नरेन्द्र मोदी

नरेन्द्र मोदी
भारतको १५औ प्रधानमन्त्री
पद बहाली २६ मे २०१४
राष्ट्रपति :	प्रणव मुखर्जी
अग्रज :	मनमोहन सिंह
निर्वाचन क्षेत्र :	मणिनगर
गुजरातको १४औ मुख्यमन्त्री
कार्यकाल ७ अक्टोबर २००१ – २२ मे २०१४
राज्यपाल :	डा. कमला बनिवाल
अग्रज :	केशुभाइ पटेल
व्यक्तिगत जानकारी
जन्म	सन् १९५० सेप्टेम्बर १७ वडनगर, महेसाणा जिल्ला, गुजरात, भारत
राजनीतिक दल	भारतीय जनता पार्टी
जीवनसाथी	जसोदाबेन चिमनलाल
बच्चा	छैन
निवास स्थान	गाँधीनगर, गुजरात, भारत
शिक्षा	[स्नातोकोतर (राजनीतिशास्त्र)]
अलमा मेटर	गुजरात विश्वविद्यालय
धर्म	हिन्दु
हस्ताक्षर
वेबसाइट	Narendra Modi
As of २६ मे, २०१४ Source: गुजरात सरकार

नरेन्द्र दामोदरदास मोदी(अङ्ग्रेजी: Narendra Modi) ( उच्चारण , गुजराती: નરેંદ્ર દામોદરદાસ મોદી; जन्म: १७ सेप्टेम्बर १९५०) गणतन्त्र भारतका वर्तमान प्रधानमन्त्री तथा भारतीय राजनीतिज्ञ तथा भारतीय जनता पार्टीका नेता हुन् । नरेन्द्र मोदीको जन्म १७ सेप्टेम्बर १९५० मा भारतको गुजरातमा भएको थियो । उनी २००१ देखि २०१४ सम्म गुजरातको मुख्यमन्त्री रहे । सन् २०१४ को लोकसभा चुनावमा भारतीय जनता पार्टीले बहुमत ल्याएपछि उनी भारतको प्रधानमन्त्री बनेका हुन् । ५ सय ४५ सदस्सीय लोकसभामा भारतीय जनता पार्टीले २ सय ८२ मतका साथ स्पष्ट बहुमत ल्याएको छ । नरेन्द्र मोदीले सन् २०१४ मे २६ मा भारतको राष्ट्रपतिसामु सपथ ग्रहण लिएका छन् । उनी स्वतन्त्र भारतको १५औ प्रधानमन्त्री हुन् तथा यस पदको जिम्मेवारी सम्हाल्ने स्वतन्त्र भारतमा जन्मेका प्रथम व्यक्ति हुन् ।

एउटा सभासदको रूपमा उनले भारतको उत्तर प्रदेशको सांस्कृतिक नगरी वाराणसी तथा आफ्नो गृहराज्य गुजरातको वडोदरा संसदीय क्षेत्रबाट चुनाव लडेका थिए र दुवै ठाउँबाट जित पाएका थिए ।

यसभन्दा पहिले उनी भारतीय राज्य गुजरातका १४औ मुख्यमन्त्रीको रुपमा रहेका थिए । उनलाई उनको कामको आधारमा गुजरातको जनताले लगातार ४ पटक (२००१ देखि २०१४ सम्म) मुख्यमन्त्री छानेका थिए । गुजरात विश्वविद्यालयबाट राजनीति विज्ञानमा स्नातकोत्तर डिग्री प्राप्त नरेन्द्र मोदी विकास पुरुषको नाम ले जानिन्छन् र वर्तमान समयमा भारतको सबैभन्दा लोकप्रिय नेताहरू मध्ये एक रहेका छन् । सामाजिक सन्जाल साइट ट्वीटरमा सबैभन्दा बढी फोलोअर भएको भारतीय नेता हुन् । टाइम पत्रिकाले मोदीलाई टाइम वर्ष व्यक्ति २०१४ को लागि ५० उम्मेदवारहरुको सूचीमा राखेको थियो ।

अटल बिहारी वाजपेयी जस्तै नरेन्द्र मोदी एउटा राजनेता र कवि हुन् । उनी गुजराती भाषा वाहेक हिन्दीमा समेत राष्ट्रप्रेमी कविताहरू लेख्ने गरेका छन् ।