जगनाथ

जगनाथ
पूर्व गाविस
नेपालको नक्सामा जगनाथको अवस्थिति जगनाथ (नेपाल)
निर्देशाङ्क: २८.७३°N ८१.७६°E / 28.73; 81.76
देश	नेपाल
प्रदेश	कर्णाली प्रदेश
जिल्ला	दैलेख जिल्ला
जनसङ्ख्या  (वि.सं २०६८)
• जम्मा	२,८०३
समय क्षेत्र	युटिसी+५:४५ (नेपाली समय)

जगनाथ नेपालको पूर्व प्रशासनिक विभाजन अनुसार, मध्यपश्चिमाञ्चल विकास क्षेत्रको भेरी अञ्चल, दैलेख जिल्लामा अवस्थित एक गाविस थियो। एघारौँ राष्ट्रिय जनगणना २०६८मा यहाँको जनसङ्ख्या २८०३ रहेको थियो जसमध्ये १३६२ पुरुष र १४४१ महिला रहेका थिए भने यहाँ ५०४ घरधुरी रहेको थियो। यो हाल भगवतीमाई गाउँपालिकामा पर्दछ।

दैलेखको पूर्वी क्षेत्र जाजरकोटको सिमानामा पर्ने जगनाथ गाविस भौगोलिक रूपले विकट सदर मुकामबाट ११ कोष टाढा रहेको छ। यो गाविस २०३९ सालमा पूर्व मेहेलतोली गाविसबाट अलग भएको थियो भने पछि राज्यको पूनरसंरचना संगै यस गाविसका चर्चित देवता जगनाथ मावईको नामबाट नामाकरण भई जगनाथ गाविस रहन गयो। यस गाविसमा मुख्य गरी रुमी, तुर्सु, सीमा ,पोखरा, कुल्ले, डौरी, मन्घर गाँउहरू रहेका छन्। यस गाविसमा जगनाथ मावई, मालिका, देउराली, मष्टो लगाएतका धार्मिक सम्पदा र चमेरे गुफा धुँ गर्ने वडार र भैरी लेख जस्ता प्राकृतिक सम्पदा रहेका छन्।