शैलेश थापा क्षेत्री

प्र.म.नि. शैलेश थापा क्षेत्री
२८ औँ प्रहरी महानिरीक्षक
बहालवाला
पद बहाली २०७७ असार २३
राष्ट्रपति	विद्यादेवी भण्डारी
प्रधानमन्त्री	खड्गप्रसाद ओली
पूर्वाधिकारी	ठाकुर प्रसाद ज्ञवाली
व्यक्तिगत विवरण
जन्म	(1968-12-08) ८ डिसेम्बर १९६८ सूर्यविनायक नगरपालिका–५, भक्तपुर, नेपाल
नागरिकता	नेपाली
राष्ट्रियता	नेपाल
मातृ शिक्षाप्रतिष्ठान	त्रिभुवन विश्वविद्यालय नेपाल कर्मश क्याम्पस
पेशा	प्रहरी अधिकृत

शैलेश थापा क्षेत्री नेपाल प्रहरीका २८ औँ प्रहरी महानिरीक्षक हुन् । उनलाई वि. सं २०७७ असार २३ मा बसेको नेपालको मन्त्री परिषदको बैठकको निर्णयले प्रहरी अतिरिक्त महानिरीक्षकबाट प्रहरी महानिरीक्षक पदमा बढुवा गरेको हो।

पारिवारिक जीवनी

शैलेश थापाको जन्म वि. सं. २०२५ साल मंसिर २३ गते भक्तपुर सूर्यविनायक नगरपालिका–५ साविक कटुन्जे गाविस–९ मा भएको थियो। थापाले २०४९ बैशाख १९ गते प्रहरी निरीक्षकबाट प्रहरी सेवामा प्रवेश गरेका थिए। थापाका बुबा पनि पूर्व प्रहरी अतिरिक्त महानिरीक्षक थिए। बुबाकै प्रेरणाबाट प्रहरी सेवामा प्रवेश गरेको बताउने महानिरीक्षक थापाले भक्तपुरको शारदा माध्यामिक विद्यालय व्यासीबाट २०४० सालमा एसएलसी पास गरे। नेपाल कर्मश क्याम्पस मिनभवनबाट स्नातक तह पास गरेका थापाले त्रिभुवन विश्वविद्यालयबाट राजनितिशास्त्रमा स्नातकोत्तर गरेका छन्। थापाले नेपाली प्रहरी एकेडेमी, अमेरिकाको फेडेरल ब्यूरो अफ इन्भेस्टिगेसन (एफबीआई) र आर्मी स्टाफ कलेजबाट पनि ग्रेजुएसन गरेका छन्।

बाह्य कडीहरू

• शैलेश थापाको सेक्रेट : बाबु डीआईजी, छोरो आईजीपी - अनलाईन खबर