु

• जिमिथुम्कामा रहेको जिमी राजारानीको मन्दिर,
• सल्लाघारी,
• सुकेपोखरी,
• विभिन्न ठाउँमा रहेका चिया बगानहरु
• जोरपोखरी,
• देबिथान,
• थाक्लेदेखि दक्षिणतिर रहेका चुरे क्षेत्र
• ठुलोबर्दुको रामेश्वर शिवालय मन्दिर,
• ठुलोबर्दुको ह्वोइ शेर ने छेलिङ्ग गुम्बा,
• सानोबर्दुको जस्मनिहरूको कमलबिन्दु धाम
• थाक्लेको कबिरहरूको धार्मिकस्थल

बसोबास

यहाँ विशेषगरि बाहुन, क्षेत्री, राई, लिम्बु,तामाङ्ग, मगर, गुरुङ, लेप्चा, कामी, दमाई, आदि जातजातिको बसोबास रहेको छ। यहाँका सबै जातजातिहरू मिलेर बसेका छ्न।

पेशा

यहाँको मुख्य पेसा भनेको कृषि हो। यहाँको प्रमुख नगदेबाली हरूमा अदुवा, अलैंची, अम्लिसो(कुचो), चिया, अकबरे खोर्सानी आदि हुन। ओलन(गाईको दुध) पनि यहाँको प्रमुख आम्दानिको स्रोत हो

यातायातको अवस्था

• यहाँ पक्की बाटो कहिँ छैन। यहाकाँ धेरै गाउँहरूमा कच्ची बाटो पुगेको छ। यहाँबाट इलाम बजार, फिक्कल बजार तथा झापाको बिर्तामोड, सनिश्चरे, र खुदुनाबारी सम्म जाने साना बस तथा जिप, ट्याक्सी आदि जाने गर्छन।
• यहाँ उत्पादन भएका अदुवा, अलैंची, कुचो, तरकारी लैजान ट्रक तथा पिकअप पनि सन्चालन हुन्छ्न।

• सडक नपुगेका ठाउँमा भने घोडाको प्रयोग गरिन्छ।