शान्ति मास्के

स्वतन्त्र विश्वकोश, नेपाली विकिपिडियाबाट
Jump to navigation Jump to search
शान्ति मास्के
चित्र:शान्ति मास्के
जन्मवि.सं. १९८४
पेशाअभिनेत्री

शान्ति मास्के (वि.सं. १९८४ - वि.सं. २०६७) नेपाली चलचित्रकी पहिलो पुस्ताकी चर्चित अभिनेत्री हुन।

जीवनी[सम्पादन गर्ने]

वि.सं. १९८४ मा गोरखाको तीनपीपलमा जन्मेकी मास्के अभिनय र गायनका लागि आमासँगै काठमाडौं हुँदै कोलकाता पुगेकी थिइन्। कोलकाता छँदा केही नाटक समेत गरेकी थिइन्।

उनी वि.सं. २००७ को राणा विरोधी आन्दोलन क्रममा विराटनगर आइपुगेकी थिइन् र त्यहीं उनले तत्कालीन रेडियो प्रजातन्त्रमा जनपक्षीय गीतहरू गाएकी थिइन्। आन्दोलनको सफलतापछि राजधानी आइपुगेकी उनको वि.सं. २०१० मा पहिलोपटक नाटककार बालकृष्ण समसँग भेट भएको थियो। त्यही साल उनले सिंहदरबारभित्र रहेको नाटकघरमा समकै 'अन्धवेग' नाटकमा अभिनय गरिन्।

वि.सं. २०११ मा वीरबहादुर मास्केसँग वैवाहिक बन्धनमा बाँधिएकी थिइन्।

उनको पहिलो फिल्म हिजो, आज र भोलि (वि.सं. २०२४) हो। त्यसपछि 'जीवनरेखा' र 'सिन्दुर'ले उनलाई र्सवाधिक चर्चा दिलाए। उनले हिन्दी चलचित्र 'किस्सा काठमान्डु' र 'पञ्चवटी'मा समेत अभिनय गरेकी थिइन्। 'कान्छी, 'पछ्यौरी,' 'के घर के डेरा', 'कस्तूरी,' 'तपस्या' लगायत ५० भन्दा बढी फिल्ममा अभिनय गरेकी उनी वि.सं. २०४२ मा प्रकाश थापा निर्देशित 'सन्तान'को सुटिङ क्रममा नारायणघाटको पुलबाट हाम फाल्दा घाइते भएकी थिइन्। यही घटनाका कारण मुटुमा 'पेस मेकर' राख्नुपरेको उनले ५ वर्ष अघि नै नयाँ 'पेस मेकर' फेरेकी थिइन्। नेपाली कला क्षेत्रमा दिएको योगदानबापत उनले गोरखा दक्षिण बाहु, उर्वशी पुरस्कार, सर्वोत्कृष्ट चलचित्र अभिनेत्री पुरस्कार, चरित्र अभिनेत्री पुरस्कारलगायत दर्जनौं सम्मान पाएकी थिइन्।

नेपाल चलचित्र कलाकार संघको संस्थापक संयोजक समेत रहेकी मास्के चलचित्र विकास बोर्डमा सल्लाहकार थिइन्।

उनको ८३ वर्षको उमेरमा वि.सं. २०६७ साल माघ ५ गते निधन भयो. लामो समय देखि मुटुको रोगि मास्केले धेरै चलचित्र तथा टेलिभिजनमा अभिनय गरेकी थिईन।[१]

सन्दर्भ सामग्रीहरू:[सम्पादन गर्ने]

  1. http://www.nagariknews.com/ent/movies/22561-2011-01-19-06-09-15.html

बाहिरी लिङ्कहरू[सम्पादन गर्ने]